ZKIZ Archives

70後兄本期談到幾年前的中人壽Fans 熱門Blogger，我估應該是說CKM001。個人是尊重70後兄的意見，但自己就反而覺得佢的消失是有點可惜，自己也曾經死撐超大，明白CKM001的心情，但至少佢囗說什麼就投資什麼，不像一些可以吹到自己七年組合升8倍，個市點跌組合都可以金槍不倒的Bloggers ，CKM001也不會像某些閃礫其詞，嗡一大堆buts, ifs , ors 然後一副高深莫測的"what do you think?"的專家，比較之下，他已是一條好漢。

其實＂股票市場＂呢個對手最有趣或可怕之處是無論用什麼個人最精的招數、財務、技術、投資、投機、宏觀、微觀、甚至亂估⋯⋯乜都好，即使上幾個回合你能打到佢一撲一碌，下一個回合佢係可以完全像無事發生，精力充沛兼一拳就可以收自己皮。

所以參予者千萬唔好過份自信或以為個人的絕技是天下無敵，人地駡自己自有佢既睇法由得佢，人地賺錢是佢本事，千萬唔好覺得個天有問題，股票市場每一秒的變化總有它的原因，價值投資是不可能勝天，只能夠在它無邊法度中的一小角中尋一點合理回報而已。