|
||||||
|
每年五月，大家 都要開始報稅，自收到稅局嘅綠色信封開始，就會感到唔舒服：「唉吔，又要奉獻一嚿錢畀政府。」香港有人口七百一十萬，打工仔近三百七十萬人，納稅人約一百 二十萬人，即係話納稅人佔人口17%，佔勞動人口32%，在2010 / 2011年財政年度，繳交薪俸稅四百四十二億元，佔總稅收二千零九十億元嘅21.1%，表面上每位納稅人交稅三萬六千八，但事實上，咁多納稅人之中，有十 萬人左右孭起咗薪俸稅七至八成以上，故此絕大部份納稅人交嘅稅在一萬元以下。換句話講，每年交稅三四十萬嘅香港人，佔人口1.4%左右，假如你係其中一分 子，覺得自豪或是咕咕聲呢？ 香港稅制簡單，報稅好容易，十五分鐘內一定可以報稅完畢，但假如要申請供樓利息扣稅，供養父母扣稅等等技術問題 一時唔明白嘅話；可以打電話到25260070問個明白，但唔好咁快打住，呢條電話熱線要到五月二十四日（下星期二）先至啟用，至六月二日為止，每日晚上 由七點到九點，有義工聽電話兼輔導，呢班義工係ACCA（特許會計師公會）嘅會員，有會計師資格。ACCA每年都在報稅時間內向公眾提供服務，教你報稅， 除咗電話之外，佢地仲會在五月二十八日及二十九日下午一點至六點，喺青衣城商場三樓展覽場──港鐵站青衣站F出口，Taste對開，擺設諮詢服務櫃 位，ACCA啲會員確係唔話得，肯做義工，如果係自己摸上會計師樓請教，就要準備一筆顧問費o架嘞。 咁少人要交咁多稅，自然覺得政府如果亂 花錢，就會好氣頂。政府各部門每年用錢，要向庫務局立項，之後到立法會財務委員會申請撥款。有一位高官對人講，財經事務及庫務局局長陳家強教授係芝加哥學 派，天生唔鍾意政府部門使錢嘅，睇數睇得好緊。好在，公僕與工會民主派議員係天生一對，公僕鍾意增加政府支出，製造職位，就好似Parkinson's Law，每有新Project，公僕最高興，而工會民主派議員就最鍾意叫政府增加服務，兩者裏應外合，眉來眼去，都唔知幾爽，我地納稅人嘅稅款，好易流失 嘅咋。 |
||||||