ZKIZ Archives


中環在線:和電私有化 win硬顯風騷霍大班港女上身 李華華




2010-05-13  AD



 

超人講過,喺香 港搞私有化好難,如果要成功,最緊要冇得罪人,因為會俾人搞。睇返過去幾年,真係有好多單私有化都俾人(或者係小股東)「搞禍」。於是,噚日佢就親自示範 畀大家睇,佢老人家係冇同人結怨,冇仇家,冇俾人搞,又或者係冇人敢搞佢,私有化?easy job啦!

和電(2332)噚日朝早舉行 EGM,為阿媽和黃(013)用每股2.2港紙私有化佢哋單嘢投票。雖然講明下晝收市後先公佈結果,但係和黃大班霍建寧晨咁早已經畀晒signal大家, 單嘢一定過硬!睇佢行入會場嗰陣輕輕鬆鬆,開完會出嚟仲特登企定定畀記者任影佢春風得意個樣,先係高舉手指公擺個「冧巴溫」嘅pose,再嚟就係「港女上 身」整個「V字」風騷一下,好明顯就係得咗啦!

Well……其實今次私有化都冇咩難度,事關和電07年同08年分別派咗兩次息,前後兩次加 埋每股收13.75元,都咪話唔和味!正如小股東話齋,收購價好合理,反正和電手頭上賺錢嘅業務都賣鬼晒啦,唔私有化都唔知仲有咩用,你話係咪?

股 東會眾生相散戶搶食鬧高層

紅磡嗰邊和電股東會一片「河蟹」,但響小股東「維權」意識日漲下,中環同金鐘呢邊嘅股東會氣氛就有少少緊張!話說 朝早中移動(941)股東會,有小股東姐姐投訴佢哋本年報太大塞爆咗佢個信箱,希望中移第日環保啲。至於金鷹商貿(3308)嗰邊,有小股東食點心食到連 人哋文華啲杯碟都想拎走,被侍應開聲制止。下晝騰訊(700)個公關話明馬化騰唔見人,但好多行家仍然唔放心特登去萬豪巡一巡,果然畀大家見到小馬哥嘅 Twins……唔好亂諗,我哋講緊佢對招牌企鵝Q哥哥Q妹妹咋!尾站嘅聯通(762)股東會,舊年班小股東投訴唔夠嘢食,今年佢哋一樣投訴唔夠嘢食。唔通 佢哋唔滿意聯通股價,諗住拎多啲嘢食補番數?

匹克睇死李寧遲早俾安踏爬頭

內地體育用品市場潛力驚人,有錢搵嘞,自然爭崩頭 啦!咁究竟邊個至係一哥?匹克(1968)主席許志華分析,認為o依家嘅「一哥」李寧(2331),俾「二佬」安踏(2020)超越係遲早嘅事。好似早排 李寧同安踏爭2012倫敦奧運中國隊嘅贊助咁,作為李寧手下嘅管理團隊,出價都唔敢去到咁盡,咪就係咁,俾安踏截咗糊囉。其實使乜許老闆講呀,幾間體育服 裝用品公司嘅老總,得李寧一條友係運動員,好話唔好聽,隨時要standby應酬國家畀佢嘅重要任務。

李華華

[email protected]
 



PermaLink: https://articles.zkiz.com/?id=15570

港女與股票的供應 Daily Speculation

http://dailyspeculation.blogspot.com/2012/03/blog-post_28.html
一直以來香港是一個移民城市,能夠移民偷渡的大多為男士,女士較少能夠攀山越嶺。因此按照數字每一個香港男人不能夠分到一個女人,由於選擇很少因此香港男人對女士的照顧與細心程度冠絕亞洲,讓港女成為非常幸福的人,也為香港男人這個品牌殿下了基礎。女士對香港男士的挑剔為香港男士的事業提供了原動力,間接成就了香港成為四小龍的基礎。

可惜,80年代後香港與祖國接軌後,大大增加了香港男士的選擇。從前娶不了妻的香港男士,大可以選擇年輕貌美的北方佳麗,由於"上嫁下娶"的心理作崇,香港男士在內地得到青睞。既然選擇多了,香港男士對本地女士的體貼就不及從前。由於女士的條件不降,因此本地結婚數字就下降了。其實與內地接軌同樣大大增加香港女士的選擇,可惜"上嫁下娶"的心理作崇,因此內地的男人是滿足不了她們的要求,這個情況下,港女就成了這個市場狀況的受害者。

從這個例子我們可以知道掌握供應的重要性。只要我們可以掌握供應,我們可以說我們掌握了股票價格的半壁江山。假如讀者有讀過經濟,我們可以知道供應的改變,會改變我們的市場價格的。假如供應減少,選擇自然減少,消費者/需求者就要提供更優厚的條件去獲取同樣的貨物/服務,或者接受將貨就價,接受更少或更差的服務。在股票市場上也是一樣。

我們可以假定,當股票集中在少數人手中的時候,往往是升勢的開始。這個原因是因為剩下來的人的購買力遠遠比持有股票的人多,當股價開始上升時,由於潛在的購買力大,能夠承托你沽售股票的人非常多,因此你能沽售的價格就會比較高,而且可以大量沽售。隨著股價慢慢爬升,貨源開始分散,這個 持貨/購買力 的比例會慢慢下降,到最後沒有持貨的人變得很少而集中,導致趨勢大轉。

這個情況有點像我一個擁有單眼皮鳳眼而非常固執的女友人,我們稱她為GIGI,在人人戴大眼仔的香港,眼小鳳眼的女士是不受重視的,GIGI也經常被眾人視為大豬扒。隨著整型技術發達,這個女士的鳳眼成為她的獨有ICON。由於沒有多少人擁有鳳眼這種特質,當潮流改變,受外國人的審美觀影響,GIGI的鳳眼的東方美得到重視。追求鳳眼的男士只能追求少數像我們這位GIGI姐姐仔。GIGI姐頓成少數潮人,吸引力自然大增,由於市場大,供應少,因此可以供我們鳳眼GIGI選擇的對象也相當多,既然如此,GIGI就沒有不挑剔的理由。不是富家子與帥哥,請靠邊站。

