《偷天特務》抄完再抄「篋神」都有得翻生
1 :
GS(14)@2016-10-10 00:43:51繼續講番華仔同曉明套新片《偷天特務》，英文名叫《Mission Milano》，係咪似曾相識？呢套戲截至大前日香港票房只有134萬元。開畫票房只係贏到《失孤》，成為華仔近10年香港開畫票房最低嘅第二位。套戲繼續充滿王晶膠味濃嘅戲路，唔止咁，套戲仲集各家大成，參考晒中西電影大成，認真「抵睇」：1.《賭聖》戲裏面嘅奸角大佬盧惠光，同《賭聖》洪爺一樣，講嘢要透過手提擴音器貼近喉嚨至可以發聲。2.《職業特工隊》每次湯告魯斯喺《職業特工隊》入面接受完任務，談話內容都會自動毀滅。今次華仔喺入面飾演嘅國際刑警就照搬呢段劇情，仲加入內地式搞笑原素。3.《國產凌凌漆》羅家英喺《國產凌凌漆》入面發明嘅「攞你命3000」集鏹水、西瓜刀等殺人武器於一身，今次華仔亦有一樣秘密武器「好威phone」，一聽過名就知有幾「威風」啦，集噴火、激光劍等武器一身。後尾華仔用嚟偷入全世界保安最嚴密嘅地方，所用嘅篋，好明顯就係改良自周星馳用過嘅「篋神」。4.《星球大戰》啱啱講過嘅「好威phone」，其中一個功用就係可以成為一把激光劍，連黃曉明都話華仔係絕地武士。80年代港片，就經常套用荷李活橋入來搞笑，估不到沿用至今。5.《天若有情》華仔《天若有情》入面嘅華Dee角色，已經唔止一次喺電影入面出現，杜琪峯嘅《孤男寡女》都已經玩過。今次喺片末華仔再次坐上烈火戰車，窮追敵人，仲表現跳上直升機嘅絕技。6.《92黑玫瑰對黑玫瑰》飾演黃曉明媽咪嘅馮寶寶BoBo姐，同佢喺《92黑玫瑰對黑玫瑰》嘅角色「飄紅」一樣，都係患有老人痴呆同失憶，經常認錯人，將華仔認錯喺佢老公。7.《頭文字D》為咗完成任務，華仔要搵曉明合作，不過曉明唔係咁願意，仲突然同華仔夜媽媽喺山頭鬥車，四野無人又山路又飄移，唔係佢哋車尾箱有冇豆腐呢？
來源:
http://hk.apple.nextmedia.com/entertainment/art/20161008/19794605