📖 ZKIZ Archives

林 伯 二 太 收 地 揭 身 世

2006-12-14  NextMagazine


上 週 五 ， 余 寶 珠 （ 中 ） 帶 同 孫 兒 林 孝 賢 （ 左 二 ） 與 林 建 名 （ 左 一 ） 返 鄉 下 中 山 ， 出 席 以 她 及 林 百 欣 名 字 命 名 的 幼 稚 園 及 醫 院 啟 幕 禮 。


麗 新 前 主 席 林 百 欣 雖 然 過 身 逾 年 ， 但 家 族 成 員 仍 然 新 聞 多 多 。 上 週 ， 二 太 太 余 寶 珠 連 環 出 擊 ， 入 稟 收 回 林 伯 生 前 給 她 的 地 皮 和 舊 樓 ， 甚 至 連 親 家 姐 亦 要 「 趕 絕 」 。
本 刊 追 訪 余 寶 珠 的 家 鄉 ， 原 來 她 自 幼 家 貧 ， 被 過 契 到 一 余 姓 家 中 做 養 女 ； 亦 因 為 窮 ， 余 寶 珠 踏 入 林 家 後 亦 十 分 進 取 ， 不 單 只 「 爭 名 份 」 、 「 爭 財 產 」 ， 甚 至 與 長 房 「 爭 老 爺 」 。









本 月 ， 林 伯 的 遺 囑 執 行 人 ， 以 及 二 太 太 余 寶 珠 ， 不 斷 入 稟 高 院 ， 將 霸 佔 林 伯 地 皮 及 大 宅 的 住 客 趕 走 ， 當 中 包 括 在 西 貢 濠 涌 亞 視 廠 房 、 美 孚 九 華 徑 新 村 的 石 屋 ， 以 及 粉 嶺 龍 躍 頭 的 「 欣 寶 廬 」 。
「 地 係 佢 （ 余 寶 珠 ） ， 可 能 佢 想 重 建 啦 ！ 」 林 伯 長 子 林 建 名 說 。 近 年 樓 價 不 斷 攀 升 ， 林 建 岳 上 月 剛 以 四 千 八 百 萬 買 下 一 幅 沙 田 豪 宅 地 ， 似 乎 對 新 界 豪 宅 地 皮 情 有 獨 鍾 。 以 西 貢 蠔 涌 亞 視 片 廠 地 皮 為 例 ， 年 中 便 獲 城 規 會 通 過 ， 准 許 發 展 十 九 幢 三 層 高 獨 立 屋 。
除 了 重 建 ， 林 建 名 亦 估 計 收 地 是 要 釐 清 業 權 ， 以 方 便 辦 理 遺 產 稅 ： 「 如 果 地 係 老 豆 個 名 ， 都 要 收 返 ， 搞 清 楚 業 權 ， 唔 係 邊 個 交 遺 產 稅 呀 ？ 而 家 律 師 仲 緊 文 件 俾 政 府 ， 唔 係 有 排 都 計 唔 掂 遺 產 稅 ！ 」

位 於 粉 嶺 龍 躍 頭 的 「 欣 寶 廬 」 ， 佔 地 萬 多 呎 ， 估 計 市 值 逾 七 百 萬 元 ； 今 年 九 十 六 歲 的 林 玉 明 （ 右 圖 ） ， 在 大 宅 居 住 逾 三 十 年 ， 是 余 寶 珠 同 父 同 母 的 親 姐 姐 。 （ 張 國 慶 攝 ）
余 寶 珠 在 中 山 的 堂 兄 林 炳 輝 ， 不 相 信 堂 妹 會 趕 走 親 生 家 姐 。