PermaLink: https://articles.zkiz.com/?id=32475

港女陳芳打造國產「波爾多」

2012-8-9  NM




山西是中國煤都,盛產「煤老闆」。但是,十五年前,卻有香港人來到這片黃土地上開酒莊,取名「怡園」(Grace Vineyard)。酒莊旗下品牌深藍(Deep Blue),成為首隻獲五星級酒店半島、國泰頭等艙選用的國產紅酒。「怡園」現任掌舵人,是三十四歲的港女陳芳(Judy),蓄短髮,零化妝,在男人堆中打拼多年,舉手投足也自信十足。十年前離開高盛,接手父親的酒莊,陳芳將年銷量由二萬瓶推上逾二百萬瓶,生意額逾億元。打入香港只為「拿彩」,內銷才是「搵真銀」。「全世界都聚焦中國,點解仲要走出去?更何況,Made in China唔係賣點﹗」杯不離手的陳芳如是說。

怡園所在的太谷縣,離太原市中心約一小時車程。酒莊周圍,漫山遍野,不是葡萄樹,便是粟米田。到達當天已是晚上九點,四周黑寂,空氣出奇的清爽。身穿橘紅色連身裙的陳芳,拿着酒杯迎上來。每次回酒莊,她都一天喝到晚,杯不離手。第一次見面,微醉的陳芳,毫不客氣地展露直率的個性。談出身﹑笑官場,狂放高傲,轉過頭推薦桌上的番茄炒蛋時,卻笑得像個二十出頭的女孩子。陳芳自認港女﹕「好多人覺得港女寸﹑奄尖,但其實我哋好捱得,又襟打,能屈能伸﹗」

港女官場

在內地造酒賣酒,首要懂得和官員打交道。在美國大學讀心理學及女權研究的陳芳,畢業後即加入高盛人力資源部,個性前衞獨立。面對講階級﹑愛歌頌的內地官場,初時亦看不過眼,「有次同爸爸去同官員應酬,我坐埋一邊面燶燶,爸爸偷偷傳短訊俾我,叫我笑吓。」陳芳記得清楚,自此盡量迎合。現在,她是山西政協,開會時分組討論,作為組內唯一的香港代表,經常被省長點名問話,「組員驚我亂講嘢,寫定稿,幫我特訓,讀完又讀,來去都係省長好省長勁。」陳芳大笑。這天中午,有個女村長來開會,陳芳一見面即稱讚道﹕「你怎麼越來越漂亮啦?」逗得村長摸着新燙的頭髮甜笑。晚上,酒莊筵開兩席,賓客包括市消防局局長,自家酒不可少,還開了支叫價過萬元人民幣的九四年Latour。這天,父親陳進強也來了。陳是酒莊創辦人,亦是福建省政協常委,一張臉總是笑嘻嘻的。名義上,他仍是莊主,女兒在前面衝,他在後方壓場。陳芳自嘲功夫未到家﹕「細佬俾老豆派去上海做污水處理,成日要同政府收數,我問佢見官時送咩好,佢答﹕『茅台同中華牌啦﹗』我話唔知對方係咪食煙飲酒喎,佢笑我﹕『你唔知呢啲係錢呀﹗』」

高盛酒莊

怡園葡萄酒年產量約二百萬至二百五十萬瓶,每年營業額逾億元,去年勁賺四千多萬。「紅酒係毛利好高嘅行業。」陳芳坦白道。○八年,哈佛商學院將怡園列入MBA教材中,剛滿三十歲的陳芳,以客席講師身份,分享經營心得。前顧主高盛,亦請她回去搞講座。「我同高盛嘅人講,anything works out in Goldman does not work out in my firm(高盛的做法不適用於怡園)。」陳芳舉例,高盛行co-head制,一個部門有兩個主管,「喺中國,只可以有一個領導,所有人團結在他之下,那個人一走,就散晒。」做「領導」不容易,十年前接手時,員工只當她是個乳臭未乾的太子女。「初來步到,朝早起身,門口塞咗一堆匿名信,惟有講明﹕任何匿名信都唔會處理。」陳芳憶述,當時酒莊員工大多是國企出身,已四﹑五十歲,重視論資排輩,「當時奇怪個個員工都幫我慳錢,我話做呢樣嗰樣,佢哋都話﹕老闆唔好嘥錢啦﹗原來佢哋唔想做就會咁講。」陳芳於是「大換血」,一次過請了十多名大學生。為請人留人,她費盡心思。「好少大學生肯做農業,部分更因父母嘅壓力而辭職。」因此,陳芳推出「家長留宿」計劃,每個員工可帶五名家屬來酒莊留宿度假。「好多時都係父母﹑外父外母同老婆,來睇吓﹑摸吓,實在好多。」陳芳笑指,酒莊員工難找對象,她不時出馬幫手「箍煲」,「我會出去同佢女朋友,甚至準外父外母吃飯。」

浪漫科學

「酒本身是很浪漫的東西。」陳芳教銷售員,把客人當成暗戀對象,「書本講嘅推廣技巧,佢哋背晒,但唔識用。我問佢﹕有冇試過暗戀人?暗戀一個人就會去了解佢鍾意嘅嘢,知佢喺咩地方出入。」陳芳說。講到種植及釀酒,卻樣樣講科學。陳進強當年豪擲六千萬開酒莊,找來法國葡萄酒專家Professor Denis Boubals負責選址和設計。一行人開着車,在山西﹑陝西到處轉,收集泥土進行化驗,最後選定太谷縣。當地農民大多種粟米及蘋果,酒莊和農民簽約,改種法國進口的葡萄樹苗,再將收成賣予酒莊。不管收成如何,每畝地都有約二千三百元的保證收入,條件是要跟從指引種植,若葡萄質素好,收入會更高。「以前種粟米唔使點理,種葡萄工序多,仲要跟數據,今日話摘,聽日又話唔摘,突然知要落雨,又要即刻摘晒。傳統上,農民淨係識猛淋水,但葡萄由六月開始就唔可以淋水。」負責生產的盧英英勞氣道。六十一歲的英姐是香港人,和陳父是世交,文革時一同下放農村插隊,後來曾於內地啤酒廠任管工,熟識內地工人脾性。經過四﹑五年時間,葡萄質素才穩定下來。現時,每桶酒都可以追溯所用的葡萄是出自哪一塊地。 酒莊的釀酒師原是法國人,「法國人始終不屑在中國種葡萄釀酒,合作過程無理解和體諒,我要不停做中間人調解。」陳芳惟有換馬,現時首席釀酒師是澳洲人Ken Murchison,「澳洲造酒更接近新世界酒的需要。」陳芳指,Ken不駐山西,平時釀酒工作由馬來西亞籍的助理Yean負責。

