【我主場】劉浩龍感謝祖兒「令我有團火升咗」
1 :
GS(14)@2015-05-17 14:44:48當人人以為有天后容祖兒做女友會壓力很大，劉浩龍卻說：「沒有。」當人人以為紅歌唔紅人會鬱鬱不得志，劉浩龍依然說：「沒有。」以為他是要面子死撐，劉浩龍輕鬆說：「其實我份人好樂觀，從來冇覺得自己慘。」日前他接受本報專訪，公開多謝女友容祖兒令自己改變：「佢令我有團火升咗，又冚熄我另一團火！」撰文：余燕儀
現年38歲的劉浩龍（師兄）在圈中打拼18年，雖然有幾首耳熟能詳的歌曲《爛命鴛鴦》、《髒話阿七》、《神啊！求求讓我睡》，但都不及近年有一個天后女友容祖兒，令他由二線歌手變頭條藝人，問他鍾意祖兒甚麼？師兄坦言：「好似我咁正能量，佢再影響咗我㖭，令到我個人積極、正面、真心，呢樣係我喺佢身上學到，以前好多顧慮，擔心人哋點睇我，而家我覺得如果我真心對你，起碼我對得住自己，真係唔可以理咁多人哋嘅想法，冇可能全世界鍾意你。」
■劉浩龍不覺得有天后做女友很大壓力，兩人還不時跟友人們開心聚會。資料圖片
■97年劉浩龍參加全球華人新秀大賽。《壹週刊》圖片
■劉浩龍擔心大家忘記了他是歌手，認為紅人要天時地利人和。
「冇同祖兒嗌過交」
要追天后做女友，行動前是否很多顧慮？師兄笑說：「冇呀，好自自然然開始，冇乜刻意攻勢，我哋識咗好多年，溝通得舒服咪自然一齊囉。」不介意被批評女尊男卑？他說：「冇呀，做娛樂圈預咗係咁，如果介意，每一日都會過得好痛苦，最緊要伴侶知道你做緊乜，咁就夠啦，我哋一次都冇嗌過交，所以咪話真係溝通得好好。」師兄不覺得有個天后女友壓力大，更公開多謝祖兒：「多謝佢令我做嘢團火升咗，又教我同人溝通好啲，放開自己包袱、真心啲，亦幫我冚熄另一團火，就係怒火，以前對好多嘢唔妥協，覺得唔公平，而家學識包容，啲人話我個樣唔同咗，可能就係冇咗
落選亞姐遭炒魷轉行D奶林紫君 當差有團火
1 :
GS(14)@2016-07-12 03:19:29■林紫君參選亞姐時因身材出眾而備受注目。資料圖片
林紫君是2009年落選亞姐，當年她在選美台上穿三點式，大騷35.5D、26、37身材，可惜最後未圓演藝夢。D奶林紫君大前年力抗亞視「演藝訓練計劃」洗腦班，上堂時當眾爆粗戲弄導師，而得罪的導師正是前亞視高層趙汝強的兒子，林紫君遭投訴後被亞視炒魷，她毅然轉行投考警察，受訓27周後，前日出席警察學院畢業禮時獲頒銀笛獎。
為警隊拍片
一頭短髮、膚色黝黑的林紫君與女見習督察李梓琪一齊為警隊拍片，大談警校中的苦與樂，林紫君談到最難忘是不論寒冷或炎夏都要步操，她表示稍後會做前線工作：「希望可以學到唔同類型嘅嘢，同埋可以運用到學院所學嘅知識同技能，回饋社會服務市民。」林紫君更呼籲大家投考警察。至於畢業感受，林紫君說：「我加入警隊原因，我覺得每個人心目中都有團火喺度，都存在一個正義嘅追求。警務工作唔係我第一份工作，因為我喺唔同類型工作裏面發現到自己有不足嘅地方，學歷不足，所以修讀毅進文憑課程，完成咗就正式考警務人員，亦係一take過。」
■剪了一頭短髮的林紫君為警隊拍片，更獲頒銀笛獎。香港警察fb影片截圖
■林紫君向解放軍致敬，自言心中有團火才當差。香港警察fb影片截圖
■林紫君（左）曾公開和同性女子在巴黎鐵塔下作狀嘴對嘴蜜照。互聯網圖片
性取向成疑
記者昨日致電林紫君，她獲悉記者身份後即說：「我而家都唔係幕前身份，我唔需要解釋或者回答咁多問題，唔該晒你先，bye bye。」林紫君的facebook前年貼出與同性女子在巴黎鐵塔下作狀嘴對嘴蜜照，性向成疑。採訪：魯吉
來源:
http://hk.apple.nextmedia.com/entertainment/art/20160711/19689458