|
||||||
|
香港人講效率，學門手藝謀生，幾乎已是上一輩的事，但這對姊弟卻有不同看法。 三十一歲的何詠欣（Ammy）及二十五歲的何祥康（Avery），拋下事業、學業，專誠飛到西班牙學做糖，三個月來節衣縮食，每日做到汗流浹背，就是要學成千變萬化的拉糖技術。終於滿師歸來，開業首月已賺逾四萬。 仔細解構，這對糖姊弟由當學徒到當老闆，絕非學做「糖匠」咁簡單！ 出身小康的Ammy，是車胎貿易公司的太子女，中六開始在倫敦讀書，取得經濟碩士後，回港幫忙打理業務，一做三年。她一直心思思自己創業，去旅行見過Papabubble糖果店有人即席拉糖，一粒小小糖果上竟可製作出不同圖案及文字，印象深刻，「做糖自己開心，又可帶俾人歡樂，比做車胎有趣得多。」 一年前，知道品牌歡迎特許經營，香港又未有代理，Ammy即了解申請條款。原來要開「糖果屋」，須親赴巴塞羅拿總店受訓三個月，學習製造手工糖的程序及技 巧，了解每種色素及口味的特質，還有店鋪營運等，全部達到要求才可海外開分鋪。Ammy心想：「已經三十歲，再唔搏就無機會了。」便毫不猶豫暗自下了決 定。 第一步︰拉雜成軍 為保險計，她專程走訪台北、東京及巴西等分店考察，發現全部經營狀況良好，唯其中台北由四姊妹自行營運最辛苦。身形較瘦小的Ammy，這時想起正在加拿大讀經濟，尚有一年才畢業的弟弟Avery，便急召他一同學藝。 「佢一個電話急call『返來做糖呀！』我就直接從加拿大飛過去西班牙喇。」Avery笑言，除了相信家姐眼光，亦從網上了解過Papabubble，「手工糖喺外國流行多年，但香港係全新概念，客路覆蓋度身訂做、公司宣傳、節日慶祝，可以好廣。」他決定豁出去，他日想完成學位再重返校園。後來Ammy再找來一位朋友介紹的新夥計Jeffi（林汛展，二十二歲），「佢喺倫敦讀過廚，又有做甜品經驗，大家有共同話題夾好多。」Jeffi一同遠渡重洋學藝，開支由何氏姊弟出，同時亦可得到公司股份及分紅，但要簽訂兩年「賣身契」，保障雙方利益。 前方有弟弟一同衝鋒陷陣，後防還有父母力撐！「爸爸媽媽本身做生意，由傾銀行貸款到租鋪，申請牌照都有媽咪教路，加上資金及精神支持，令我好放膽去前線闖。」Ammy以近百萬元成功獲得最少十年代理權，條件是一年內付清加盟費，其後每月從營業額扣取部分，分賬給總公司。 第二步︰漂洋拜師 無後顧之憂，去年九月三人一起飛到荷蘭及西班牙總店正式當學徒。 做足心理準備，但三個月的受訓期依然超乎想像，平時愛健身的Avery首先大呼：「真係估唔到要咁大力！煮糖嘅煲加足料成四、五十磅，要單人舉起倒出嚟冷 卻，少啲力都唔得，仲好容易辣親，之後搓糖膠，將半硬糖膠拉成幼長條，吓吓都要力，頭一兩星期手指痛到握唔到拳頭，牙都刷唔到。」 Jeffi就覺得揀糖最傷神，「要從幾千粒糖中挑選出形狀和切面一致嘅糖，真係揀到頭暈眼花，每日企足八個鐘做足六轉糖，做完一日已經成身散晒。」經過變 通，他們現在會一邊切糖，一邊揀出切面不齊的糖，到包裝時再挑選不夠美觀的糖給客人試食，減低工作量。每日全職學做糖之外，Ammy還要抽空了解品牌理 念、公司運作及待客態度等細節，揣摩零售運作。 受訓期間，三人「蝸居」在店鋪樓上僅一百呎的閣樓，但Ammy說問題不大，因為回到閣樓就只想睡覺。