ZKIZ Archives


專買潛艇 CKM001

http://hk.myblog.yahoo.com/ckm001/article?mid=48978

話說十九世紀之時,英國雄霸全球,殖民地遍布世界各地,有「日不落帝國」之稱號,其海軍軍力之強大,一時無兩,但可惜英國艦隊只在水面稱王, 到第二次世界大戰期間,德國利用潛艇戰術,成功擊沉大量英國戰船,嚴重打擊英國與盟軍之海上優勢,並截斷盟軍之海路補給。潛艇體積細小,造價較一般戰艦低 廉,在水底神出鬼沒,又可以集結後蜂群而出,好似狼群攻擊獵物一樣,殺傷力驚人,直到盟軍以航空母艦為核心主力,建立起立體護航與反潛網,才粉碎了德軍的 潛艇戰略。

廿一世紀的今天,CKM001 又再抄人舊橋,再次使用潛艇戰術,專買潛艇股,最近在廿八蚊狂掃中人壽(2628),之前買入的瑞安房地產(0272)、中國動向(3818)等等繼續潛 水,投機賭徒以為買入船堅炮利之當炒戰艦,一定無衰,點知潛艇隱藏在水底,最唔起眼,所以就係最安全,但如果潛艇發動攻擊,實在威力無窮。二戰期間,德軍 潛艇擊沉盟軍二千多艘船艦,咁你話二千幾隻船值幾多錢? 投機賭徒只識得借貸投資,做大孖剪,買賣衍生工具,希望增加回報,快速致富,但可惜戰艦浮在水面太張揚,經常成為大戶之點心。對比之下,買潛艇股風險細, 攻擊力強,一隻戰艦嘅價錢可以造幾隻潛艇,買潛艇股,先至係「刀仔鋸大樹」,長線回報驚人。投機賭徒似幼稚園小朋友,喜愛睇圖表,日日睇實股價上落,見什 麼平均線與什麼通道上穿下插,好似睇卡通動畫,厭惡讀書用腦,細個唔聽管教,似有點小聰明就胡作非為,更聽信各路財演與輪商之甜言蜜語,到最後當然要賠上 一生積蓄,成為資本主義制度下的奴隸。我就睬你都傻,靜雞雞收集大量潛艇股,先封著蝕本門,然後等待機會大殺四方,呵呵!!

PermaLink: https://articles.zkiz.com/?id=23997

Next Page

ZKIZ Archives @ 2019