賣酒掛杯

怡園的葡萄酒,價錢由六十八到四百八十八元人民幣不等。○三年,第一批酒面市,產量達一百萬瓶。「結果只銷得兩萬支,其中一萬支係送嘅。」陳芳為此晚晚睡不着,今年沒賣完,明年的酒又來了。最後,她決定砍掉一半葡萄樹,將產量減半,並向百多個農戶作出賠償。重新部署,怡園先瞄準山西市場,一來陳進強人脈廣,二來可邀請客人參觀酒莊。在父親的法國朋友介紹下,西班牙著名酒莊Torres的中國區主管找上門。「佢哋想搵隻low-end啲嘅酒,試過怡園嘅酒,覺得我哋幾interesting。」之後,Torres成為怡園在上海﹑北京及深圳等一級地市的分銷商。○四年,怡園在福州開設第一間直銷店,「開鋪都係宣傳,仲可以掌握第一手銷售資料。」陳芳說,現時怡園在山西﹑福建及廣東等地,擁有十六間直銷店。「早幾年成日要介紹咩係紅酒,依家好多客以為自己識,仲難搞。」陳芳模擬客人的誇張表情,舉例道﹕「有客人飲完話﹕『好一般,我飲開Lafite!』又有客話﹕『都唔掛杯嘅?』大佬﹗糖水都掛杯啦。」

華僑煤老闆

隨着產量提高,山西農民每年交來的約三千五百噸葡萄已不夠用,要從寧夏再採購一千多噸。一○年,陳芳索性在寧夏青銅峽市租地搞新酒莊,自行種葡萄,不再由農民承包,「吸取山西嘅經驗,農民富裕咗,識得起土炮溫室,收入可能多過葡萄,開始扭計,我哋好像被綁架咗。」陳芳解釋。其實,酒莊對陳氏來說,只是小投資。陳進強祖籍福建龍岩,是印尼華僑,在棉蘭出生,家境富裕。年少隨家人回國,碰上文化大革命,被分配到內蒙古插隊,後調到山西,並獲太原理工大學取錄。七十年代中,陳氏舉家遷港。「爸爸拿住五蚊落嚟。」家道中落,陳芳並非含着金鎖匙出世。「細個媽咪帶住我,由北角行到銅鑼灣讀幼稚園。」陳芳回憶道。父親白手興家,靠中印(尼)貿易起家,後返回山西做焦煤生意,是八十年代最大的焦煤出口商,亦是第一代「煤老闆」,更涉獵鋼鐵﹑電廠﹑公路等生意,身家豐厚。陳芳是長女,有兩個弟弟,她樣子及個性均像父親,愛冒險,想做就做,包括結婚。「我同老公拍拖兩個月就結婚,通知父親時,他反問﹕『乜你有拍拖咩?』哈哈。」陳芳招積道,丈夫是德國人,任職高盛投資銀行部。「以前俾高盛洗咗腦,樣樣嘢都講efficient。結婚當日,我哋喺長江返工,中午走去紅棉道註冊,儀式完成後,媽咪提議吃餐飯,我話要返公司。」陳芳笑瞇了眼。不過,接手酒莊後,陳芳的性格也收斂不少,她收起笑容認真道﹕「以前喺高盛,個個都覺得自己可以控制一切,甚至改變世界。入行造酒後,人變得開朗﹑solid(踏實),亦更humble(謙虛),因為喺大自然面前,好多嘢控制唔到。」

 
PermaLink: https://articles.zkiz.com/?id=35910

趙世曾選美獵艷港女同居唔俾嘴

2013-11-28  NM  
 

 

出名風流,自言曾與過萬女人約會的卓能集團主席趙世曾,近十年只鍾情北方佳麗,而且全是散拖形式幾個月就換畫。年屆七十七的他人老心不老,前幾年贊助首屆中國小姐選舉,在趙苑舉行比賽,名正言順目及女。

食髓知味,今年他又贊助國際旅遊小姐選美,還極速中十九歲的港女Givanna,二人一拍即合,唔使一個禮拜,港女更搬埋入趙苑同居,與趙世曾另一強國女友Dora兩女侍一男。

只不過趙世曾如意算盤打不響,據知每次趙公子想濕吻,港女都借機閃開,唔多聽話囉。一拍即合

呢位十九歲、中文名叫鄧寶怡的Givanna,本來跟其餘九位港女一齊比賽,「三星期前,趙生見過班女仔,傾過偈,佢話Givanna幾乖巧溫柔,想要栽培佢。」過幾日,Givanna已從選美行列中脫籍,跟住趙世曾出席他的山頂樓盤活動,趙生仲向傳媒介紹:「佢係公司的公關小姐,負責搞今次旅遊小姐的項目。」

不過這種掛名職位,其實是趙世曾安置女友的伎倆,由以前馬慧、鄔仁,到目前所謂深圳寫字樓市場部經理Dora,都話在卓能集團打工,問她實質做乜?她先支吾以對,繼然走人,避免露出馬腳。

而港女Givanna就高中畢業,來自單親家庭,跟母親住奧海城,之前曾選過中華文化小姐,今次又參加國際旅遊小姐,終於未選先得米。表面上唔多出聲的她,其實不知幾主動,向趙世曾撒嬌話想搬屋,從而搬入趙苑,「趙生同Dora住主人房,Givanna不介意,更好天真話住得入屋就當她是家人。」爆料人更話︰「趙生真係帶佢同家人食飯,Givanna開口埋口叫趙博士,又主動夾餸,同Dora又唔爭寵,令趙生好開心,總之話有初戀的感覺。

唔肯open

雖然趙生讚她斯文,但亦開始嫌她不夠open。據知同住一屋的Givanna,遲遲不肯俾趙世曾嘴嘴,「有次趙生想法式濕吻,佢就用手擋,之後每次見對方趙香口膠,Givanna都敬而遠之。」上週六,趙世曾提供遊艇、直升機俾著住比堅尼的旅遊小姐上天下海,陪坐的國產Dora好識做,一上船就除褸露事業線,任由趙生攬實,反觀Givanna守身如玉,全程著住外套,短裙下仲要著對黑絲襪打底,就算趙世曾多次叫她除褸,她都扮聾,最後知趣讓步,亦不過只係將領口拉開少少咁多。記者問趙世曾是否跟Givanna同居?他笑話:「我哋趙苑好多地方,咁佢做項目,會容易招呼人,又唔係同我住埋一齊。(唔肯俾你錫喎)吓?邊有呢啲嘢?你搞錯。」而Givanna亦辯稱:「我哋有幾個女仔住得遠,係方便做嘢先暫住(趙苑),做完個活動我哋會搬走,趙生已經有女朋友Dora啦。」

PermaLink: https://articles.zkiz.com/?id=83451

港男港女面交炒威士忌

2015-05-07  NM
 
 

