中環在線：香港飲食主席愛耍太極 李華華
2008-09-12 AppleDaily
經營食肆包括大滿貫、小城知味同仿膳飯莊嘅香港飲食管理（668）有兩位「鎮店之寶」，正係集團創辦人兼主席陳偉彰，同埋佢太太陳金若槿，陳太亦係集團嘅執董，兩人今年同樣70幾歲。噚日香港飲食開股東大會，由陳主席主持，陳太做左右手。
支配唔到太座
陳 主席咁精神，當然有一套養生之道，就係耍太極。陳主席話，朝朝都會耍完先返公司。咁陳太有冇一齊玩呢？陳主席話：「佢唔聽我支配。」咁唔通喺公司先聽？陳 主席答：「喺公司都唔聽，有時反而係佢支配我多啲。」真風趣。既然兩個仔喺公司幫手，陳主席有冇諗過退休？陳主席反應好快咁話：「成日諗退休，但成日退唔 到，因為慣咗返工。」不過會陸續減少工作量咁話。