英之見:避開高負債內房股 黃國英
2008-09-10 AppleDaily
原 來自8月開始,恒指從來未試過連續兩日上升,攤路極之強勁。有不少人仍在期待另一次熊市反彈,最佳策略還是破位追買,21000應該是關鍵位。不過看來再 創新低的機會是比較大,好消息效力只得一日,最慘是一大堆中資股已破新低,呈現絕望式下跌,中資銀行股、內房股及資源股全部都被轟炸,唯一是成交甚低,沽 壓未算太重。如果以股份的氣勢來分析,恒指遲早重試上周低位,一旦失守20000點,便可以確認新一浪的期指淡倉攻擊。
買股不如博金銀期貨
對 股票已有恐懼症,上周四五的新歡,部份打算坐長一點,又要由贏變輸,基本上高位只得15分鐘左右就一瞬即逝。雖然仍然是有心水博資源股,對冲基金洗倉效應 下是抵博,可是既然資源股回升的大前提是相關商品價格要造好,便索性直接趁低買黃金白銀期貨,至少成交較大,又差不多全日交易,勢頭不對隨時平倉,值博率 明顯勝一籌。何況收檔的對冲基金一樣是滿手商品期貨好倉,因此近日的低迷也可能是洗倉效應。最應該避開是內房股,不應該死板看NAV折讓率,9月開始的劈 價潮可以令NAV大幅下調,而做生意要看現金流,一時周轉不靈就要賤賣家當甚至執笠,高負債的要極之小心,隨時這個浪中元氣大傷,價值大跌。作者黃國英為 證監會持牌人士電郵:
[email protected] 中環在線:中燃自爆負債安撫股民 李華華
2008-10-23 AppleDaily
中 信泰富(267)單嘢,搞到市場對上市公司失晒信心,本嚟已經人心不穩,家陣更加風聲鶴唳,咁上市公司要穩定人心,真係要出多幾分力,除咗得把口安撫股 民,率先披露公司負債情況,都係實用又有效嘅方法。好似中國燃氣(384),噚日出通告主動披露財政,仲仔細列明負債情況,等班股東唔使擔心。通告除咗講 一大堆未來發展,嚟緊會有幾多進賬(即係話經濟唔好,佢哋都依然財源滾滾)外,亦特別提到「集團財務狀況穩健,截至08年10月20日手頭現金約為16億 港元」。不過呢一刻,股東最關心嘅已經唔係公司搵到幾多錢,而係欠人幾多銀囉。
有開發行水喉射住
中燃話佢哋有國家開發銀行照住,應承喺5年內,提供200億人仔信貸額支援,期限有成11或15年咁長,而美元貸款亦係4到9年期嘅長期貸款。即係話「未來3年內集團無還貸壓力」,股東請放心!