講開遊艇,華華 聽聞,唔同級數嘅富豪買遊艇有唔同嘅目的。香港真正嘅頂級富豪,幾隻手指數晒,佢哋花幾千萬買遊艇,一般都係畀自己嘅仔女用。至於一批「次級」富豪,當然 身家都係天文數字,但唔少都係跟頂級富豪搵食,佢哋唔只得一隻遊艇,原因係除咗自己屋企人用,仲要預留嚟招呼老闆。
老闆自己都有艇,點解要用人哋嗰隻?華華收風,就以其中一位非常吃得開嘅富商為例,佢有3隻用嚟招呼「老闆」嘅遊艇泊喺海南島,當「老闆」有需要時就駛返香港,接富豪出公海,至於做乜?斷估唔係釣墨魚。