|
||||||
|
一向健談嘅四叔 李兆基（圖），封嘴唔再講股市，佢老人家話：「言多必失。」不過，喜事就唔同！華華一早報料畀大家知，千億新抱徐子淇陀嘅係慈姑椗，預產期7月，噚日四叔 出席培華教育基金午餐會時，被問到點樣迎接第四個孫仔？會唔會再向員工大派利是？四叔話：「呃…呃…呃…隨意啦！」 呢個答案好有玄機，華華 即管大膽推論，細仔家誠結婚，直系員工每人派萬元大利是。千億新抱首度為李家帶嚟「金叵羅」晞彤，員工再收到萬元大利是。不過，妹妹晞兒出世，由於金融海 嘯令到好多人唔開心，四叔話無謂大事慶祝，所以冇派利是。直至大仔家傑一次過為四叔添三丁，四叔又再開心向直系員工派利是。家陣天下太平，新抱又添男丁， 四叔呢封利是都幾值得期待。 |
||||||