ZKIZ Archives


大家樂(341)多賺14% 大口仔筆記

From

http://tabodiary.blogspot.com/2008/07/34114.html

早兩日提到幾間值得香港驕傲的中小企,其實又點少得連繼21年錄得營業額增長的大家樂?

你無聽錯我無講錯,係連繼21年增長,由小型上市公司做到中型上市公司的大家樂,業績同匯豐其實有得揮!

21年的時間,當中經歷過股災、97回歸、金融風暴、SARS,到05開始的租金上升潮、07年開始的源料加價潮,咁多年黎都保持增長,真係難能可貴。

大家樂2007年的業績相當秀麗,營業額上升之餘,純利的增長比營業額的升幅更勁 (10% vs 13%),毛利率因為源料上升略跌,但透過加價、控制其他營運成本及增加議價力,做到"生意越做越大,利潤越來越多"的良好勢頭。

公司所持現金8億,預計2008年資本開支若1.5至2億完,自由現金流強勁。

通脹 (或滯脹)環境下,應投資於有品牌實力、有加價能力的基本消費股。連續21年持續增長的大家樂似乎係一個相當好的選擇。

除了親身試過大家樂新推出的紐西蘭"爵士牛扒"有點貨不對辨外,大口仔暫時找不到大家樂的缺點。

有冇人知道大家樂在國內的"朵"如何?

大 家 樂 多 賺 14% 息 35 仙 下 半 年 將 再 加 價 3% 《蘋 果 日 報》

【 本 報 訊 】 大 家 樂 ( 341 ) 公 佈 , 截 至 3 月 底 止 全 年 純 利 4.2 億 元 , 再 創 歷 史 新 高 , 增 幅 13.56% , 每 股 盈 利 76.36 仙 , 末 期 息 35 仙 , 增 16.67% , 全 年 派 息 比 率 達 66% , 未 來 擬 進 一 步 提 升 派 息 比 率 至 70% 。 主 席 陳 裕 光 表 示 , 為 抵 銷 食 品 成 本 上 漲 壓 力 , 上 半 年 加 價 5% 後 , 今 年 度 不 排 除 再 加 3% 。 記 者 : 李 培 瑛

陳 裕 光 表 示 , 去 年 度 食 品 原 料 價 格 不 斷 攀 升 , 其 中 豬 、 牛 、 雞 價 格 分 別 飆 升 100% 、 50% 、 30% , 拖 累 毛 利 率 跌 0.33 個 百 分 點 至 16.42% , 透 過 中 央 採 購 及 制 訂 遠 期 合 約 , 整 體 採 購 成 本 增 幅 控 制 在 10% 水 平 , 整 體 純 利 率 則 維 持 10% 左 右 。

未 來 力 拓 內 地 業 務

大 家 樂 透 過 提 高 產 品 價 格 , 抵 銷 急 速 上 漲 的 成 本 , 今 年 上 半 年 已 經 加 價 5% , 陳 氏 指 , 相 信 下 半 年 加 幅 稍 見 放 緩 , 應 加 價 3% 左 右 。 去 年 度 加 幅 則 達 7% , 平 均 單 價 則 由 26.5 元 漲 至 27.5 元 , 他 指 加 幅 屬 合 理 水 平 , 觀 乎 今 年 首 季 度 ( 即 4 至 6 月 ) 表 現 , 同 店 銷 售 增 幅 達 中 單 位 數 , 客 次 亦 有 所 提 升 。 陳 裕 光 說 , 未 來 將 集 中 火 力 發 展 內 地 業 務 , 目 前 設 有 40 間 店 , 今 年 計 劃 在 內 地 新 增 15 至 20 間 新 店 , 3 年 後 內 地 業 務 比 重 冀 由 目 前 10% 提 高 至 30% , 又 希 望 5 年 後 總 店 數 目 達 300 間 。 香 港 方 面 , 今 年 計 劃 開 設 8 至 10 間 新 店 。 整 體 而 言 , 希 望 在 5 年 內 將 旗 下 食 肆 店 舖 數 目 增 至 1000 間 。 今 年 度 資 本 開 支 1.2 億 至 1.5 億 元 , 用 作 開 設 及 翻 新 店 舖 。 投 資 額 分 別 達 2 億 及 1.5 億 元 的 大 埔 及 廣 州 廠 房 , 計 劃 於 2010 年 中 及 明 年 底 投 產 , 料 有 助 減 省 成 本 1% 及 2% 。

