ZKIZ Archives


政府製造壟斷 左丁山

2011-4-15  AD




 

以前在本欄講 過,政府推出愈多管制商界嘅法規,愈係製造壟斷。呢個道理,泛民及工會派議員相信完全唔明白,佢地一味以為事事要「有王管」,商界事情可以透過監管法規來 一個甚麼「撥亂反正」、「保障」小市民,例如發牌制度、最低工資、競爭法等等。殊不知大財團十分歡迎呢類立法,因為佢地財雄勢大,要錢有錢,要人有人,要 打官司的話,絕不手軟,一於奉陪。反之,中小企就慘咯,老闆掛住搵生意,邊有咁多閒情、閒錢去同政府周旋呀,一旦踩中法律地雷,唯有執笠可也。

自 從地產代理有咗發牌制度之後,本港地產代理業開始高度集中,形成中原利嘉閣與美聯香港置業兩大集團,其他經紀只能靠邊站,有咗最低工資之後,兩大集團勢必 更加擴大,中小經紀冇啖好食。施老闆喺佢嘅專欄(am730)講到明,最低工資不宜在地產代理行實施,如果實施的話:「實力較差的行家可能被逼退出市場, 這反會助長大行攻佔更大的市場份額,令壟斷局面更加明顯。如果大家都用最低工資來招聘員工,大行一定比細行更容易請到人。我們(中原)本來無意欺壓細行, 但法例卻造就了這樣的局面。」

施老闆嘅分析,同樣適用於其他行業,令到本港各行業嘅競爭減少。舉例而言,近日教育局無風起浪之教科書分拆問 題帶出咗一個事實,就係一般無知人士大罵「書商壟斷」,如何「壟斷」呢?原來十年前香港有教科書出版商逾五十家,今年就「死剩」十七家,其他已因不堪虧損 而退出呢個行業,如果呢行有「壟斷」、有「暴利」嘅話,何故做開生意嘅出版商會自動退出?當然係因為教育局不斷修改科目、更換課程、再有透明度極低嘅「書 本送審」制度,令教科書之開發成本與風險大增所致。教育局如不改變審書政策,教科書出版業好可能變成地產代理業咁愈來愈集中,政府一手製造出壟斷嘅局面, 然後又受泛民壓力,搞競爭法以打破壟斷喎,好滑稽。


PermaLink: https://articles.zkiz.com/?id=24286

Next Page

ZKIZ Archives @ 2019