|
||||||
|
建築邦雖然不入 廚，但係最鍾意去街市買餸，每逢星期六早上，因為依家建築公司已推行五天工作制，否則大批流失人才，建築邦就有空閒行街市，視為人生樂事，點解呀，星期一 至五嘅工作忙碌到極，菲傭煮乜就食乜，係咁意就一餐，星期日菲傭放假，家中廚房暫停。星期六就唔同嘞，建築邦盡量不出外吃應酬飯，一於晨早就去買餸，返到 屋企就督促菲傭蒸魚、煲湯、浸雞，開埋紅酒o忝，因為在家吃飯，唔駛開車，一個星期一次飲酒，飲多啲又何妨。 去得街市多，乜價錢都知，一年 來睇住啲食材價格升完又升，除來貨漲價之外，本地經濟繁榮，半年前開始，本港市民推高需求，亦係一個大因素。譬如買魚，買雞，街市就有人同佢鬥搶嘞，上星 期六買一隻肥大活雞，要二百幾蚊，雞檔老闆同佢講：「一月三十日有好多人吃團年飯，活雞供應不足，你要唔要我留定一隻畀你？講明呀，供不應求，來貨少，到 時可能要四百蚊一隻？」建築邦雖然鍾意食，都覺得今年團年雞價貴到離晒譜，四百蚊一隻？建築邦話：「多謝關照，我到時係咁意搵隻冰鮮雞、雪雞，做吓炸雞翼 就算。」食隻活雞團年竟然要四百蚊，建築邦嘆息話係佢從所未見，想來係（一）可能香港人係鍾意吃活雞，（二）活雞供應受限制，（三）內地供應價上揚， （四）人民幣升值等因素合共製造出嚟嘅，希望只係「季節性調整」而已，平時一隻靚活雞只係百四蚊左右之嘛。 香港通脹嘅最新數字只係3.1%，不算高，但最影響市民嘅食物，價錢就漲得又快又高，所以一般人嘅印象就係通脹厲害，上個星期日竟然有人上街抗議o忝。 不 過組織示威之人，通常係社會活動家，對經濟理論認識不多，一味就以為通脹係大財團壟斷營造出嚟嘅，叫政府阻止，其實錯之又錯，你估大財團係上帝咩，可以將 物價舞高舞低！其實持續性嘅高通脹對任何人都會傷害到，包括財團在內。香港所有食物及貨品皆來自外埠，本地大財團無力控制，任何時候只要中國及外國物價 升，港紙滙水下跌嘅話，通脹就打到嚟，香港完全被動，示威人士上一百次街都冇用。 |
||||||