滿 州 鑊 料 下 年 度 轉 賺

至 於 一 直 「 見 紅 」 的 北 美 業 務 , 陳 裕 光 指 , 接 手 北 美 「 滿 州 鑊 」 業 務 逾 兩 年 半 , 仍 在 進 行 治 理 整 頓 , 並 已 關 閉 36 間 表 現 不 佳 的 店 舖 , 涉 及 分 店 比 例 達 85% , 由 於 要 為 結 業 的 店 舖 撇 賬 , 致 令 業 務 出 現 虧 損 ; 現 時 滿 州 鑊 營 運 表 現 已 回 復 正 數 , 料 今 年 底 整 頓 計 劃 完 成 後 , 下 年 度 可 轉 虧 為 盈 , 若 錄 得 盈 利 , 他 不 排 除 會 將 其 在 美 國 上 市 。 去 年 涉 獵 中 式 酒 樓 業 務 , 入 股 稻 香 控 股 ( 573 ) , 加 上 手 持 現 金 近 8 億 元 , 陳 裕 光 不 諱 言 , 考 慮 收 購 作 橫 向 發 展 , 收 購 目 標 或 包 括 西 餅 、 包 行 業 , 惟 目 前 在 港 收 購 機 會 少 之 又 少 , 具 規 模 的 項 目 早 已 被 他 人 收 購 或 私 有 化 , 目 前 苦 無 收 購 對 象 。 至 於 陳 裕 光 身 為 榮 譽 會 長 的 君 豪 會 與 九 展 業 主 合 和 ( 054 ) 的 租 約 糾 紛 , 他 說 對 事 件 「 不 知 底 蘊 」 , 又 指 自 己 「 不 方 便 」 評 論 。

大 家 樂 全 年 業 績 概 況

營 業 額   金 額 : 42.90 億 元   增 幅 : 10.42%
銷 售 成 本   金 額 : 35.85 億 元   增 幅 : 10.85%
營 運 溢 利   金 額 : 4.81 億 元   增 幅 : 13.82%
純 利   金 額 : 4.20 億 元   增 幅 : 13.56%
每 股 純 利   金 額 : 76.36 仙   增 幅 : 12.38%
末 期 息   金 額 : 35.00 仙   增 幅 : 16.67%

分 區 營 運 溢 利

香 港 盈 /( 虧 ) : 4.62 億 元   增 幅 : 12.87%
內 地 盈 /( 虧 ) : 0.43 億 元   增 幅 : 16.97%
北 美 洲 盈 /( 虧 ) : (0.24 億 元 )   增 幅 : 虧 損 增
PermaLink: https://articles.zkiz.com/?id=1356

中環在線:大快活老細人工唔及大家樂 李華華

2008-07-28  AppleDaily

百 物騰貴,飲食業越嚟越難做,做快餐業嘅大快活(052)08年度業績賺咗1億銀,喺高通脹經濟放緩嘅環境下,盈利仍然有19.3%增長都算唔錯。大快活最 新年報,截至08年3月底計,主席兼執董羅開揚舊年人工亦增加13.8%,跑贏通脹成倍,董事袍金連薪津花紅748.1萬銀,單係花紅已經多賺80萬 銀。羅開揚嘅薪酬增幅好唔好?搵個同行比一比就知道。

相比起競爭對手大家樂(341),羅開揚嘅薪酬增幅原來唔算多,截至08年3月底,大家樂主席兼執董 陳裕光嘅薪酬,就錄得近兩成升幅,同07年嘅729.8萬銀相比,多145.7萬至875.5萬銀。咁又難怪嘅,論盈利,大家樂比大快活多超過3 倍,08年度達4.2億銀,較舊年增長13.6%,陳裕光多人工亦正常不過。
PermaLink: https://articles.zkiz.com/?id=1522

大家樂(341)新聞

2009--03-12  AppleDaily
中環在線:陳裕光冇帶袋自覺犯罪




 

上 個禮拜逾2000間零售店推行「日日無膠袋日」,以後唔再主動派膠袋,市民一時三刻都未必習慣,何況係首次打入《福布斯》香港富豪榜嘅大家樂(341)主 席陳裕光呢?陳裕光噚日出席研討會做嘉賓講社企責任,講講吓自爆最近落街買洗頭水,畀錢嘅時候收銀員問佢有冇帶膠袋?答案梗係冇啦,收銀小姐回應咗句: 「我今日畀一個你,下次記住帶嘞!」嗰剎那,陳裕光覺得有股犯罪感湧上嚟,令佢刻骨銘心,提醒自己以後要記得帶購物袋。同台嘅零售管理協會主席 Caroline麥瑞琼話,推行無膠袋日之前已經度好晒對白,等店員同顧客有良性溝通。陳裕光笑言:「唔怪得當時覺得Caroline同我講緊嘢啦!」效 用咁大,陳裕光可以考慮吓將「名句」應用喺大家樂嘅外賣,既可慳番膠袋錢,又可以推動環保嘛!

