|
||||||
|
前排有位香港富豪嘅第二代，使咗兩億幾買咗隻殼股。呢位富二代嘅家族，新聞多多，家陣又突然買隻殼返嚟，唔知係咪想整齣大龍鳳，引嚟一班炒友無限憧憬，所以單刁公佈完嘅第二日，隻殼炒到飛天，最多升咗近三成，臨尾收市都升咗超過兩成。 不過，華華收到風，本身已經係上市公司主席嘅呢位香港富二代，無啦啦買多隻殼，並唔係有乜新搞作，純粹係為一個深圳富二代出面。 話 說呢位深圳富二代，年中都幫襯唔少香港富二代間公司，有日，深圳富二代想喺香港搵隻殼搞吓，但唔方便出面，所以問香港富二代可唔可以幫吓手。香港富二代做 生意叻、做人仲叻，絕對唔係一般二世祖，佢明知深圳富二代有錢有面，又係自己個大客，諗過度過，送個人情畀佢日後可能有着數，所以二話不說幫佢搞掂。 預12億買資產注入 華 華仲聽聞，深圳富二代已經搵晒財務顧問，仲開定張12億港銀嘅Bank Guarantee（銀行保函）放喺某大投資銀行，諗住睇啱啲乜就買嚟放入隻殼度。不過，隻殼因為香港富二代入主已經乾炒咗一浸，但市值都係得嗰幾億，一 下子塞十幾億嘢落去，盞畀監管機構開file，所以放嘢入隻殼要慢慢嚟，所以呢單嘢應該仲有下集。 李華華 |
||||||