反而因為總店只包機票、住宿，所以各項費用要慳得就 慳，「收咗工輪流買餸煮飯，放假只會行吓街或者睇街頭表演當免費娛樂，一星期大約只會花費七十歐元。」Ammy表示，雖然學徒生活疲憊不堪，卻從未想過放 棄，「店主教識我哋好多嘢，每日都會覺得離目標更近，再辛苦都值得。」 第三步︰開「心頭鋪」 三個月過去，Ammy比之前更瘦，Avery在西班牙再掉低十多磅之下，終於學成歸來。根據Ammy在台北偷師的經驗，滿師後容易心急開鋪租錯鋪，所以她 臨出發前已在大坑租下一個心水鋪位，交由父母代辦基本裝修，打算一回來添置器材便可使用，不過打錯如意算盤，白花了三個月租金。 整體風格要符合總公司要求，開放式製作枱設計要方便工序，「每個細節用電郵來回接洽三、四次，前後花了成個月。」負責器材的Avery接着說，因為工序獨特，所有硬件都要專門訂造，「例如兩張冷卻枱和一張熱枱就分別搵咗兩間廠去做，冷卻枱特別之處在於中間走水冷卻，設計複雜，但總公司只提供簡單圖則，成個製作要靠我同師傅研究，又花咗一個月。」 第四步︰開張營運 店鋪今年一月正式開張時，總公司派出師傅來港坐鎮一個月，Ammy稱：「他們不會強迫所有原材料都要同佢哋入貨，只要味道和色彩能達到要求，砂糖、食用色素、香料都可自行採購，師傅過嚟就係把關。」 主力做糖的Avery和Jeffi師傅，每次將六公斤至十二公斤糖漿，製成數千粒糖果，視乎圖案複雜程度，需時個多至三個小時。開鋪初期，為了趕貨，每日 做足五到六轉，「做手工糖嘅魅力就在於每次由顏色到口味、形狀都可以有發揮和進步，遇到難度大的中文字就要花多啲想像和心思砌出來，試過砌幾次失敗，成功 後嘅滿足感亦更大。」Avery笑說。 專責市場銷售的Ammy稱，開張不久已接到近十張「囍」字糖訂單作婚宴回禮，又試過為砌出客人想要的「關」字，花足三小時，但最激氣是一單公司商標的訂單，「個商標係一隻狗仔，我哋花咗好多心思去拼砌，樣辦造咗不下十轉，個客一時挑剔形狀唔似，一時又嫌粒粒唔同樣，最後只接收小部分貨，我哋之後狗仔糖應該有排賣。」後來雙方決定轉造公司英文名，Ammy經此教訓，以後接訂單前，除要強調手工糖不如機製般粒粒相同之外，還會簽訂協議減少損失。 第五步︰授徒增產 糖果店一開便吸引多間傳媒採訪，免費宣傳。Ammy表示，除自家網站及Facebook群組外，便沒有賣廣告，「一來唔想太hard sell，二來目前人手有限，太多訂單亦應付唔嚟。」Ammy坦言，拉糖手藝是店鋪生存關鍵，請學徒要信得過又要夾得到，殊不容易。訪問當日，記者就見到 一個身形瘦削的女孩來見工，Ammy二話不說，讓她端起糖煲測試臂力，結果第一關就不合格，「請人難，唯有靠自己星期一至日不停做，只要努力耕耘，總有一 日可以實現我哋再開零售分店的長遠目標。」Ammy和Avery兩姊弟對未來充滿鬥志。 製作手拉糖 開業資料（2011/1） 租金︰$135,000* 裝修︰$500,000 入貨︰$200,000 雜費︰$100,000 總投資︰$935,000 *兩個月按金，一個月上期 營業資料（2011/2） 營業額︰$139,000# 租金︰$45,000 入貨︰$12,000 人工︰$40,000 雜費︰$1,000 盈利︰$41,000 #未扣除總店拆賬 |
||||||