📖 ZKIZ Archives

　　據政治經濟風險評估（ Asian intelligence ）最近一項調查顯示，香港公司管治水平，未及新加坡及澳洲的好，其中一個癥結，在於香港公司不少由家族控制，直接影響公司管理權。

　　其實，為了增加公司透明度，以及保障少數股東利益，香港上市公司條例早有規定，每間公司至少委任兩位「街外」的獨立非執行董事。然而香港仍有少數公 司，負責決策執行的董事局內根本閉門一家親，容不下外姓人。如遠東系的邱德根家族，以至大生地產的馬清偉家族，「騎呢」之至。

上星期二下午三點，遠東科技股東周年大會，在中環公司總部內舉行。主持會議的主席邱德根甫坐定，看見一大疊會議章程便眉頭皺，對旁邊的細仔邱達根說：「 Duncan ，你讀好唔好？」

　　「你讀啦，我一陣講咪得囉！」細仔回應。

　　「我唔識講英文，全部講中文有 冇 問題？」邱德根又問。

　　「唔使啦！」坐在另一邊的二仔邱達昌，不耐煩的說。而股東大會，在三父子相互「搭訕」下結束。當日出席股東大會的，除了三父子、會計師及公司職員等自己友外，「外人」就只得一名小股東何先生，場面認真「騎呢」。

　　遠東屬下，有三間上市公司。原本經營開戲院及新加坡唐城的遠東科技，近期轉搞高科技，董事局內四位董事，統統是邱家的人，包括邱德根及三個兒子，公司業績蝕足五年。

　　而由於宋城及荔園執笠，近月業務只剩番長洲華威酒店、九華徑重建項目的遠東酒店，董事局則由邱家兩仔一女組成，業績時好時壞。反而有「外人」歐陽治寧做董事總經理的遠東發展，由於有中區及荃灣等物業收租，過去十年均連年賺錢。

外人無兒子 咁 叻

　　在邱德根父子管治下，遠東系三間公司今天總市值，炒埋一碟都只是九億四，較十八年前的十二億還退步。然而邱德根認為，這與董事局無請外邊專才打理無關。

　　「我有試過請一個在其他公司做董事總經理，但請 佢 返後， 佢 日日都度飲酒，飲到個人手都震埋，唯有唔俾 佢 做，等 佢 自己無癮走。」七十五歲的邱德根，在汀九大宅的沙發上，坐直身子瞪大雙眼說。

　　「李嘉誠六二年，已經同我買地。人做得好，人有本事，但坦白講， 佢 都係自己話晒事，番鬼佬都要聽 佢 講啦。」

　　而邱德根對自己七個兒子，共同參與管理三間上市公司讚不絕口。

　　「好似邱達昌（二仔）， 佢 最大優點係夠膽做大生意，一百億 佢 都可以同你做；達根（七仔）就專長電腦，唔係我講自己個仔（叻），廿六歲之嘛，人廿零歲仲未定性， 佢 已經頭頭是道啦。」

　　獲老父盛讚的么仔邱達根，目前是遠東科技副董事總經理，負責開拓科技項目，讀的卻是工商管理，「工商管理，就即係 乜 都做得。老實講，讀 I.T. 都太遲，書出得科技都過時啦……我俾人覺得好細路？無困難！若然人話同你溝通唔到，傾落去都無謂。呢個世界，有好多項目，亦有好多合作夥伴。」邱達根神氣 的說。

▲荔園是邱德根最深入民心的業務。

▲邱德根去年在家設宴招待董特首夫婦。後排左三為邱德根太太，前排左起細仔達根，二仔達昌，林建岳，四仔達強，五仔達偉。

▲細仔邱達根自言一向熟悉公司運作，「因為細個已成日跟在爸爸旁邊行行企企。」

獨立董事常外遊

　　雖然邱德根不認為董事局「閉門一家親」有問題，但由於三間上市公司分給七個兒子打理及控股，在投資決策上容易出現利益衝突。

　　「哎，好慘！我現在好後悔當年分做三間公司，一間咪仲好，可以大。現在我想擺落公司，仔就話：『老竇，你擺落去點得？』你知啦，我又多仔，七個仔嘛！

　　「無辦法啦，手指都各有長短，每個仔各有想法，我現在好想將三間公司合併，但人事分配好難。俾你上去做總經理，再叫你去第二度做經理，你去唔去呀？人只可以上，唔可以落，如果你要 佢 落，不如唔要 佢 ，對自己屋企仔女，你點辦？」邱德根嘆氣的說。

　　其實，上市公司與大股東之間，若遇上利益衝突時，公司的獨立非執行董事便發揮效用，「獨立非執行董事，應該係代表小股東利益，有制衡大股東作用。」會 計師公會兼董事學會理事周光暉說，根據上市公司條例，公司公布業績前，均要由獨立非執行董事組成的「審核委員會」審批，然後才由董事局通過。

　　「遠科董事會一年大概開兩次會，但兩個非執行董事成日唔香港，唯有寄番張通告俾 佢 啦！」邱達根說的兩位非執行董事，是已退休的中旅總經理馬志民，以及中貿商人鄒小康。而公司內一位高級職員亦說，「公司無 乜 開董事會，因為 佢 係一家人，屋企食飯傾咪得囉。」

▲邱德根大宅花園建的小屋內，有不少擺設，他身後的是道光年古畫。

▲邱德根辦公室放滿家庭照。

「家天下」買少見少

　　遠東系董事局如此「騎呢」，怪不得業績表現麻麻。然而邱德根對此卻另有解釋。

　　「我跑輸俾好多人，最大缺點可能係唔敢借錢，借錢就會俾人蝦死。有好多公司借得太多錢就失敗，俾銀行對付。」

　　但實情是，邱德根早於五八年自行創辦遠東銀行，專門借錢俾人。不過其後遠東銀行遭政府逼售予萬國寶通，而他亦於八八年遭廉署檢控，涉嫌造假賬及詐騙貸款等，最後以患上老人痴呆症而免遭起訴。

　　其實，董事局「家天下」的上市公司，在香港股壇已愈來愈少。以前曾是閉門一家親的金源米業、金利來，以至建生實業，董事局均先後加上一些「外人」予以 平衡。而在七百二十多間上市公司中，像遠東系「家天下」的，大概只有數間。例如由馬清偉八兄弟姊妹控制董事局的大生地產，撇除九七年非經常性出售物業收 益，過去五年盈利徘徊在五、七千萬左右；而去年盈利五千萬，主席馬清偉董事酬金卻是一千萬。

　　而大馬僑商江祿森，於九六年底收購江山控股後，自己及妻子、兩名兒子均晉身董事局，準備大展拳腳。豈料九七年遇上金融風暴，上市公司經營了無起色，除連蝕三年外，去年度營業額更只有一千八百萬。

　　現年只有二十九歲的主席兒子江立師，上週出席股東會後，表示會將剛收購回來的新加坡軟件公司搞分拆，好似好多東西要搞。但回顧過去發展，他卻一臉無奈說：「對唔住股東囉！」

▲江山控股董事江立師表示：「過去幾年蝕錢梗係唔開心啦，覺得對唔住股東囉！」

▲陳裕光（右）幫外父羅騰祥（中）打理大家樂，業績一直不俗。

其他內容：

遠東系五年成績表

遠東邱家股權分佈

邱德根 慳 家之道