 

愈來愈多人轉玩威士忌,早前幾個威士忌拍賣會銷情大好,搞到酒價又急升幾倍,形成全城熱炒威士忌之象。一支日本羽生伊知郎撲克牌系列的彩色Joker都炒上一萬二千元成交,絕版輕井澤更炒到廿幾萬,就知個熱潮好勁。

大型拍賣會炒,網上私人拍賣網一樣瘋狂,同一支Joker威士忌,直接購買價更達一萬四千二百元,比拍賣會的成交價仲要高。爆哥於是相約其中一個私人炒家出來,仲解開咗熱炒之謎。呢個炒家阿文承認,係拍賣會不斷谷高個價。「我哋一直都會去日本捐窿捐罅搵(日本威士忌)返嚟,未炒到咁熱嘅時候,只係(港幣)幾千蚊一支。只不過全世界都用咗拍賣行個價做標準,拍賣會完咗,就跟隨加價,連帶日本嗰邊本土貨都貴埋。」佢仲聲稱手上支Joker威士忌,在尖沙咀其他酒鋪,開價仲誇,二萬八千蚊一樣有人買。爆哥初時懷疑拍賣會支酒同私人炒家放出市場嘅係同一支酒,塘水滾塘魚咁不斷來回造市炒高,但對過阿文手頭支酒身編號,又唔一樣喎。同佢吹完水之後,爆哥玩跟蹤,發現阿文急急腳走去港鐵站,原來趕去港鐵站見另一名港女,仲幾靚吓。兩個人一手交貨,一手交二千蚊,呢類網上約出來交收形式叫「面交」,即當面交易,話咁快就交收咗一支日本余市20年,真係好鬼熱鬧咁。

十三太保普通話唔掂

爆哥之前上網聽過曹仁超普通話訪問,如果唔睇字幕,爆哥真係唔知佢講乜。但估唔到一山還有一山高,昔日14K「慈雲山十三太保」嘅成員高飛,即係李兆基,早前同佢昔日江湖大佬陳慎芝接受鳳凰衞視專訪,節目仲登咗《壹》仔去年訪問陳慎芝同佢江湖兄弟嘅報導。講番個電視訪問,基哥用盡力以普通話回答,不過聽真啲,爆哥都唔知基哥講緊廣東話定普通話定日文,例如佢話去靈堂道別昔日兄弟貓仔,佢就用普通話答:「好多警橙到奔儀館外面,每一個到來都要『趴埋牆』登記。」又將「慈雲山十三太保」讀成「痴one山十三太保」再高兩個key,真係聽到你兩眼反白。五十九歲嘅基哥夠晒可愛,佢同爆哥傾電話,佢話呢幾年經常返大陸登台,所以「訓練」到普通話喎,不過佢最近輕微中風,要喺屋企抖吓,過幾個月先返大陸表演喎。

搭直升機幫洗米華剪髮

人有起錢上嚟就乜都得,但又偏偏回味未發達時生活。講緊澳門賭業猛人洗米華,條友對女人多情就係人都知,但原來佢對髮型師就好專一,由年輕到而家,都係幫襯開同一個髮型師,未變過。有髮型師爆料,話早在十幾廿年前,洗米華仲來回澳門同香港搵食嗰陣,已經指定搵一個髮型師幫佢剪頭髮,話剪得佢靚仔又好意頭咁喎。就算後來洗米華專心去澳門做疊碼仔,都會定期返香港搵佢剪髮。而家洗米華做咗大亨又鬼咁多女,身家億億聲巴閉啦,忙到七彩,打理幾十樣生意之外,又要陪老婆同紅顏知己,邊有時間返香港剪頭髮。為咗keep住個靚靚蛋撻頭,每隔兩個星期,洗米華就會叫嗰位香港髮型師,坐直升機去澳門幫佢剪頭髮,來回機票當然由洗米華出,剪完仲會再醒三千蚊俾個髮型師。剪頭髮都剪到咁巴閉,洗米華真係江湖傳奇,古惑仔偶像。

PermaLink: https://articles.zkiz.com/?id=143650

港女瘋玩app 17

2015-10-08  NM

由台灣藝人黃立成與友人投資逾三千萬新台幣開發的直播社交app「17」,自三個月前面世後大受歡迎,迅即登上兩大下載平台的榜首。該手機程式早前殺入香港後,在明星效應下,很快便炒得熱烘烘,一眾男女玩家瘋狂着迷。

不過,「17」明顯缺乏監管,玩家愈玩愈大膽過火。有台灣男女網友,竟然直播床上性愛「啪、啪、啪」,大陸女玩家甚至直播自慰過程,香港用戶也不輸蝕,剝光豬沖涼自瀆也直播。

網民紛說好睇過AV,大叫過癮。「17」的玩家和觀眾,已去到失控地步。於是乎,「Play Store」和「App Store」,先後將「17」下架,新用戶已不能下載這程式。

雖然已下架,但「17」推出以來,用戶累積達二百二十萬,所以很多人有app在手,這股「17」旋風仍未打沉。尤其是香港,一眾網民才剛玩得興起,那會肯就此停手,他們才懶理什麼道德標準,繼續沉溺於這個直播世界中。

當下最熱話題,你今日「17」咗未呀?

App「17」的出現,改變了整個手機世界以靜態留言的模式,「17」的特色是,無時無刻都可以將自己直播,不論在家、吃飯、睡覺甚至去廁所,窺探別人的無聊實況,原來是大部分人的興趣。

舉例,一個人張大口什麼也不說並進行直播,也可以吸引過萬人來圍觀,然後引發各種即時討論,例如「你張大個口做咩呀?」、「可唔可以流些口水出來呀?」、或者「唱隻歌來聽吓。」

甚至乎一個女孩無端端躺在床上直播自己,然後過萬觀眾不斷留言,「除衫啦!」、「要睇胸圍!」,「要福利唔係就走!」,所謂福利就是要女孩給點養眼畫面,當然指脫衣服,在過萬群眾壓力下,有人真的脫了衣服。

