|
||||||
|
香港很難再有另一間「雅芳婷」。 「地產商賺到盡，租金咁貴，我哋有品牌都租唔到，年輕人連敲門嘅機會都冇，點創業？仲話做李嘉誠？」六十五歲的許章榮句句有火，他是香港寥寥可數的工業 家，一手創辦雅芳婷，由山寨廠起家，去年銷售額達十億元，七成來自內地市場。創業難，守業更難，賭仔性格的許章榮自詡膽大，先是逆市投資逾四億元，在山 東、惠州建廠，為突圍，最新搞作是引入「獨家」樹木纖維生產床品，並親自帶團到奧地利取經。本刊隨團直擊，由許章榮親自道出雅芳婷的最新布陣。 踏入夏令，奧地利晚上九點多，天才剛黑。一行十九人的奧地利考察團，在維也納市中心一間酒莊餐廳內，圍着長木桌吃飯。脫下西裝的許章榮，拿着酒杯滿場飛， 這邊鬥完酒，那邊已摘下眼鏡，與一班香港百貨公司女營業代表搭膊拍照，又笑又鬧。中場休息，許章榮摸着肚子，逕自爬上一邊的木桌上躺着，一會兒又跳下來， 鬼馬地將葡萄汁加入水中扮酒，再大搖大擺加入戰團。今天，考察團清早就出發去參觀奧地利蘭精集團的總部，由蘭精大中華區銷售總監陳榮輝帶隊，團裡除了雅芳 婷的員工﹑香港百貨代表，還有來自廣州﹑東莞及中山等地的加盟商。去年十二月，雅芳婷與蘭精簽約，取得最新樹木纖維品種ProModal（天絲代爾），大 中華區家紡業的獨家代理。參觀蘭精廠房時，帶着安全帽的許章榮，全程跟在工程師旁，表現得興致勃勃。「ProModal原本只係用來做服裝，許生第一個諗 到用喺家紡，係全球第一家。」陳榮輝送上高帽，一旁的許章榮回敬道﹕「呢隻係天然纖維，生產過程乾淨到不得了，質量同最高級嘅棉差唔多。棉花間間有，好極 都係差唔多，但呢隻新纖維，講明係獨家，咁先可以跑贏人哋。」 「木製」床品突圍 合約為期三年，蘭精供應纖維，由雙方允許的紡紗及織布廠製成布料後，再交予雅芳婷生產，新產品今年七月才面世。但未參觀廠房，許章榮已捉住蘭精全球銷售總 監Andreas Dorner，用盡「有限公司」的英文，要求增加纖維訂單數量。「除了床品，毛巾﹑絲巾﹑頸巾都可以做，但你要俾多啲纖維。」行程中，許章榮多次向蘭精代 表陳榮輝強調，已預留一億資金來發展。「內地棉花有配額兼『海鮮價』，一時三萬（每噸，人民幣計），一時三萬五，一時兩萬，升上去又死，跌落來又死，望天 打卦，不如搵你哋（蘭精）傾，價錢﹑供貨穩定，條數易計啲。」許章榮三﹑四年前已開始找新纖維，近年大熱的磁石﹑天年素及紅外線床品，他都研究過，但通通 「唔落疊」。「我去問磁石廠，佢哋話淨係供貨，唔知有咩功能；至於天年素，話將礦物質擦喺布上面，有病醫病，冇病強身，好神奇﹗」許章榮最後睇中樹木纖 維，買了批用蘭精纖維做的布，試做床品，並拿去化驗。「拉力測試﹑透氣度都證明係好嘢。」去年八月上海家紡展，許章榮拿着布辦和化驗報告，去蘭精的攤位找 陳榮輝，要求做獨家代理。「我做埋產品出來，仲有化驗報告，大家一拍即合。」針對新產品，雅芳婷計劃下半年在中﹑港兩地增設五十至一百間分店，更打算在奧 地利薩爾斯堡及維也納開店。「加強品牌嘅奧地利色彩，叫蘭精分擔租金，佢哋都有宣傳效應。」維也納行程最後一天，許章榮已急不及待帶着兩名管理層往市中心 睇鋪。 開鋪遇霸權 除了ProModal，許章榮還有另一秘密武器，就是剛研發成功的新一代智能枕「Up & Down」。○○年推出的智能枕是許章榮最得意的發明之一，曾摘下瑞士日內瓦「國家發明金獎」等獎項，為他帶來「枕頭大王」之譽，但過去數年，卻甚少宣 傳，許承認「賣得唔多」。「以前產品單調，賣成千蚊個，我親自喺鋪頭sell過，有個客慕名而來，但最後只係揀咗個二百幾蚊的側睡寶。」許章榮指枕頭系列 已增至六個，配合第三代「電腦枕頭掃描器」，時機成熟，計劃年底開設專門店「Dr. Pillow」，內地稱為「枕頭博士」。兩個新品牌均蓄勢待發，租鋪成為一大難題。「最近青衣城話不同我哋續租，由佢開張第一日我就幫襯，冇欠租﹑冇違 規，要加租可以同我傾，但佢講都唔講就唔租，霸權到不得了，一點人情味都冇。」許章榮氣憤道，更指地產商才是通脹罪魁禍首。「大業主貪得無厭，租咁貴咪逼 鋪頭劏客囉。我哋就慘啦，二線變三線，三線變四線，係咁向後褪，顧客見你唔到，咪買少張被。」香港市場難發圍，過去十年，雅芳婷主攻內地市場，擁有約四百 五十間專門店及專櫃，八成是加盟商。香港有十二間專門店，及二十多個百貨專櫃，生意額佔集團總收入約三成。 