少派coupon免慢性自殺

金 融海嘯第二波幾時殺到仲未知,未雨綢繆嘅升斗市民,都會袋住啲飲食coupon(優惠券)出街,實行慳得一蚊得一蚊。有讀者反映大家樂最近出咗一次 coupon後冇乜大動作,反而競爭對手陸續有來。陳裕光就同華華講,大家樂不嬲出coupon都好克制,若果人客真係為coupon而來,之後覺得物非 所值,最終只會變成「慢性自殺」。講到咁,大家以後咪冇coupon用?李華華[email protected]
 

SingTao


大家樂今年擬聘千人




大家樂(341)主席陳裕光(見圖)昨表示,受惠於租金市場放緩及食材價格下跌,預料盈利率有改善空間,並計畫○九至一○財政年度在內地及香港增加三十間分店,預計開支一點二億元,共聘請一千名員工;同時在香港再增加兩至三間自置店。

陳裕光又提到,同業用優惠券政策等如「慢性自殺」。他留意到對手的同店銷售由去年十月至十二月均出現跌勢,但大家樂同期仍保持雙位數升幅,預計今年全年同店銷售可達百分之四至五增長。

雖 然食材價格近三個月回落,如豬肉在極高位下跌二成至二成半,但集團仍缺乏減價空間。他承認,金融海嘯對客人消費有影響,在港食物單價由平均二十九元跌至二 十七元,內地方面亦跌至二十三至二十四元。陳裕光指,東莞及華南地區出現倒閉潮,令開拓項目變得謹慎。北美業務預計在來年可達收支平衡,但暫時擱置上市計 畫。

莎莎同店銷售理想

莎莎(178)首席財務總監陸楷表示,一、二月份同店銷售錄得正面增長,料一月份業務達到或高於本港一月份零售業總銷貨價值百分之七點四增長水平。內地放寬深圳居民來港,可

彌補本地客消費力轉弱的缺口。



PermaLink: https://articles.zkiz.com/?id=6560

中環在線:大家樂搵外行陸楷入局 李華華


2009-04-02  AppleDaily





 

美 容同快餐本嚟風馬牛不相及,但大家樂(341)搵咗莎莎(178)執行董事兼首席財務總監陸楷,坐鎮呢間快餐店一哥嘅董事會,做獨立非執董兼審核委員會成 員,都幾有創意。細心嘅讀者或者會記得,上年尾大家樂對手大快活(052),無獨有偶搵咗個同快餐呢行風馬牛不相及嘅人,做獨立非執董兼審核委員會成員, 佢就係精電國際(710)行政總裁蔡東豪。

睇住對手出招

平時兩大快餐店喺生意上就話亦步亦趨啫,唔通背後就連搵執董都要敵一 動我跟住動?咁啱得咁橋,陸楷同蔡東豪有個共通點,蔡東豪之前以原復生做筆名喺《信報》寫財經文章,又做過商業電台營運總裁。至於而陸楷家陣喺莎莎做 CFO,以前亦喺Tom.com做財務總監,都算半個傳媒人,而且兩人對上市公司財務都相當熟悉o架!
 



PermaLink: https://articles.zkiz.com/?id=7105

陳啟宗做咗大家樂神秘客戶 林奇


http://hk.myblog.yahoo.com/lynch200705/article?mid=6972


林奇:持有大家樂(00341),變相是全港 最大連鎖食肆的老闆,各式各樣的茶餐廳是你的競爭對手,雖然林奇也是中環蘭芳園、彩虹邨鑽石冰室、旺角廣東道中國冰室、上環海安咖啡室、北角祥利冰室,以 及旺角文華冰廳的常客,惟對於準有一間響左近的大家樂,以至一粥麵、Oliver's超級三文治、意粉屋、稻香及泰昌餅店,以上各特色小店又有誰能與之匹 敵呢?