一人跳舞萬人看

當然也不是個個人都「咁激」,大部分人還只是唱歌跳舞來表現自己,引人注意。「你是我的小呀小蘋果,怎麼愛你都不嫌多,紅紅的小臉兒溫暖我的心窩,點亮我生命的火。」剛剛理工大學時裝設計系畢業、今年二十三歲的Kimi,在家中播起了內地大紅歌曲《小蘋果》,然後對着手機跳起大媽舞來,動作多多加上表情古怪,十分搞笑。家人以為她發神經,實情Kimi是「17」app玩家,因為和追隨者打賭,若十五分鐘內有五百人看她直播,她便會即場找數跳《小蘋果》大媽舞,「肉酸都冇辦法,應承咗人就要找數,有群眾壓力,咁先好玩,哈哈哈。」Kimi坦言,「17」app忽然彈起,個個人都追捧,所以她也不執輸,抱着見識吓的心態玩埋一份,一試便愛上這玩意,覺得比其他社交平台好玩得多,而且不用打字,對着鏡頭要說什麼就說什麼,想做什麼就做什麼。她解釋玩「17」的中心意義,就是要無聊,你比其他人更無聊,所以其他人願意看你,那怕就是端着一盒叉燒飯什麼都不說只是不斷吃,也有一千幾百人看得樂此不疲。「互動性比較大,可以同認識和唔認識嘅人傾偈。當你覺得悶時,打開個app,一定有幾百人等住同你交流,有咩好玩得過呢樣?我多數喺屋企玩,又或者返工途中覺得悶,就直播吓。」

呢處冇嘢睇

雖然玩了不久,但Kimi說最威水一次,有二千多人看她直播。(是否賣弄性感?)「當然唔係啦,通常我都係播自己個樣,又或者同貓貓玩嘅情況,最多都係影住落妝過程,唔會有嘢睇,嘻嘻,如果有人要求睇嘢,我就會話呢處冇嘢睇。」Kimi又說,玩「17」會有自己的尺度,「我嘅尺度,就係點都唔會除衫囉!」色情直播是主流?Kimi又覺得未必如此。她說任何一個社交平台,都有變態鹹濕仔出沒,只是「17」有直播功能,所以這類人特別多也特別有目的,就是要看真人好過看鹹片,「明明個cam影住個頭,佢哋會話你個pat pat好靚,又會無端端叫你除衫,影特別部位俾佢睇。有啲又叫我影住腳趾,話咁樣先興奮。「冇人知手機另一邊幾百個男人做緊乜,真係乜嘢人都有。」她說反正大家都是無聊,不過最離譜一次,是有網友直接向她問價,要求見真人進行真實接觸。「呢啲人我一定會ignore(忽略)佢,應佢一句都嘥氣。」應付鹹濕仔當然勞氣,但相比一個人悶到發慌,她又寧願打開app來跟不同人互動。

愈玩愈上癮

不少女孩子玩「17」玩到過火,為吸引人追隨看直播,不惜除衫任睇,Kimi認為還有兩個原因。首先,「17」有派錢制度,平均每有一千人觀看,便可獲一台幣(約二毫三港元)利潤。如累積滿一百美元(約七百八十港元),用戶便可透過指定途徑領取款項(不過至今未有人真的去拿過錢),「覺得有錢分,成件事即刻更好玩,咪愈玩愈過火囉!」另外,「17」內的心心圖案,等同fb的like,但fb限制每人只可給一個like,「17」則可給無限心心,支持者可以不斷狂按,使對方更開心。「依家嘅人好在乎有幾多個like,由於『17』可以俾直播者無限心心,女仔見到心心係咁升,自然心花怒放,容易被氹除衫。」人人都玩「17」,Kimi知道男友都有玩,雖然明知男友是一心睇女,但她說並不介意,因為這是一個虛擬世界,「男仔玩『17』,同上網睇AV差唔多,都係想睇鹹嘢,我覺得無乜所謂,始終係一個虛擬世界,認真便輸了。」

「17」殺入蘭桂坊

「17」熱爆全城,潮人聖地中環蘭桂坊,隨處可見蒲友舉機玩直播,「『17』已經成為潮流指標,唔玩人哋會覺得你好out。」經常蒲中環夜場的Begonia,上週在老蘭一間夜場搞派對,她早已事先張揚,當晚可以不劈酒,但不可以不玩「17」,「流行吖嘛,以前就玩自拍,依家就玩直播囉!」去到夜場,Begonia坐低不久,便心急地拿出手機和電筒,和朋友一起玩「17」,「夜場唔夠光,有電筒會好啲。」她有時影自己,有時影着枱上的香檳,又或是舞池位置,務求將夜場每個角落也攝入鏡頭內,直播給粉絲看,「其實每次搞party,唔係個個朋友都嚟到,所以就直播俾佢哋睇,等佢哋都開心吓。」其實除了Begonia等人,場內不少客人也在玩「17」。Begonia表示,除了在夜場玩「17」,平時在家或上街時,遇有開心事就會玩,希望跟其他人分享快樂,「但就唔會乜鬼都直播一餐,有啲人瞓覺都直播,好鬼無聊。」她又強調,不會玩到剝衫,「一定唔會咁做喇,做乜要益人啫。睇過其他女仔直播,無端端剝咗件衫,又有啲用手遮住兩點,好鬼肉酸呀!」她又斥責這班失控玩家,令「17」變得很低俗,「我相信設計者最初嘅意念唔係咁,唔係想人直播呢啲嘢,可惜依家就變咗好似播AV嘅鹹網咁。」

利用直播搶生意

「17」的直播功能備受爭議,有人覺得它被人用作散播色情。不過,也有醒目女覺得這種現場直播,對生意會有幫助。「玩咗『17』後,明顯多咗人認識我間鋪。」在旺角一年輕人商場經營格仔鋪的阿菲表示,「17」雖然存在道德問題,但無可否認可以有宣傳作用,所以她每天都玩,有時玩到忘形。阿菲表示,與兩個朋友夾份投資這間格仔鋪,每次開鋪,她們都會穿上一條黃色、類似女僕制服的短裙,「有特色,引人注意吖嘛,當推銷產品。」她早前亦開始玩「17」,而且多數在鋪頭內玩,「時間咁長,唔搵嘢玩好悶o架!」追隨者看到她的黃色制服,都會覺得十分有趣,傾談間,阿菲都會透露自己在什麼地方開鋪,「我初初諗住大家吹吓水,點知之後真係好多『17』嘅粉絲嚟搵我,話要同我合照,好搞笑。」阿菲說,雖然他們來到,就算沒有購物,但起碼令更多人認識她們的店鋪,也搞旺個場。「所以我哋三個合夥人商量過,以後開工都會玩『17』,當賣免費廣告都好。」「17」還有分享功能,她們的粉絲一傳十,十傳百把她的店鋪分享出去,可以一夜間接觸到過萬人群。「比起facebook,呢個更好玩更直接,而且零限制。」

撰文:程志康攝影:王晴、韋平[email protected]

