現在坊間有許多財演與券商和輪商合作，舉辦大量財經講座與課程，教授散戶各式各樣的投機賭博技巧，每逢有呢類講座，定必人山人海，座無虛設， 課程教授的都是那些看走勢與睇圖表之方法，說穿了，其實就係教授散戶各種賭術。如果只係圖表走勢之應用，小朋友腦筋靈活，眼明手快，能力一定會比大人強， 現在暑假將至，小朋友有大把空閒時間，為人父母，不如帶埋子女去參加呢類投機賭博班，等小朋友幫埋你炒，全家極速致富，何樂而不為呢?
大家唔好誤會，以上之建議只是開玩笑而矣，如果我開個「小朋友暑期投機炒賣班」，好可能無人會報名，仲要比一班家長駡過狗血淋頭，話我教壞細路，但 如果我CKM001話開個「暑期長線投資理財親子班」，咁一定全家到齊，場場爆滿。父母自己就實行投機賭博，希望極速致富，但就教育子女長線投資，儲蓄理 財，豈不是講一套，做一套，言行自相矛盾呢? 在現實生活，孩子只會有樣學樣，學習父母的思想與行為，小朋友就好似你的一面鏡子，反映你的過去、現在與將來，近朱者赤，近墨者黑，學壞三日，學好三年， 明知投機賭博是歧途，就不應該去參與，父母只要能夠以身作則，子女自然會品行端正，養成儲蓄習慣，知道世間上有種複利增長，威力無窮，只要假以時日，自然 投資致富，無須要走精面，行歪路。為人父母，你們子女他日能否成才，就看你們今天的言與行。