大快活(00052)?王祖藍?別說笑了。


林 奇曾撰寫有關大家樂、大快活、稻香等公司的舊文,可按以下文章瀏覽:

讀之再三的大家樂主席報告書
http://hk.myblog.yahoo.com/lynch200705/article?mid=4994

小股東致陳裕光的信:大家樂應汲取星巴克教訓
http://hk.myblog.yahoo.com/lynch200705/article?mid=4024

逆市奇葩──大家樂
http://hk.myblog.yahoo.com/lynch200705/article?mid=3393

我的十年股
http://hk.myblog.yahoo.com/lynch200705/article?mid=3090

大家樂,為您做足100分?
http://hk.myblog.yahoo.com/lynch200705/article?mid=1176

大家樂(00341)表現超卓
http://hk.myblog.yahoo.com/lynch200705/article?mid=947

大家樂中港經營溢利增
http://hk.myblog.yahoo.com/lynch200705/article?mid=952

港交所或躍於淵宜海納百川!大家樂終日乾乾必得償素願!(中)

http://hk.myblog.yahoo.com/lynch200705/article?mid=25


4年後的大家樂
http://hk.myblog.yahoo.com/lynch200705/article?mid=4653

大家樂,肯定靠得住!
http://hk.myblog.yahoo.com/lynch200705/article?mid=2695

大家樂40週年生日快樂!
http://hk.myblog.yahoo.com/lynch200705/article?mid=2297

賀40周年 大家樂派息30仙
http://hk.myblog.yahoo.com/lynch200705/article?mid=2680

價值投資是主流音樂
http://hk.myblog.yahoo.com/lynch200705/article?mid=397

市場絕望才可買平貨
http://hk.myblog.yahoo.com/lynch200705/article?mid=1319

冷門好股悶出彩虹
http://hk.myblog.yahoo.com/lynch200705/article?mid=120

大家樂擬派特別息或成跌市奇葩
http://hk.myblog.yahoo.com/lynch200705/article?mid=1574

稻香逆市擴張搶年輕食客
http://hk.myblog.yahoo.com/lynch200705/article?mid=2990

尋找下一支飆股
http://hk.myblog.yahoo.com/lynch200705/article?mid=1024

快餐業淡市好景大快活四招反攻大家樂
http://hk.myblog.yahoo.com/lynch200705/article?mid=3905

大家樂(00341)加快擴展業務擬開30分店聘千人
http://hk.myblog.yahoo.com/lynch200705/article?mid=2136

大家樂可維持較高派息率
http://hk.myblog.yahoo.com/lynch200705/article?mid=5012

「慢富但必富」的不二法門!
http://hk.myblog.yahoo.com/lynch200705/article?mid=134

餐飲業需要一個職業經理人
http://hk.myblog.yahoo.com/lynch200705/article?mid=4023

優質股股價不看也罷!30歲男人仍然「黐家」!(上)

http://hk.myblog.yahoo.com/lynch200705/article?mid=28


連鎖速食店──股市低潮中的避風港
http://hk.myblog.yahoo.com/lynch200705/article?mid=3813

向股神薦股
http://hk.myblog.yahoo.com/lynch200705/article?mid=4863

大雞唔食細米?叻仔!
http://hk.myblog.yahoo.com/lynch200705/article?mid=124

大家樂中國攻略輕食攻都市人
http://hk.myblog.yahoo.com/lynch200705/article?mid=5301

高息兼具增長性的抗高通脹股──大快活(00052)
http://hk.myblog.yahoo.com/lynch200705/article?mid=966


大快活(00052)今天表現跑贏大市
http://hk.myblog.yahoo.com/lynch200705/article?mid=967

大快活逆市擴版圖
http://hk.myblog.yahoo.com/lynch200705/article?mid=2840

大快活慶35周年派特別息
http://hk.myblog.yahoo.com/lynch200705/article?mid=970

蔡東豪改食快餐
http://hk.myblog.yahoo.com/lynch200705/article?mid=2339

陳志成愈做愈快活
http://hk.myblog.yahoo.com/lynch200705/article?mid=1208


《東 方日報》
2010/03/04
文:卓妮


恒隆集團主席陳 啟宗(Ronnie)有時鍾意去大家樂開飯,幫襯之後仲會寫個電郵畀大家樂主席陳裕光(Michael)講吓飯後感,佢尤其鍾意大家樂旗下「一粥麵」嘅冰 鎮奶茶。陳裕光形容,Ronnie係佢哋餐廳尊貴嘅神秘客戶添!

