|
||||||
|
數年前科網爆破，I.T.人由天堂跌至地獄，全港八間網上廣告銷售公司，七間關門大吉。偏偏從馬來西亞來港打工的黃俊仁，趁僱主DoubleClick摒棄業績見紅的香港業務，竟膽粗粗與兩名拍檔買起公司，創立Pixel Media。 雖然創業後人工大減，三名老闆更要由朝做到晚一腳踢，但卻修成正果。Pixel現佔香港網上廣告龍頭地位，並將公司成功上市，年賺千萬元，而黃俊仁手持的Pixel股票，市值更逾半億。黃俊仁小檔案 33歲已婚育有一女 1997美國Pace University計算機信息系統學士學位 1998加入NSTPi（新海峽時報網站），從事網上廣告銷售 2000加入DoubleClick馬來西亞分公司，任網絡發展及廣告營業總監 2001調職至DoubleClick香港分公司 2002收購DoubleClick香港業務，成立Pixel Media 2006Pixel Media於倫敦創業板AIM上市
記者第一次踏入Pixel Media的辦公室，感覺出奇地熟口熟面。寫字樓位處中環最新的甲級商廈，會議室擺放多張動輒一萬元的Aeron Chair；接待處稍為克己一點，亦用上盛惠每張二千元的Designer Chair。 嘩！乜咁似科網爆破前的環境。莫非凶兆再臨？ 曾親身經歷科網泡沫的Pixel行政總裁黃俊仁並不認同，更笑說：「我哋租嗰時都唔算貴，而家租金升咗一倍啦。有時大客會上嚟傾嘢，公司裝修設計得靚，俾到客人多啲信心。」 他表示時移勢易，「而家八歲到八十歲嘅人都上網，好多公司開始相信網上宣傳嘅成效，好似信用卡嘅網上廣告，推出幾日就睇到有好多人申請。」 Pixel 是香港網上廣告銷售界的龍頭大哥，市場佔有率逾四成半，它的角色是網站與廣告商之間的中介人，專責為網站物色廣告。現時數十個本地、內地及東南亞的熱門網 站，包括MSN、香港高登討論區及881903.com等，都是由Pixel做獨家廣告代理。而滙豐、國泰及可口可樂等大品牌，亦是Pixel的大客仔。 成功征服百年品牌 但 他坦言，很多肯揼本做宣傳的國際奢侈品牌，仍對互聯網廣告抱有懷疑，鮮有在網站登廣告。「名牌子落廣告要講氣氛，鍾意exclusive，所以佢哋鍾意長 期訂雜誌最尾一版落廣告，希望客戶一眼就留意到佢哋個品牌。」Pixel開業時，他早已向這班「老頑固」大品牌花盡口水推銷，可惜都無功而回：「佢哋覺得 互聯網只係o靚仔嘢，幫唔到佢哋接觸客人，而且網站氣氛亦配合唔到產品。」 直至去年，網上廣告逐漸普及，黃俊仁再屢敗屢戰，終於成功說服有 一百六十年歷史的國際名牌Cartier嘗試。他明瞭客人希望做獨家的心態，遂與較多中產瀏覽的壹蘋果網絡商討，希望將Cartier的廣告包圍着整個網 站，營造氣勢澎湃的感覺。結果效果理想，連帶Dior及FENDI等大名牌也相繼透過Pixel賣網上廣告，「接受程度未算好高，但一間肯試，自然有第二 第三間去做。」 為留住客人，黃俊仁亦出盡法寶：「如果淨係做網站頂嘅Banner，咁簡單，係人都做到，其實客人想要度身訂做嘅新廣告模 式。」他舉例Sony Ericsson早前推銷內置GPS定位的新手機，他們於是想到將Openrice網站的長方形廣告空間，設計成一部手機形狀，再將Openrice原有 的地圖搜尋功能，融入手機圖像的熒光幕內，不單可令網友覓食時留意到廣告，又成功替廣告商帶出GPS手機的概念。 買起舊公司做老闆 Pixel 於○二年創立，甫開始已成為香港網上廣告的一哥，很大程度因為黃俊仁與兩名拍檔是DoubleClick的前高層。事緣○○年，科網熱潮來臨，全球最大美 資網上廣告服務商DoubleClick力拓馬來西亞業務。由於當年互聯網尚在起步階段，馬來西亞出生的黃俊仁，已是當地第一代網上廣告銷售員，故 DoubleClick邀請他過檔。 「當時DoubleClick係國際市場上嘅第一，入去做係好難得嘅機會。雖然頭三、四個月，成間公司只係得我一個，經理係我、茶水又係我，攞住公司提供嘅網站，就自己出去搵客做推銷，但因為咁學到好多嘢。」他笑笑口說。 一年後，適逢香港分公司聘請廣告營業總監，他覺得機不可失，決定隻身來港發展，「香港嘅互聯網市場走得好快，既然老細肯俾機會我，梗係試吓啦。」當年DoubleClick的香港分公司是亞洲區總部，寫字樓設於中環甲級商廈的置地廣場。
