ZKIZ Archives


中環在線:任由大行唱淡港交所李小加唔小家 李華華

2011-6-22  AD




 

港交所(388)噚日搞酒會賀成立11周年,唔使問,梗係各路財金精英嘅畀面派對喇!不過,喺派對前夕,港交所俾高盛、大摩兩間大行連環唱淡兼降級,所以華華成班行家一見到主人家、港交所行政總裁李小加,就算幾唔啱聽都好,都要問下佢點睇。

而兩杯到肚飲到面紅紅嘅小加就話:「唔緊要!」,似乎並未俾大行狙擊到喎!

11周年畀面派對猛人雲集

除咗好豁達唔介意俾大行唱淡,小加仲寸番兩間大行:「佢鍾意叫買咪買,鍾意叫賣咪賣,香港喺自由市場嚟o架嘛,呢個亦都喺香港嘅好處!」睇得開之餘,仲借機宣傳下個market,小加果然EQ高兼唔小家!

講番個酒會,財爺曾俊華、財庫局局長陳家強、證監會主席方正、中策(235)主席馬時亨等猛人都有現身,就連稀客銀娛(027)主席呂志和、遠東發展集團主席邱德根都有捧場。

之 不過,場面墟冚唔等於有好多人肯講嘢,由於個個都口密,所以到酒會尾聲,財庫局副局長梁鳳儀準備走人嗰陣,傳媒即刻追住佢「癡纏」一番,由商業信託上市、 人民幣發展,到小QFII同ETF,總之咩都問一餐;可憐梁副局長本來想搵公關擋駕,點知連啲公關都閃埋……唔知返到去,有無人會俾副局長抦呢?

李華華


中環 在線 任由 大行 唱淡 港交所 李小 小加 加唔 小家 華華
PermaLink: https://articles.zkiz.com/?id=25886

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019