電郵陳裕光品評食物

卓 妮早前喺個場合同Michael講起呢件事,佢笑笑口爆料畀卓妮知,話Ronnie「出巡」旗下餐廳後會寫電郵畀佢,講吓叉燒、奶茶水準點樣,好彩多數係 讚賞,所以佢都好開心。除咗Ronnie之外,Michael話仲有唔少商業機構CEO都係佢哋客戶。卓妮八卦想知邊個,佢笑謂等人哋自己講啦!

打大家樂呢份工要好醒定,因為嚟 食嘢嘅客人太多,唔知人哋係咩背景,好容易踩到地雷。好似Michael都鍾意微服出巡,佢一星期總有三、四次落舖頭食嘢,最常去大家樂同意粉屋,佢話買 飛攞食物時,員工通常唔識佢,但坐低後有時有員工認到佢,就會通知經理。

大家咪以為 Michael喺大家樂淨係為咗工作,其實佢係真心鍾意食自己舖頭啲出品,尤其喜歡大家樂嘅功夫雞、焗豬扒飯同奶茶。至於意粉屋,佢嘅心水之選係酥皮龍蝦 湯、肉醬意粉及焗芝士麵。大家樂集團喺全港有250間分店,按Michael巡舖嘅速度,食足成年都唔使重複添!

大家樂係全球最大中式連鎖餐廳,又持有稻香約一成股份,透過稻香早已滲 透中港兩地嘅中式食肆市場。為開拓年輕人市場,大家樂近年開咗好多新品牌中價食肆,Michael仲研究緊開日本餐廳添。睇佢雄心勃勃,難怪香港市務學會 都搵佢做榮譽主席,後生仔要多啲向佢偷師啦!


大家樂盆菜銷售雙位數增長


《明報》
2010/02/20


大家樂執行主席陳裕光表示,農曆新年期間,集團的整體銷售,較去年同期有單位數字增 長,其中盆菜業務的銷售增長最強勁,升幅達雙位數字。他又稱,現時食物材料的來貨價壓力不大,故集團現無加價考慮。陳裕光解釋,大家樂的採 購策略屬全球性,是以食材來貨壓力有限,但內地豬肉則有加價壓力。他又稱,香港人喜愛日本菜,集團正研究推出更多日本菜式,亦會考慮走年輕化及中型食肆路 線。


陳裕光:最愛餐廳是大家樂,每星期光顧最少三次

《經濟通》
2010/02/19


虎年大年初六,大家樂領導人陳裕光同傳 媒分享食經時話,最喜愛嘅餐廳係集團旗下嘅大家樂。而成日點嘅菜式就係焗豬扒飯及奶茶,每星期最少幫襯3至4次,去得最多嘅喺沙田分店喎!

講 到大家樂有咩改善空間時,陳主席話,希望品牌更加多元化啦。嚟緊會增加中價餐廳比重
,亦諗緊開設港人最愛嘅日式餐廳,但承認市場競爭都幾大吓。




PermaLink: https://articles.zkiz.com/?id=14693

大家樂捱駡 左丁山



2010-07-9  AD



 

最低工資法案進 入立法程序,聽講會在七月十四日提交立法會表決。上星期,全港最大嘅快餐店集團「大家樂」發佈業績,二○一○年營業額有48.83億,純利有5.13億, 純利率係10.5%,算係幾高,香港一般食肆要有10%純利,其實並不容易。

發表業績之時,大家樂主席陳光裕同時表示,假若最低工資訂於三 十三元每小時,大家樂會發盈警。此語一出,立即招來長毛雄嘅示威抗議,批評陳光裕剝削工人,呢個時候,算係最低工資立法之決戰前夕,工人一方梗係會把握每 一個機會攻擊僱主嘅,故此香港僱主聯合會亦在報紙賣廣告,「最低工資的事實」,爭取同情。評論員之中,只有獅子山學會之孫柏文、李兆富等寫過文章反對最低 工資,經濟學家一般反對最低工資嘅,但大家怕鬧,唔敢出聲,只有最唔怕死嘅雷鼎鳴一於本着經濟學家的理性,引用不少數據及論證,撰文反對最低工資與設定標 準工時,可敬也。