惟 ○二年科網爆破，主攻網上廣告管理技術的DoubleClick，察覺各地的廣告銷售業務出現虧蝕後，決定將這瓣非核心業務壯士斷臂，即時將歐美的相關業 務售予當地競爭對手。而亞洲業務因規模較細，DoubleClick原意是將數個地區的業務一併售予一名投資者，但因對方未能於限期前作出決定，正面臨失 業的黃俊仁及另外兩名管理層，遂有機會以MBO（Management Buy Out）形式收購香港業務，「印象中可以考慮嘅時間唔夠兩星期。」 他 認為當時香港業務已有基礎，虧損只因是亞洲總部，才令開支過大。而且有數據顯示全球每日有十萬名新增網民，寬頻費用亦開始降價，故年僅二十七歲的他，與同 為管理層的Winky及Belinda商討後，認為大有錢途，結果各人花盡積蓄搏一鋪。作為最大股東的黃俊仁，更要向馬來西亞的父母借錢，才能完成收購。 他承認當時的決定有風險，「有人覺得我咁做好冒險，但人人行呢一邊，我會選擇行另一邊。正如SARS嗰年敢買樓就發咗啦。What is the downside？最多嘥一年時間，唔得咪再出嚟打工，但我認為呢一年會學到好多嘢。」 黃俊仁等人買起公司後，網上廣告的氣氛仍然麻麻，眾人遂將舊公司的 規模大幅縮減，由置地廣場一層半的豪華寫字樓，搬到擺花街一個七百呎的辦公室，員工由三十人，縮減至只聘請一名員工負責後勤，其餘工作由三名老闆一腳 踢，Belinda專責財務，他及Winky負責銷售。「好彩以往合作開嘅網站同廣告商都肯俾半年時間我哋試，我同拍檔同意減四成人工，呢度慳吓嗰度慳 吓，接手嗰年已開始有錢賺。」 統一廣告規格 ○三年，有調查指全港逾半的人有上網習慣，黃俊仁便趁機聘請AC Nielsen研究有關瀏覽人數及上網習慣，發現各大網站的廣告五花八門，遂建議網站要統一廣告空間的尺寸，方便人客在不同網站落同一款廣告。結果一呼百 應，逐漸吸引到更多非I.T.界的行業，例如旅遊、服裝品牌及教育機構等肯真金白銀落網上廣告。 但他未有因此滿足，「現時網上廣告只佔整體廣告開支半成，但上網佔我哋四成消閒時間，應該仲有好大發展空間。好似Google喺英國嘅廣告收入，已經超越咗電視台itv，我覺得亞洲都會有更大發展。」 而他為迎戰未來，○六年中已將公司於倫敦創業版AIM上市，集資所得用作擴展版圖到中國及家鄉馬來西亞開分公司，去年盈利急增至約一千萬元；而佔股約四成多的他，賬面身家已逾五千萬元。 網上廣告發展史 橫額廣告（Banner Ad.）：網上廣告的雛形，出現於九十年代中期，一般展示於網站頂部。黃俊仁說：「嗰啲廣告無得郁，得個圖放喺網站，因為當年仲用緊56K上網。」 彈出式廣告（Pop-up Window）：用戶進入網頁時，廣告會以新視窗的形式自動彈出，吸引讀者點擊相關網址，收宣傳之效。但由於彈出廣告氾濫，○○年開始不少瀏覽器都增設封鎖此類廣告的功能。 多媒體廣告（Rich Media）：科網爆破後出現的新廣告形式，會加入Flash動畫、短片及音效等，近年更加入小遊戲增加互動性。 Google Adsense：○五年推出，以文字為基礎的廣告。Google會透過檢索加入Adsense的網站內容，向該網站發放合適的廣告，讓網站的讀者接收到最貼身的廣告。 |
||||||