http://accountboyhk.mysinablog.com/index.php?op=ViewArticle&articleId=569936
太平洋恩利 (1174)，Pacific Andes International Holdings Ltd, 以下簡稱恩利，是全球主要冷凍海產食品加工商及供應商之一，擁有全面綜合業務，包括捕撈、魚類海上加工、全球採購、岸上加工及國際分銷多類型，現有員工10000人、供應魚產品給全球35個國家，產品本由壽司魚、魚子、吉列魚手指都有，並以中國為主要市場。
第一件事要看的就是它的group structure, 打依條link 按business structure 有幅好靚的圖。圖中左面的是它在新加坡上市的子公司太平洋恩利控股有限公司(Pacific Andes Holdings Ltd), 由於個名似上市公司恩利，以下簡稱為PAH。 PAH hold 住 around 29% 中漁集團 (China Fisheries Group Ltd) ，同樣在新加坡上市，簡稱中漁或CF。如果我講PAH加埋中漁既綜合賬，我會叫做PAH consol. http://www.pacificandes.com/en_main.asp?loadtar=en_info.swf 中漁主要從事捕撈業務，即係用超級拖網捕魚船在公海捉魚，再即場在海上作少量加工，如果唔係d 魚獲唔新鮮就唔值錢。以下係佢既運作模式。由於運作主要在公海，所以差唔多唔駛比稅。 http://www.chinafisherygroup.com/business_fishing.htm 中漁捉到魚之後，會將一部份賣比街客，另外的賣比PAH 作岸上加工，PAH亦同時會為中漁提供support services。PAH 80%既客戶在中國，是同group 的中國的廠房，我唔知中國包唔包香港，不過既然佢大陸既廠係青島，如果香港業務好重的話，transportation cost 會好貴，好似唔太make sense。我簡稱大陸業務叫CN. 之前講過，恩利hold 住 65%PAH，PAH又hold 住29%中漁，恩利對中漁的 effective holding 其實係18.7%, 即係話，恩利既綜合賬(consolidated financial statement) 入面，其實包含左中漁既18.7%盈利、PAH (唔包中漁) 既65%盈利，再加CN 100%盈利，再加其他。綜合賬的原理會把100%既中漁、100%既PAH同100%CN，然後再減一條叫「少數股東權益」(Minority interest，簡稱MI) 的大數。 聽唔明的朋友請睇依個excel file，Consol eg果張sheet 內有簡單example，個file 唔好關，之後幾篇仲要用到。668682-1174 analysis.xls 這個方法做數，唔好的地方就是，如果子公司的 shareholding 太細，好似宜家中漁咁得18.7%，個MI會好大，其實你睇唔到間公司真正的程況。於是我用SGX入面中漁同PAH consol兩間公司的季報做左個Adjusted consolidated P&L，只將中漁既18.7% + PAH既65%+ 100% CN 得出一個新的 P&L，個MI 數會細左好多，會睇得清楚好多。 大家看看excel 中Adj consol 果張sheet， 有心機既可看看我的calculation，冇心機既基本上可以信我的數。不過要留意的是，我為方便沒有將公司間的 resale value 計入去。 舉個例， CF 賣100野比PAH，PAH用$30將件野加工再將件野用$200賣出去，我只計了$100 sales 同$30 cost (instead of $200 sales and $130 cost) 比PAH，PAH同 CN 個 毛利其實係inflated 左，但對K column 既 Adjusted consolidated figures 冇影響，個profit margin % 我亦adjusted 左。 可以清楚地看到，最好賺其實係捉魚，即係捕撈業務。其他業務既adjusted profit margin % 其實都唔準，不過唔會影響大局，都同捕撈業務差好遠。都係果句，唔好關個excel 住。