PermaLink: https://articles.zkiz.com/?id=167418

港女與股票的供應


一直以來香港是一個移民城市,能夠移民偷渡的大多為男士,女士較少能夠攀山越嶺。因此按照數字每一個香港男人不能夠分到一個女人,由於選擇很少因此香港男人對女士的照顧與細心程度冠絕亞洲,讓港女成為非常幸福的人,也為香港男人這個品牌殿下了基礎。女士對香港男士的挑剔為香港男士的事業提供了原動力,間接成就了香港成為四小龍的基礎。

可惜,80年代後香港與祖國接軌後,大大增加了香港男士的選擇。從前娶不了妻的香港男士,大可以選擇年輕貌美的北方佳麗,由於"上嫁下娶"的心理作崇,香港男士在內地得到青睞。既然選擇多了,香港男士對本地女士的體貼就不及從前。由於女士的條件不降,因此本地結婚數字就下降了。其實與內地接軌同樣大大增加香港女士的選擇,可惜"上嫁下娶"的心理作崇,因此內地的男人是滿足不了她們的要求,這個情況下,港女就成了這個市場狀況的受害者。

從這個例子我們可以知道掌握供應的重要性。只要我們可以掌握供應,我們可以說我們掌握了股票價格的半壁江山。假如讀者有讀過經濟,我們可以知道供應的改變,會改變我們的市場價格的。假如供應減少,選擇自然減少,消費者/需求者就要提供更優厚的條件去獲取同樣的貨物/服務,或者接受將貨就價,接受更少或更差的服務。在股票市場上也是一樣。

我們可以假定,當股票集中在少數人手中的時候,往往是升勢的開始。這個原因是因為剩下來的人的購買力遠遠比持有股票的人多,當股價開始上升時,由於潛在的購買力大,能夠承托你沽售股票的人非常多,因此你能沽售的價格就會比較高,而且可以大量沽售。隨著股價慢慢爬升,貨源開始分散,這個 持貨/購買力 的比例會慢慢下降,到最後沒有持貨的人變得很少而集中,導致趨勢大轉。

這個情況有點像我一個擁有單眼皮鳳眼而非常固執的女友人,我們稱她為GIGI,在人人戴大眼仔的香港,眼小鳳眼的女士是不受重視的,GIGI也經常被眾人視為大豬扒。隨著整型技術發達,這個女士的鳳眼成為她的獨有ICON。由於沒有多少人擁有鳳眼這種特質,當潮流改變,受外國人的審美觀影響,GIGI的鳳眼的東方美得到重視。追求鳳眼的男士只能追求少數像我們這位GIGI姐姐仔。GIGI姐頓成少數潮人,吸引力自然大增,由於市場大,供應少,因此可以供我們鳳眼GIGI選擇的對象也相當多,既然如此,GIGI就沒有不挑剔的理由。不是富家子與帥哥,請靠邊站。


PermaLink: https://articles.zkiz.com/?id=176228

神奇自拍機呃港女like賺10萬

2016-02-18  NM

Selfie(自拍)是不少年輕人的指定動作,Photo booth(影相攤位)更是近年婚禮場地的重點布置。本身是攝影師的蕭國煒(Sam),早已知傳統攝影行業無出路,決心轉型,四年前見自拍熱盛行,自組公司PhotoGIFT,組裝第一部「自拍攝影機」,打造成公司的生招牌。不過坊間同類型公司,多達十數間。Sam為搏出位,除了上TVB的創業節目、幫機器申請專利,又以單鏡反光機取代web cam。Sam還看穿港女心理:「港女最緊要靚、要唔同、要瘦!所以我設計Photo booth時特意將鏡頭調高,造成高抄效果,咁就可以做到V面同白啲!好多人以為港女玩起上嚟最癲,其實四、五十歲的媽媽級先玩得最投入,因為佢哋連貼紙相都未試過!」

這個星期天是情人節,PhotoGIFT獲海景嘉福酒店邀請,放置Photo booth,供餐廳客人拍照。Sam設置機器時,員工不時「眼望望」,指第一次看見這部機器。完成設置後酒店率先安排員工試玩,幸運被抽中的員工,立即用假髮、眼鏡等道具裝扮一番。由於Photo booth設定四秒一張,員工在拍第二張時明顯手忙腳亂,笑着「投訴」:「咁快o架!」而其他員工在旁亦不斷央求經理,在落場時給她們試玩。到了正式供客人玩時,不少年輕情侶相當熟手,在排隊時先用自己的電話與Photo booth「自拍」。有內地遊客更誤以為是拍證件相的相機,向記者表示:「其實在內地都很多,但有道具裝扮都是第一次!」

參加比賽當宣傳

一部Photo booth,成本只是六萬元,平均租出幾次已經回本。由於成本低、錢易賺,近年市場加入了大量競爭者。為了突圍,Sam使出了三招。其一,Sam不斷參加創業比賽,搏可以免費宣傳:「呢行都好少人參加創業比賽,可能大家都怕麻煩,但係我覺得當聽意見都好。好似近期就參加滙豐青年創業大獎。講到最大影響力都係TVB《我要做老闆》,仲贏咗七萬蚊現金獎。」當時贏出比賽的原因,是Sam本身有做開婚紗攝影,開拓生意有人脈優勢;而Sam亦甚懂「生意」,Photo booth只是其他連帶生意的契機,Sam會與酒店或婚禮客傾拍攝硬照等。Sam坦言電視威力強勁,《我要做老闆》出街後營業額升近三成。雖然公司知名度明顯提升,但競爭者亦更多:「部機其實好易copy,節目出咗街吸引咗人哋去抄,甚至有其他公司拎我上電視條片去自己公司播。」參加比賽除了提升形象,亦讓Sam學會如何改善營運:「參加咁多比賽,當然都試過輸,但評判俾嘅意見,對於點run間公司都好有用。好似試過有評判問我每一個月增長有幾多,我之前只係每年去計,但咁就計唔到每一季嘅投資應該點分配。」