睇番大家樂,二○一○年話有一萬五千工人,其中一萬三千人嘅時薪在二十二至二十八元之間,平均時薪二十三元。有數得計,一 萬三千人乘時薪二十三元乘每天八小時乘每月二十六天乘十二個月,總薪資達7.46億元,加薪至時薪三十三元之後,總薪資增至10.707億元,增加咗 3.279億元,假設其他條件不變,大家樂嘅利潤就會由5.13億下降至1.885億元,即大跌六成三,如有此情況,任何一間上市公司都要發盈警,否則會 被港交所、證監會追查。陳光裕係有嗰樣講嗰樣啫,幾老實呀,因此而俾人鬧,亦無可奈何。

由平均時薪二十三元增加至三十三元,未必只限於一萬 三千名前線員工。其餘二千工人如果要適當調整人工,唔好話增加43%咁多,加多10%嘅話,大家樂利潤會再跌。如此看來,呢隻股票本來係防衞性股票,o依 家唔好買住,睇吓最低工資訂在乜嘢水位先。



PermaLink: https://articles.zkiz.com/?id=16534

英明之選:大家樂潛力未盡發揮 黃國英 (Alex Wong)


http://hk.myblog.yahoo.com/alexwongkwokying/article?mid=13404


英明之選:大家樂潛力未盡發揮

 


(原載於東方日報)


中國人壽(02628)、紫金(02899)、霸王(01338)以至TCL多媒體(01070),今個星期這一條急跌熱門股四連環,對港股氣氛會有頗大的打擊,大部分人是炒股不炒市,只要中以上其一掌,肯定就無 心戀戰,難怪股市死寂,屯門樓就炒到癲。

人棄我取,才有值博率,此時此刻,反而是認真選擇股票投 資的好時機,最近的經驗,彰顯公司執行能力的重要,這一方面,香港人管理的老牌上市公司,始終予人較大的信心保證。認同中國平均工資將持續上升,內需是大 趨勢的話,也應該以香港本地零售品牌作重心。

因為最低工資立法的關係,傳媒比較關注大家樂(00341),其股價則在19元上下反覆,持續偏軟,如果有耐性作長線投資,便要把握目前的機會先下一 注。

我信陳裕光,最低工資定在時薪33元,大家樂會發盈警,但就算出現這個情況,負面打擊也只會是暫時性。

和近期的個案不同,最低工資是擾攘多時的負面因素,並非 突發事件,公司有充裕時間準備對策,而且這是全個行業共同面對的難題,麥當勞、美心以至KFC等對手,和大家樂一樣頭痕,全行加價、精簡人手以至門面自動化等等,將會是大趨勢,而行內競爭力較遜的中小企退出,亦 會對這些連鎖巨企有利。

 

看好內地拓展商機

喜歡大家樂,當然是看內地拓展的商機。公司不是新上市, 沒有迫切向股東交代的心態,所以開舖的步伐,相對那些拉麵火鍋店為慢,應該可以信任管理層,審慎會是合理。

由於資本市場配合,無論已上市或未上市的內地行家,會比 較積極搶舖,硬碰硬盲目擴充,未必會是好事。但相對其他餐飲股而言,大家樂可以做足早、午、晚加下午茶四個時段,承租能力其實更強,顧客流轉速度亦快,未 必一定要增加店舖的數目,也有機會增長,所以開舖的壓力相對較細。

 

幫襯快餐店成習慣

從生活文化推敲,更覺得大家樂潛力未盡。香港人愈來愈早 返工返學,自己七時半便到達公司,根本沒有時間在家慢慢歎早餐,幫襯快餐店外賣,已經成為習慣,相反內地的節奏仍遠遠不及香港快,內地不少大家樂根本未有 早市,隱藏一個低成本增長的空間,這一點是拉麵火鍋店等所欠缺。

富士康(02038)事件加快工資上漲速度,二三十元的港式快餐在內地已經不算貴,而當內地文化追貼香港,生活節奏愈快愈急促,大家樂市 佔率可能提升,目前廣東省大家樂分店數目未及香港的一半,五年內生意翻一番並不太難,還未計開設中央食物中心的效益。

今天歷史市盈率20倍,普遍預測按年增長十幾個巴仙,看來吸引力一般,但生意增長模式實質上是忽然井噴,屆時股價應該急速上升,如果和我 一樣有耐性有信心,可以當作五年股。

 

豐盛金融資產管理董事 黃國英

(作者為註冊持牌人士,作者客戶持有大家樂、富士康)
PermaLink: https://articles.zkiz.com/?id=16603

大家樂=太刻薄 我要亂up

http://jimwong1120.mysinablog.com/index.php?op=ViewArticle&articleId=2675701

近日大家樂提高員工時薪, 但卻扣減了員工的食飯時間人工, 變相減人工, 真是太刻薄了, 結果被人改名做「太刻薄」, 成為全民圍剿對象。很多人都說以後不幫襯大家樂, 大家樂今次這樣做, 可能最後得不償失, 品牌聲譽受影響, 未知股價會否同樣受影響呢 ?

