ZKIZ Archives


使鬼「基辛格」


有匯控高層上周五、收到歐智華個電郵,都慨嘆一句,今年難過!

全球雙凍、凍薪同凍結人手,獅子錢莊中人話,歷年未見過,對其他公司絕對起「帶頭作用」。

其實做得金融界、大家都接受現實就係生意一縮,「無情雞」挾到埋口都要硬啃,幾年前大裁員就係一例。

意想不到倒是「一刀砌」、連去年承諾今年有得加薪的Promise,如果無白紙黑字合約,今年都唔會批,當然背後潛台辭是,有工你返已經要叫多謝!~

金融界去槓杆、坦白講是意料之內,但觀乎歐智華呢分「A Year Ahead」電郵,看得前景相當保守,當中有一段,要求每個員工都要清昕自己角色、貢獻自己。而對一些唔多清昕同事,就要多加提點。高層已經即時意味到、如果再有下個電郵,肯定就係大裁員。

至於近日大象另一個熱明話題、當然係遷冊今周就有最後決定,不過種種跡象表明,其實答案呼之欲出。

以香港佔集團總資產22%、稅前盈利貢獻43%,香江員工之高效率,實在毋庸置疑。不過今年一月分發生種種事件,已經證明香港吸引力不再。

當中最少人講、係瑞士鐘錶業去年出口下跌4%,原因正正係對港出口大跌21%,而蘋果公司開到聲,話iPhone 6S賣唔去、又係見到香港經濟放緩。

巨企不看好前景,殺傷力不及內傷! 人民幣資金池罕有出現收縮,一場人民幣離岸保衛戰,代價就係CNH市場壯烈犧牲,多年來寄望人民幣離岸中心發展,一下子全數幻滅,RIP!

一個硬幣有兩面,香港既有推力、倫敦一樣有吸引力,特別係歐智華幾乎在當地要風得風,連一向「阻頭阻勢」,FCA阿頭、本港證監前一哥「韋奕禮」,去年都被歐思邦怒炒。

有顧問計過、就算香港稅率低於英國20%,但遷冊涉及使費,高達15億美元,絕對係「贏粒糖、輸間廠」。

就好似彭博專文話、其實唔使搵前國務卿「基辛格」做顧問,匯控都知係去係留?
使鬼 基辛格 基辛
PermaLink: https://articles.zkiz.com/?id=184491

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019