雅芳婷代理的ProModal（天絲代爾），是由兩種樹木纖維Modal（木代爾，來自櫸木）及TENCEL（天絲，來自桉樹/尤加利樹）混配而成。一般 生產樹木纖維，會先將樹木去皮，切割成木碎片（圖一），再製成木漿，乾後質感如同紙張（圖二），最後提取成為纖維（圖三）。 押注四億建廠房 曾說開廠是「無底深潭」的許章榮，過去數年繼續「瞓身」將大部分賺返來的錢，重投雅芳婷。○五年，斥資三億元於山東濟寧市開設歐化印染廠，佔地五百畝，聘 用過千工人，是集團迄今最大投資。現時，雅芳婷所需的布料，只佔工廠兩成產能，另外就為其他品牌做OEM（代工生產）。「間廠舊年開始先唔使蝕。」許章榮 坦承，印染廠的能源開支特別大，每月單是煤及電支出，已要四百萬人民幣。但另一邊廂，他再擲逾億元，在廣東惠州建廠。這天，許章榮親自駕駛一百六十萬的 Benz房車，帶工程師和記者北上惠州，考察新廠房。十八萬呎的物流中心，今個月便正式啟用，廠房另預留土地，興建生產基地。許章榮仔細審視工程進度，臨 走前更「邀請」男攝影師「幫襯」工廠男廁。「個尿兜係不銹鋼，成萬蚊個，隔段時間會自動沖水，啲水來自我哋嘅儲水池，好環保o架。」許章榮笑說。 北上港商活字典 七十年代尾已北上設廠的許章榮，講起內地官場生態，瑯瑯上口。這次去奧地利，許章榮因留港接待山東濟寧市的書記和市長，遲了一天才出發。「佢管晒我哋，一 定要見。」那天，他帶着山東的廠長去接機。「推行李都有規定o架，市長幫書記推，接機的局長來到就幫市長推，你唔好搵個副局長來，唔夠班﹗呵呵。」許章榮 指當天有數間公司都派人去接機。「交換咗卡片一睇，冇人夠我大，唔夠我搶，即刻開口叫書記坐我車。」想和書記吃飯很難，許表示之前亦只吃過早餐，所以一個 小時的車程，已令其他公司「恨到不得了」。許章榮慨嘆，北上多年，「俾人賣豬仔，買錯廠，咩都試過。」最經典的包括投資逾億的海南廠房被政府拍賣出去。 「我哋承包咗間印染廠，政府賣地，連我哋廠都賣埋，買方要來收廠，我向中國司法部駐香港的律師投訴。」最後海口政府讓步，許章榮用數百萬買下工廠地皮，後 來周邊轉作商住地，印染廠成為投訴目標。「又示威又有記者來寫嘢，終於政府俾我哋唔使補地價，二千萬賣咗塊地。」地價賺咗，但搬廠昂貴，許章榮用四千萬在 青島買了間國營印染廠，怎知又撞板。「工人打慣國企工，春節乜節要送乜送物，又要雙工，仲有偷布好犀利，捉咗兩個，佢哋話﹕全廠都有份，點解你捉我？政府 原本有塊吉地俾我哋發展，點知又話變咗商住地，又要再搵地。」青島塊地前年拍賣，許章榮分了一億多人民幣。「只係夠運。」許無奈笑說。如今，許章榮指在內 地做廠，除了請工人難，最「唔順氣」是供社保。「僱主要俾多三成人工，但唔係直接落工人袋，係給政府，變咗另一項稅收，好唔合理。」 公屋出身與馬結緣 祖籍潮州揭陽的許章榮，一歲來港，落腳石硤尾，於八兄弟姊妹中排第二。家境清貧，十歲已在北河街賣煨魷魚，中學在崇真夜校讀書，勉強讀至中五，畢業後在家 庭用品公司做行街推銷員，一做十二年。至七三年，創辦「章記」，專做木棉花枕頭，供貨予國貨公司。八十年代初歐美品牌興起，公司改名「雅芳婷」，一洗土 氣。創業逾四十年，最難忘莫過於九七年八佰伴執笠。「以前家品店的老闆教我一覺得間零售店有唔妥，就要斬纜，否則盞攬住一齊死。」許章榮指功夫學到，關鍵 時卻使不出。「八佰伴執笠，一下子冇十幾個零售點，我哋堅持到最後一刻，結果責死大量存貨，仲有六百多萬貨款收唔返，差啲死。」許章榮說，這一役令他堅 信，凡事都要留一線。「好像投資山東廠，係好大膽o架，不過我計過數，就算蝕盡都唔會冇飯開，先去做。」許章榮工作投入，亦出名「玩得」。上週五約他在公 司拍照，精神奕奕的他自爆之前一晚和朋友在深水灣遊艇上打牌，玩至凌晨四時才離開。許章榮是馬主，有兩匹出賽馬，包括「枕住贏」﹑「睡得好」，另一匹「睡 眠科技」剛退役。每逢星期三﹑日賭馬日，許章榮大多在馬場。「每次買（落注）五﹑六萬，有馬出賽就十萬左右。」許章榮今年特別有運，連中兩次三T，有一百 二十多萬彩金落袋。「養馬唔係投資，係敗家，哈哈。」許章榮自嘲道。賭馬外亦愛騎馬，他在深圳西麗湖馬場養了四匹馬，包括已退役的「枕頭大王」。「我係香 港第一個馬主將退役馬送來深圳，仲自己騎番。」許章榮自豪道。騎完馬，例牌到福田的東方棕泉按摩「鬆一鬆」。最近，又迷上粵曲。這天歎完按摩，開車回港 時，許章榮跟着車上播放的唱片，高聲唱起來。「我學嘢好快。」許章榮總結道。 |
||||||