不 認 親 家 姐
佔 地 約 萬 多 呎 的 粉 嶺 「 欣 寶 廬 」 ， 內 有 兩 幢 殘 破 的 兩 層 高 物 業 。 住 在 大 宅 內 的 九 十 六 歲 老 婆 婆 林 玉 明 ， 原 來 是 余 寶 珠 的 親 姐 姐 ， 居 於 大 宅 內 逾 三 十 年 。 記 者 週 日 在 大 宅 內 ， 看 見 頭 髮 花 白 的 林 玉 明 在 花 園 內 扶 住 牆 壁 行 出 行 入 ， 由 於 撞 聾 ， 對 記 者 在 門 外 的 詢 問 充 耳 不 聞 。
「 呢 間 屋 係 林 百 欣 ， 佢 以 前 附 近 坪 輋 ， 有 間 安 寶 漂 染 廠 ， 林 伯 一 星 期 都 會 去 間 廠 幾 次 ， 每 次 就 會 返 來 休 息 。 九 七 年 麗 新 水 緊 ， 林 伯 都 唔 捨 得 賣 呢 間 屋 。 」 附 近 一 名 老 街 坊 陳 智 文 說 。
兩 個 月 前 ， 已 有 街 坊 看 見 大 宅 門 外 的 圍 牆 上 ， 貼 了 一 疊 律 師 樓 的 文 件 ： 「 文 件 大 致 係 叫 佢 搬 走 ， 一 般 呢 信 都 係 貼 係 大 門 ， 好 少 貼 係 圍 牆 上 俾 其 他 人 睇 ， 分 明 係 無 面 俾 要 逼 遷 啦 ！ 唔 怪 得 佢 尋 日 （ 上 週 六 ） 先 搬 一 大 堆 雜 物 出 來 。 」 一 名 街 坊 說 。
胞 姐 被 逼 遷 ， 風 騷 的 余 寶 珠 ， 上 週 五 與 林 建 名 ， 以 及 長 孫 林 孝 賢 出 席 鄉 下 中 山 沙 溪 鎮 的 慈 善 捐 款 活 動 。 翌 日 ， 她 又 匆 匆 返 回 香 港 ， 趕 及 晚 上 出 席 任 白 基 金 會 的 《 帝 女 花 》 籌 款 晚 會 。
記 者 問 她 是 否 想 收 回 粉 嶺 的 欣 寶 廬 來 建 豪 宅 ， 她 即 大 聲 說 ： 「 公 司 我 唔 知 ， 你 問 番 我 仔 啦 ！ 」 記 者 再 追 問 她 是 否 認 識 自 稱 她 家 姐 的 林 玉 明 ， 她 即 不 耐 煩 地 大 呼 ： 「 我 唔 識 呢 個 人 ！ 」
過 契 改 姓 余
為 了 收 地 而 不 認 親 人 的 余 寶 珠 自 小 家 貧 ， 對 錢 甚 為 看 重 。 今 年 八 十 一 歲 的 余 寶 珠 ， 二 五 年 在 中 山 沙 溪 鎮 港 頭 村 出 生 ， 原 名 叫 林 文 姬 ， 其 父 林 占 春 育 有 七 子 女 ， 因 家 貧 而 將 排 第 三 的 余 寶 珠 過 契 到 附 近 的 大 涌 鎮 疊 石 村 姓 余 的 家 中 做 養 女 。 在 村 內 ， 人 稱 她 為 三 家 姐 。
余 寶 珠 在 家 鄉 的 堂 兄 林 炳 輝 看 了 林 玉 明 被 余 寶 珠 逼 遷 的 新 聞 ， 一 眼 便 認 出 相 中 的 林 玉 明 是 余 的 親 生 大 家 姐 ， 「 我 兄 弟 姊 妹 感 情 一 向 好 好 ， 一 定 係 報 紙 亂 寫 ！ 」
不 少 村 民 仍 記 得 余 寶 珠 年 輕 時 頗 有 幾 分 姿 色 ， 「 佢 幾 姊 妹 都 好 靚 女 ， 日 本 仔 打 仗 淪 陷 時 ， 佢 有 個 家 姐 仲 做 縣 長 老 婆 。 」 村 民 黎 伯 說 。 四 六 年 光 復 後 ， 余 寶 珠 與 親 母 及 幾 個 姊 妹 去 了 澳 門 搵 食 ， 後 來 更 在 澳 門 認 識 林 伯 。
「 四 十 年 代 香 港 淪 陷 ， 我 得 六 歲 ， 由 香 港 跟 住 阿 爸 阿 媽 逃 難 去 廣 州 ， 再 去 澳 門 ， 當 時 我 都 未 發 達 ， 我 有 個 親 妹 有 痢 疾 ， 便 因 冇 錢 買 藥 病 死 ！ 阿 爸 係 四 八 、 四 九 年 澳 門 識 佢 （ 余 寶 珠 ） ， 當 時 阿 媽 因 為 咁 成 日 同 老 豆 嗌 交 。 」 林 建 名 說 。
林 建 岳 出 生 時 ， 正 值 林 伯 事 業 高 峰 期 ， 因 此 二 房 甚 為 得 寵 。 余 寶 珠 堂 兄 更 表 示 ： 「 林 伯 咁 多 個 老 婆 ， 結 婚 註 冊 只 得 我 阿 妹 一 個 。 」


余 寶 珠 八 十 年 代 起 帶 林 伯 回 自 己 的 中 山 家 鄉 投 資 ， 除 在 鎮 上 設 鱷 魚 恤 廠 房 ， 又 建 有 佔 地 六 畝 的 「 寶 珠 園 」 大 宅 。