不過, 今日想談的不是股價, 或者加入主流去圍剿大家樂, 而是想說, 發生這樣的事是必然會見到的, 外國社會已經有很多這樣的例子, 知識及他國推行最低工資的經驗已經能夠幫助我們預知今日的結果.

有 好多人說, 大老闆年賺一億, 賺少幾百萬都唔肯, 刻薄員工, 真係賤格。其實, 這只是窮人及打工仔從自身角度的想法。打工仔月薪一萬元, 老闆扣你五百元, 你要買少幾件衫, 你是萬般不願意的, 是嗎 ? 同理, 有錢人老闆賺少幾百萬, 他買少左一部跑車, 玩少左女明星, 他也是萬般不願意的。既然大家都不願意, 就要看市場的供求, 打工仔可以辭工, 老闆可以唔請你, 請一些願意接受低人工的人, 當沒有人願意做時, 老闆自然要提高人工, 去到市場可以接受的人工, 市場是會自然調節的, 這是市場經濟。假若你是一個老闆, 現在鬧人的你, 也是會這樣做的, 不要自命清高, 這是人性。

如果自命清高, 煩請將家傭的人工提高吧! 他們才是全港最低的工資呢! 為什麼你不願意呢 ? 為什麼全港有外傭的家庭會不出聲呢, 因為你是老闆.......

最低高資只會是幫你變成害你
今 日在肯德基食晚餐( 我也不說是那一間了, 免得影響人家), 負責收枱清潔的是一個中年男人, 這男人其中一腳是跛的, 他動作很慢, 行路很慢, 每一次收一個「盤」, 我和朋友張枱有三個盤, 他要分三次去收盤, 只能說效率實在很低, 對企業的形象其實也有影響的。我在想, 這樣的員工, 將來實施最低工資後, 他還有工做嗎? 他只負責肯德基入面一個細區, 若果將來要行最低工資, 假設33元, 我是老闆, 我寧願用$50 元, 請一個正常一點的員工, 一個年青的男人, 應該可以頂到他們2-3個人的工作量, 起碼可負責兩個區, 為何還要聘請他們? 這些人, 原本靠自己自力更新, 窮也窮得有骨氣, 但今日的議員傳媒要逼他們去拿綜援, 過一些更加貧窮的生活。

首先我們要理解到, 老闆是不願意賺少左錢的, 既然不願意, 他自然要找辦法解決( 大家應該用自己是老闆的角度去想)。即使老闆不裁員, 他也有許多許許多方法不增加薪金支出的。例如, 取消花紅, 雙糧, 要你變相ot 等招數, 低技術抵技能打工仔永遠是鬥不過老闆的, 因為呢個係供求的關係。大家樂今次的做法其實只是好普通, 我相信, 好多公司有更賤格的招數吧!

有部份好老闆, 他們願意加人工, 但他們也只會將成本轉嫁給消費者。其實, 今次最低工資, 政府及全港市民都是輸家。政府不行最低工資, 議員傳媒市民鬧你; 你行最低工資, 又會出現好似大家樂今次這情況, 報章又有一標題, 鬧政府監管不力, 無論怎樣, 政府都是輸家, 若最後, 最低工資證明是失敗, 都係政府的錯, 當初逼政府行最低工資的議員唔會錯. 全港市民黎睇, 因為企業裁員, 呢班人就要拿綜援, 拿綜援就代表政府支出多左, 綜援d 錢黎自稅收, 其實係市民埋單, 就算你無交稅, 綜援福利支出增加, 變相其他方面要減少。保安人工加, 代表管理費要加;茶餐廳人工加, 代表一餐飯的費用要加。

那什麼人是贏家 ? 只有議員, 傳媒是贏家。無論點, 佢地都係贏家。最低工資成功, 他們這班人自然是贏家。失敗了嗎? 責任會轉移到政府上, 說政府監管不力! 就是他們這班人的得益, 卻要全港市民受損, 唉!

