| ||||||
近年，有錢人的第二代，無論男女都愛扮成熟，只有十六、七歲還是發育期，已濃妝艷抹西裝ball裙，搞到老氣橫秋。 個 多月前，被人冠以「翻版張震」的Moiselle次子陳栢熹（Harris），繑住賭王四太女何超盈去ball，席間何家大小姐黑面發晦氣向記者說︰「我 無話佢係男友，你唔好亂寫。」坐在身旁的陳栢熹看在眼裡不發一言，到訪問時忍不住說：「當晚我都話佢無禮貌，點可以對人咁惡。」 雖然他只是個廿歲o靚仔，同年紀的朋友都不務正業只顧蒲吧溝女，他卻嫌浪費時間，「我十三歲就返鋪頭做售貨員，十七歲返寫字樓，而家在英國返學，一週有兩晚凌晨起身跟同事用視像開會。」說話帶點老積的陳栢熹說。陳公子 身為慕詩國際（130）主席陳欽杰的二子，陳栢熹有名片但沒銜頭，卻擁有自己的辦公室和私人助理，「我乜都做，例如諗下季批衫方向係點，每朝跟同事開會，傍晚六點就巡鋪。」訪問還未開始，他已自信地說：「阿媽怕我講錯嘢，想派個人睇住我做訪問，我話唔使啦。」 跟他到銅鑼灣巡鋪，同事叫他陳公子，他面露得色。記者以為他是行行企企的二世祖，在英國London College of Fashion修讀Fashion management的他，對公司運作竟瞭如指掌，「呢間鋪月租過百萬，每個月要做夠百五萬生意先夠維皮，嚟緊經濟唔好，個市要等四年先會好轉。」 尚在學做生意階段的陳栢熹，為了標榜自己思想成熟，強調只愛跟年紀大的人交朋友，「唔一定係關於時裝，總之學到嘢就得，例如同你傾偈又學到對答技巧，同齡的人顧住識女仔發白日夢，我就真係溝通唔到發??。」 坦白 陳 栢熹表面扮大人，實情亦有細路仔的一面，往往連唔應該講嗰句都講埋。例子一，他說學做生意前要先學交朋友，身邊的二世祖或黐飲黐食的酒肉朋友當然要識，但 他卻口快快講埋心裡面那句，「阿媽教落，想做叻人要面面俱圓，朋友鍾意睇衫，我得閒會陪o架，點知將來工作會唔會幫到手？有朋友買衫剪髮想攞折頭，我都會 老實同佢講最多俾八折，大佬呀，明知你利用我都照出嚟，無我出現根本無折添啦。」 例子二，記者最想知他跟何超盈是否拍拖？他心直口快說： 「我哋唔係拍拖，但就好似情侶咁close。哎吔，你唔好問啦，總之我哋係好朋友囉。」然後半真半假地說：「佢（超盈）叫我讚佢人靚、心地仲靚，又孝順又 有義氣……」何超盈除了他之外，亦曾與有「翻版李準基」之稱的少男Edwin同赴ball場，只是據聞這個情敵其實是二人的煙幕，問可有其事？他笑笑不置 可否，「我唔知，唔好問我。」
除了戀情，其他事情陳栢熹都坦白得可愛，甚至不介意自爆在香港讀書成績極差，會考除了英文及 數學有C外，科科捧蛋，卻又能夠在英國排行十一的Concord College升讀中六。「我的同學個個攞幾個A，我都唔明點解會收我？」他承認貪玩，在港時無心學業，試過離家出走俾阿哥捉番，又曾揸大膽車，「我講明 先，而家冇嘞！我一直認為讀書唔叻，唔代表做唔到嘢。我想做時裝設計師，咁讀phy、chem、bio關我乜事？我做衫o架！」 父母見他無心讀書，中二起就逼他逢週六、日要到鋪內做售貨員打發時間，甚至用閉路電視監察他一舉一動，見他無所事事就致電店長，總之一日十二小時令他無停手，跑腿、斟茶遞水全由他充任。「齋玩唔做嘢好頹，後來阿媽點醒咗我，佢話設計師幾時都請到，但無理由請人管理公司騎住自己。」 一 言驚醒，近兩年，陳栢熹假期返港，都自動自覺返寫字樓，跟不同部門邊學邊做，買料、畫圖，甚至櫥窗裝飾都試過。在英國時他亦主動?撈，分別跟過 Chanel的senior designer和Top shop店長的助手。浸過鹹水，陳栢熹又忍不住牙擦擦，「依家潮流興簡單，Moiselle釘珠款唔得o架，唔係個個會著到成個花園咁出街。」 港版Tom Ford 鍾意人氹的他甚至試過當着同事及父母面前發少爺脾氣，「做非自願的工作，我會黑面，阿媽見我唔俾面就厲住我，我受軟唔受硬，咪厲返轉頭。如果事前求其咁讚我做得幾好，再叫我接份job，我會好開心去做。」 陳栢熹的父親陳欽杰，跟太太徐巧嬌由山寨廠起家，九○年開始炒樓致富，○二年更將慕詩上市。 父親有過億身家，家住五千呎地利根德閣的陳栢熹，自然洗腳唔抹腳，十八歲就有平治跑車做禮物，手戴幾萬元的Chanel J12及十萬元Rolex Daytona金錶，在英國讀書更瘋狂，每月碌爆幾萬元附屬卡。今個暑假，他月薪加到過萬元，漸漸領略使錢容易賺錢難，忽然很認真地說︰「我都開始收手 啦，搵得唔多，但使突咁多真係好鬼驚。同父母去日本，見阿媽買衫都諗過先，我更加唔好意思買啦，妹仔大過主人婆咩！」 一時扮大人一時做細路，這個廿歲半熟青年，臨別時再三向記者說：「唔好寫衰我，最好寫我係時裝界明日之星，港版Tom Ford，哈哈。」 | ||||||