林 伯 身 邊 助 創 業
四 、 五 十 年 代 ， 林 伯 在 中 環 開 設 華 興 行 做 貿 易 ， 以 及 在 深 水 元 州 街 開 設 成 福 針 織 廠 ， 一 位 曾 在 成 福 工 作 的 中 山 鄉 里 說 ： 「 當 時 成 福 主 要 係 做 笠 衫 ， 只 係 佔 兩 、 三 個 鋪 位 ， 有 一 百 幾 十 人 做 ， 日 日 開 工 二 十 個 鐘 ， 三 家 姐 （ 余 寶 珠 ） 已 經 係 老 闆 娘 ， 廠 內 睇 頭 睇 尾 。 」
五 ○ 年 ， 林 伯 買 入 麗 新 製 衣 廠 ， 開 始 涉 足 恤 衫 、 牛 仔 褲 生 意 ， 亦 有 賴 余 寶 珠 的 幫 助 。 「 麗 新 原 來 老 闆 係 姓 李 中 山 人 ， 因 為 發 生 家 變 ， 無 心 再 經 營 麗 新 ， 三 家 姐 識 李 老 闆 ， 於 是 介 紹 林 伯 以 好 平 價 錢 買 麗 新 。 當 時 麗 新 恤 衫 可 以 出 口 美 國 ， 三 家 姐 就 同 姓 李 ， 搞 掂 出 口 美 國 批 文 ， 由 於 間 廠 細 ， 好 多 單 都 發 俾 外 面 做 ， 當 時 林 伯 都 唔 熟 呢 行 ， 所 以 話 麗 新 所 有 都 係 經 三 家 姐 手 賺 返 ！ 」 在 香 港 經 營 製 衣 ， 今 年 八 十 多 歲 的 中 山 人 鄉 里 黎 金 康 說 。
五 十 年 代 ， 林 伯 在 三 日 內 如 期 趕 製 七 百 打 出 口 非 洲 的 恤 衫 訂 單 ， 令 他 成 為 「 非 洲 王 」 。 林 炳 輝 說 ： 「 當 時 工 廠 好 多 訂 單 ， 三 家 姐 廠 內 仲 車 埋 衫 辦 ， 同 煮 消 夜 俾 工 人 食 。 」
與 長 房 爭 老 爺
以 往 ， 余 寶 珠 確 對 親 友 甚 為 照 顧 ， 據 悉 ， 大 家 姐 林 玉 明 及 其 兒 子 曾 在 麗 新 工 作 ， 女 兒 則 曾 在 林 家 的 寶 藝 製 衣 廠 做 管 理 工 作 。 余 亦 曾 打 本 予 胞 弟 在 北 河 街 開 酒 樓 及 承 包 麗 新 工 廠 內 的 飯 堂 。
五 七 年 ， 余 寶 珠 為 林 伯 誕 下 二 子 林 建 岳 ， 正 值 林 伯 事 業 高 峰 期 ， 林 建 岳 被 指 腳 頭 好 ， 二 房 因 而 甚 得 林 伯 寵 愛 ， 與 元 配 賴 元 芳 一 爭 長 短 。
「 佢 （ 賴 元 芳 ） 份 人 又 唔 識 同 人 爭 ， 由 澳 門 返 香 港 之 後 ， 阿 大 住 西 洋 菜 街 ， 阿 二 住 大 埔 道 ， 不 過 阿 二 間 屋 大 過 又 靚 過 阿 大 間 ！ 初 時 林 伯 一 星 期 有 三 日 留 阿 大 處 住 ， 三 日 係 阿 二 處 ， 剩 下 一 日 就 俾 阿 三 或 其 他 人 。 」 一 名 林 家 親 友 說 。 然 而 ， 後 來 林 伯 一 星 期 才 去 大 房 家 一 天 ， 到 林 伯 去 世 前 ， 亦 長 留 在 余 寶 珠 九 龍 塘 森 麻 實 道 的 大 宅 。
據 知 情 者 說 ， 賴 元 芳 與 余 寶 珠 交 惡 ， 起 因 是 為 了 爭 老 爺 。 「 以 前 林 伯 老 豆 林 獻 之 本 與 阿 大 住 西 洋 菜 街 三 層 高 屋 內 ， 老 爺 住 二 樓 ， 但 佢 有 青 光 眼 ， 睇 唔 清 楚 ， 林 伯 七 弟 同 余 寶 珠 就 夾 埋 話 阿 大 虐 待 老 爺 ， 搬 老 爺 去 阿 二 度 住 。 」
「 後 來 ， 林 伯 個 細 佬 又 叫 阿 大 俾 阿 二 入 宮 ， 不 過 佢 要 同 大 婆 平 起 平 坐 ， 阿 大 咪 覺 得 佢 （ 余 寶 珠 ） 唔 尊 重 自 己 ， 因 為 連 阿 四 都 曾 經 上 門 拜 會 大 婆 ， 斟 茶 佢 飲 。 」
賴 元 芳 四 年 前 曾 在 訪 問 中 說 ： 「 佢 （ 余 寶 珠 ） 買 俾 我 嬸 母 ， 碼 住 佢 ， 我 係 大 婆 ， 自 己 嬸 母 都 同 佢 行 … … 阿 二 好 惡 好 巴 閉 ， 好 似 佢 大 晒 咁 ， 唔 尊 重 我 。 」
對 於 余 寶 珠 這 個 阿 媽 ， 林 建 名 則 笑 笑 口 說 ： 「 我 細 個 去 英 國 讀 書 時 ， 佢 都 有 送 禮 物 俾 我 ， 而 家 我 阿 媽 年 紀 大 ， 近 十 年 都 冇 乜 爭 拗 ， 大 家 和 解 啦 ！ 」


撰 文 ： 蔡 建 興
攝 影 ： 嚴 寶 權
[email protected]