預先註冊免抄襲

Sam當初成立了公司不久,就註冊了自己組裝的攝影機外形,自抬身價:「呢部機上下都有燈箱,中間有mon同鏡頭,比起其他攝影機,呢個設計嘅好處係多咗一個燈箱,咁影大人下半身同小朋友時就夠光,唔會影到黑沉沉。」坊間試過有公司也是這樣設計,Sam接觸並了解後對方立即改回,結果照片效果就不及Sam。除了外觀,整個Photo booth的不少配套細節,都經歷了不少轉變。「一開始淨係白色,到婚禮時有啲老人家話唔鍾意,就開始由顏色着手,嚟緊下一代就會諗點縮細部攝影機嘅size。」現時Photo booth加入了如貼紙相機的light printing(光影塗鴉)服務,甚至加裝風扇,營造「風馳電掣」效果。而八、九十後興社交網絡,他亦緊貼潮流,直接將相片上傳到Instagram,以及可即時傳到客人的電郵。至於道具方面,已經由「愈買愈多」進展到為客人度身訂做:「好似月頭出席咗SK-II嘅Instagram宣傳活動,我就特別訂製幾個hashtag紙牌俾佢哋!」

反其道加價

現時Sam的客戶以商業客為主,由於跟酒店及婚禮專門店合作,將Photo booth包含在酒店或專門店的婚宴服務內,Sam已甚少接街客:「接公司客每單平均有一萬多元進賬,比起做婚禮攝影,由籌備到完成婚宴,最少要用一年時間。搞Photo booth準備時間只係一個星期,計起上嚟投放嘅資源少好多。」上年年尾,香港整體市況下滑,不少公司都要cut budget之際,Sam卻逆市加價一成:「我哋公司收七千幾,比街外高兩成左右。公司搞一個event要使成百萬,你加多個Photo booth都只係一萬幾千,好多公司都願意花多啲錢去用一間信得過嘅公司。」Sam指出加價後反而有「回頭客」:「啲客試過街外好平嘅公司,知道差異喺邊。」他解釋:「我哋部Photo booth,會用單鏡反光機,而每次都會有兩位同事跟住,其中一位仲要係專業攝影師。由於在場地預先度好距離,所以好多時一take過就得。」坊間有不少平價Photo booth都是用web cam,在場沒有職員協助,若質素差令人掃興。

港女最緊要瘦

Sam入了攝影界超過十年,見盡不少要求高的客人,應付他們早有心得:「港女最緊要靚、要唔同、要瘦,所以我設計Photo booth時特登將鏡頭調高,造成高抄效果,咁就可以做到V面同白啲!好多人都以為港女玩起上嚟最癲,其實四、五十歲的媽媽級先玩得最投入,因為佢哋連貼紙相都未試過玩!」他指反而澳門人接受能力較低:「雖然好似有晒賭場,好似好新潮,其實嗰邊嘅人思想明顯守舊啲,佢哋見到部機都覺得好新奇,要講多兩句先肯嚟玩。」Sam指出,未來會利用自拍的優勢去尋找更加多商機:「比賽嗰時好多評判都認為要多元化,依家Photo booth實際佔我哋收入四成左右,但係好多公司都係因為佢而用我哋其他攝影服務,好似影場地相、拍宣傳片等等,今年目標就係幫中小企拍宣傳片,幫到人又幫到自己!」

開業成本*(01/2012)租金(兩按一上):$27,000器材:$20,000 雜項:$11,000 總投資:$58,000 *開業前期並未有第一部Photo booth

營業資料(12/2015)營業額:$500,000 租金:$28,000 人工:$250,000(連老闆在內,共十名全職)器材:$72,000 雜費:$50,000 盈利:$100,000

壹點意見

香港青年協會督導主任鄧良順(Gary),曾在《我要做老闆》中給予PhotoGIFT正面評價,並提供資金。他指出Sam獲勝後,一直有留意他的公司,並作出以下意見:

要慎重考慮加價

Gary指:「佢用加價嚟同做市場做分野無可厚非,但係市況環境唔算好,而佢提出一啲非必要服務,有時就會因價格嘅差異而轉去其他公司。我建議市況再差落去,就要同客戶傾吓提供優惠。」

老闆定位要轉變

Gary表示現時公司發展到一定規模,應考慮退出前線:「前線同管理層兩方面需要嘅技巧都唔同,好似請幾多人,要買咩器材,點去做推廣,都要有宏觀嘅睇法,我覺得係時候考慮係唔係由前線隱退。」

撰文:梁延宇攝影:鄭樹清攝錄:廖健昌、陳浩樂[email protected]

PermaLink: https://articles.zkiz.com/?id=185835

Instagram外掛生財路 攻港女網店市場

2016-04-21  NM

近年Instagram已經成為一眾創業人士建立網店的首選,除收費較少外,hashtag功能令一眾網店更容易宣傳。七十後的吳家嘉(Eric),○二年中大畢業後曾到Yahoo!工作,七年前決定離職着手寫app,更有份參與開發大台的myTV、GOTV等app。

Eric眼見網店愈來愈盛行,上年決定推出Boutir,專攻Instagram開網店的不足,用家只須利用Instagram登入,就可直接將特定相片同步到 app之內,標明價錢及庫存後,再分享到各大社交媒體,標榜「三分鐘就開到網店」。

幫大公司寫app無難度,但Boutir明顯主打愛開網店的「妹妹仔」市場,對在網站熱賣的「EXO貼紙」、「森系產品」似乎不太熟悉。對着電腦十多年的IT男,能否應付一眾港女店主?我點sell:三分鐘開網店

「一兩年前已經見到好多人喺Instagram上面買嘢賣嘢,一個hashtag已經有成幾百萬件貨俾大家揀,但係買起上嚟就好唔方便!」Eric指不少人都有在Instagram創辦網店的經歷,但由於Instagram並非網店用途,缺少應有的交易功能,令交易過程變得繁複,他就看到這個「漏洞」,決定創立Boutir,猶如Instagram的「網店外掛」,「個app可以一個catalogue放幾張相,影咩角度都得,仲設有收費系統,唔使吓吓要銀行過數。」

Eric指出:「隨住愈嚟愈多網店加入我哋公司,我哋想啲得意嘅產品有多一個途徑俾網友見到,就開發多一個app叫Boutir Collect,就好似淘寶咁,只要輸入關鍵字就可以搵到啱嘅產品,仲可以即時喺個app買埋。」

百萬投資零收入

他坦言,Boutir發展一年投資額達一百萬,但項目至今零收入,他亦着手設計收費模式,「開始用Boutir的時候是完全免費,但之後就會推出一些月費計劃,追加功能包括promote code、增加交易次數上限等。」除了開網店外,Boutir更會幫網店做實體宣傳,「我哋會同好多手作市集單位合作,幫手喺網上宣傳呢啲市集,仲會介紹網店去呢啲市集擺檔。」雖然現時月燒錢過十萬,但他仍相當有信心,「呢個app目前已經有六千幾間網店註冊,貨品超過五萬件,有大部分交易都集中喺香港,所以依家目標都係以香港市場為主,將來會發展東南亞市場。」

專家盤問:點同Instagram鬥?