 

PermaLink: https://articles.zkiz.com/?id=18995

罷食大家樂 左丁山

2009-11-09  AD




 

本來今日有人發 起一個罷食大家樂行動,杯葛大家樂呢間快餐店,罷食者自有罷食嘅理由,唔使多講。有朋友問左丁山會唔會參加罷食,答案好簡單,就係唔會。究竟對上一次自己 幫襯大家樂或大快活或美心快餐,係甚麼時候呢?真係已不復記憶,起碼最近十年來都未幫襯過,既已「罷食大家樂」咁耐,自己參唔參加呢個「罷食大家樂」行 動,有乜緊要?之不過,大家樂受壓力之下,已經宣佈撤銷「食飯扣鐘錢」,今日仲有冇罷食行動呢?

左丁山從來不是理想主義者,從不以為自己係 正義化身、公義在我手、我就代表真理,相信極大多數香港人亦唔係。呢個「罷食大家樂」行動可能只會係一個短暫激情行動,唔會有太多人參加嘅。快餐店生意競 爭激烈到極,最緊要在同行之間,夠平夠靚夠快及在內坐得舒服,假如「大家樂」做到呢幾點,佢點會怕顧客不來呀。如果在上述各方面佢都輸畀美心快餐與大快 活、吉野家等等,大家樂直情唔使等到眾人「罷食」就會執笠啦。

人哋罷食大家樂,左丁山無理由反對,但最怕有人講,你唔參加,你不熱心,無良 心。見到呢啲表面激情、真理上身嘅超級熱心分子,左丁山就怕怕。見過一位年輕女士係虔誠教徒,經常義正詞嚴,聲聲追求真相,維護公義,但有一次俾人講兩 句,就立即以粗口還擊,幾乎嚇親隔籬。好多年前同肥佬黎傾偈,佢就話最怕見到一啲以為「真理在我」扮救世主嘅人,敬而畏之,避之則吉,關於呢點,大家想法 相近。

左丁山素來反對設立最低工資,認為立法對工人不利,對年青無學歷無經驗嘅搵工人士更加不利。經濟學家做過不少實證研究,結論大致如 此。凡係人為訂立嘅工資、物價,並無太大意義,一係太高,一係太低,兩者皆會出現鑽空子漏洞。以最低工資(傳說係時薪二十八元)根本請唔到洗碗清潔工,有 好多在港島市區經營食肆嘅老闆都話畀左丁山聽,用最低工資根本請唔到人,佢哋唔使等政府出聲,早已付出時薪三十三元以上,但對連鎖快餐店/連鎖飲食集團嚟 講,因聘用好多人,小數怕長計,時薪就會較低。

 


PermaLink: https://articles.zkiz.com/?id=19191

處理最低工資大家樂失人心大快活做足100分 李華華




2010-11-26  AD


 

最低工資28蚊雖然已經一錘定音,但係有大家樂(341)呢個咁經典嘅前車畀大家作鑑,做僱主嘅同人講到呢個咁敏感嘅課題時,都會講得小心好多!

好似噚日派成績表嘅大快活(052)咁,主席羅開揚同CEO陳志成就非常識時務,未等大家問就自動投案講最低工資,陳生話,飯鐘會繼續一直計錢,兼夾繼續提供免費飯畀員工食……講得咁漂亮,直頭做到大家樂嗰句口號:「做足100分」啦!呢仗抵佢贏!

除咗保證飯鐘錢一如既往,羅生同陳生都異口同聲話就算實行最低工資,都會繼續保持加薪,仲會每個月檢討,出年3月財政年度完結嗰陣,加薪幅度平均拉埋都有3至5個巴仙,個range貼番個market,都算大家快活喇!

主席微服巡舖測食物質素

講到裁員,佢兩個就隻字不提,只強調會提升效率。陳生舉例,好似早餐同午餐時段經常逼爆,就會諗計點樣運作暢順啲,如果o依家做100個客,就想盡辦法做夠120個客……好一貫嘅CEO答法。

至於羅生嘛,華華眼中佢應該係集團首席QC,負責監督食品質素,得閒就微服出巡突襲試食,最鍾意係試招牌菜厚切豬扒飯同粟米肉粒飯,味道如何?「梗係好味啦!」羅生,唔該下次試吓炸雞髀啦,華華幫你巡過舖,啲炸雞髀越來越細隻喎!

李華華

[email protected]


PermaLink: https://articles.zkiz.com/?id=19696

Next Page

ZKIZ Archives @ 2019