李:Innopage創辦人李勁華(Keith)曾:Boutir產品經理曾卓羚(Jackie)

李:你們覺得用Instagram開店,對店主最大難處是什麼?曾:我曾經聽過有店主反映過,在一些high season的時候,就有十多個不同的客人買同一樣貨物,但要一張張單去處理就好花時間。如果他們用我們的app處理單據之後,店主每次就只需要看一下接收了多少單就可以製作及交貨,因為我們設了PayPal及信用卡付款,他們就不用浪費時間在交易系統上。

李:如果Instagram知道你們成功,立即開放購買系統,你們又怎樣應對?曾:我們在app設了promote code,只要填上就有優惠,其實都是鼓勵店主更加依賴這個app。此外,我們發現很多人很喜歡把一些顧客對網店正評的截圖用來宣傳,其實都很不客觀。我們現在都設了評論功能,讓客人可以給予客觀的意見。以及我們都會幫他們儲存以往客戶的聯絡方法,方便日後聯絡及宣傳。相信即使日後Instagram有購買系統,功能亦未如我們般完善。

李:你剛才就說過目標是找到三千個付費用戶,但我看到現時的宣傳很多都是本地為主,你們又有沒有預算現時本地網上的商店大約有多少個?那三千個的數字是怎樣得出?曾:(思考很久,最後找團隊討論)因為現時用戶有一個穩定的增長,我們都參考了Spotify,它們都有百分之二十的付款用家。以我們預期今年末的用戶去計,就得出三千這個數字。

李:為何你們又會用Spotify(音樂串流網站)作為參考?兩個市場其實很不同。另外,我就很質疑單以香港市場,到底你們的app可不可以吸納到三千間肯付費的網店,以我估計香港最少要有六萬間才可以做到。曾:因為Shopify及Shopline,一使用就需要付款,以目前市場來說,收費模式跟我們相似的網站暫時未找到。但最重要的是同類型網站的存在,讓我們可以看到有一定的人願意付款在建立網店上。我們比較難去計在香港到底多少人用Instagram開店。雖然現時只有很少部分商鋪在香港以外的地方,但在年中我們就打算發展東南亞市場。

終極判決:太本土累事

最主要有三個問題,第一是太依賴Instagram。老實說,以Instagram的財力,你們根本沒辦法與她競爭。要避免客人先到Instagram看到貨品才到你們的app,應該一開始就看到你們的網站,減低對Instagram的依賴。第二是用家太本地,因為只有百分之五非本地用家,要擴大整體用戶群才有機會達到三千個的目標。第三是整個app的business model都是太實驗性質,有很多數據,好似香港網店總數、網店店主每月願意花的宣傳費等都未準備好,有很多研究都需要認真一些去做,如果實際環境與想像落差太大,資金就未必能夠持續營運整個項目,好像由上年八月到現在都是一直燒錢,到底在什麼時候才有收入?這個真的要考慮一下。我覺得整個business model是可行,對一個網上開店的人而言相當吸引,甚至我會覺得收費可再調高,以五十元去賣二百件貨其實是很平,如果個app以初次做生意的人為目標,其實他們一個月很難做到二百次交收,所以這收費其實有點不切實際。我建議用戶數量到一定的數字就可以調高收費。由於很多東西都未很清晰,所以以十分為滿分,我只會給五分。

港女店主點睇?

早前Eric再與手作市集單位合作,在網上宣傳「潮遊觀塘」市集,順道為Boutir宣傳,一眾港女店主又對Boutir有什麼看法?

一知即裝Faye:「一直有在Instagram看店,有時管Instagram已經好煩,唔想理其他嘢。呢個app最好係唔使經電腦,用手機就即刻upload到。」

要開交收點Tracy:「我覺得個app可以開一個地方俾我哋交收,如果要抽百分之十五佣我都OK,因為出面租格仔鋪都要幾百蚊!」

每月肯俾幾百Maggie:「我間鋪開咗幾個月,每個月都會放錢喺facebook做宣傳,但我知道facebook一知你多人睇收費就會提升。如果用得好嘅話,每個月放幾百蚊喺呢個app都唔介意,但暫時都唔會放棄facebook。」

撰文:梁延宇攝影、攝錄:關永浩、林志謙、鄭樹清[email protected]

PermaLink: https://articles.zkiz.com/?id=193611

港女大友克洋,靠畫畫25歲登上Forbes

如果你愛一個人,就把他送到紐約,因為那裡是天堂。如果你恨一個人,也把他送到紐約,因為那裡是地獄。現居紐約的香港人港女倪傳婧(Victo Ngai),是登上2014Forbes藝術榜最年輕的插畫師,她的插畫作品被喻為用東方的色彩展現了西方的哲學,那年她25歲。

我看她的畫,奇幻吊詭,莊諧並重,媲美當年的大友克洋。

倪傳婧出生廣州,在香港長大,高中畢業後去紐約求學,畢業于Rhode island school of design插畫系。福布斯藝術榜單最年輕的插畫師,幾乎拿到了插畫這個領域在美國可以拿到的所有大獎。除了畫畫之外,這位25歲妹子最大的理想就是吃和旅遊,夢想著存夠了盤可以吃遍全世界,環游全宇宙。




倪傳婧的作品畫風大氣,中西結合,在保留著濃郁的中國風的同時又充滿著異域的時尚感。雖然本科階段並非插畫科班出身,但在美國自由的創作氛圍中,她靠著天馬行空的想像力和鮮明的中國元素殺出了屬於自己的一片天。

在完成第一件作品的時候,倪傳婧那時20歲,還在羅德島設計學院念一年級,她的作品受到導師Chris Buzelli的注意,並把她推薦給自己的妻子,資產國際Asset International出版集團,主辦者雜誌Plansponsor的創意總監。她讓Victo為她主編的雜誌創作一幅插畫,於是就開始了之後長達6年的合作關係。

倪傳婧的專業導師,不僅給予她第一份工作,也是對她影響最深的人。當她茫然考慮著未來,擔心成績的好壞,以及同學的競爭,還有畫得是否專業這一大堆問題的時候,Chris讓她清晰的找到了自己真正喜歡畫畫的原因。

Chris經常對她說,風格是繪畫中必須存在的,就像每個人都有不同的性格一樣,每個人的繪畫風格也都會不同。這讓倪傳婧意識到跟隨自己內心的聲音是最重要的。









PermaLink: https://articles.zkiz.com/?id=194173

Next Page

ZKIZ Archives @ 2019