📖 ZKIZ Archives

美股連升四日，終於稍稍回吐。美國商務部在開市前公佈6 月份耐用品訂單資料，遠差過市場預期，標普500指數期貨下滑5點，美股早段窄幅橫行，原地踏步。聯儲局在中午發表「褐皮書」，話有跡象顯示經濟復蘇正逐 漸失去動力。杜指午後掉頭向下，下滑近90點，但好快又反彈，收窄跌幅，收市只係微跌40點或0.4%，報10498點，標普500指數跌8點至1106 點；納指最差，跌24點或1%，收2265點。杜指期貨最新報10452點，比現貨低水46點。

港股美國預托證券偏軟。ADR港比指數收報20952點，比香港收市低154點或0.7%。匯控收報80元，比香港收市低1.1%，中移動報78.71元，比香港收市低0.5%。

美國6 月份耐用品訂單額較上月跌1%，遠差過市場預期的增長1%，這是連續第二個月下跌，亦是去年8月以來最高跌幅，數據令經濟學家大跌眼鏡的主要原因係波音飛 機此前宣佈，6月份收到49架民用飛機訂單，5月份只有5架，但實際上6月的非軍用飛機訂單不但沒有增長，還大幅下跌25.6%！扣除飛機訂單之後的非國 防資本商品訂單數字，實際上增長了0.6%。波音昨日是表現最差鮋藍籌股，下跌1.9%。在弱市單是這個耐用品數據都可以令美國市插番100點以上，但昨 日又唔見跌咁多。

　　後來令股市藉勢獲利回吐的是聯儲局發表利淡的經濟報告。聯儲局在「褐皮書」中表示6月份和7月份前半個月，美國經濟活動僅溫和增長，經濟復蘇勢頭可能正喪失動力，進展速度不如今年早些時候。聯儲局12個轄區中多數轄區的經濟形勢繼續好轉，但增長幅度較爲溫和，其中零售額僅小幅增長，住房市場和建築業仍然疲軟；另外，銀行貸款狀況依然緊張。

MF Global股票及固定收益證券分析師Nick Kalivas表示，聯儲局主席伯南克在上周國會證詞中稱經濟前景“非同尋常的不確定”，市場早已認識到「經濟增長前景稍有下滑」，因此聯儲褐皮書報告對市場影響不大。

睇番公司的業績及公佈的資料，實體經濟又唔似係聯儲局講的那樣悲觀。運輸業最能反應一個地方的經濟活動。鐵路運營商Norfolk Southern(NSC)業績報告和預期都非常好，上季每股盈利1.04美元，好過預期的0.9美元。市場對貨運的需求大增，較去年大幅上升了22%， 之前停用的列車及人員都重新投入運作。公司表示，現時倉庫中只有8000輛空卡車，遠遠低於高峰期的35000輛。空運的表現亦不俗，國際航空運輸協會 (IATA) 昨日表示，6月份貨物空運勁升27%，受到亞洲旅客航運大漲16%，整體客運量增長了12%，已經略高過2008年第一季，即金融海嘯發生前的水平。

    總體而言，美股未改大漲小回的格局。

    昨日講到叫網友一草一木將所有蝕本的股份當做新買股，重新定10%止蝕，從新做人。一草一木再留言告訴我地他持倉的細節，有七隻蝕本貨是IPO買回來，只有一手。有四隻是大藍籌，都有一兩手，卻是也虧本最多，估計因為投入的銀碼較大。有三隻是他所謂小偷股，用來短炒，每隻有數手，但運氣不佳輸錢多。

    先講IPO，炒新股，好多人在市旺時隻隻都申請，會買埋一大堆，賺錢那些走鰦，不賺錢那些死守。不少朋友覺得IPO買一手只是少數目，但少數怕長計，只得1隻無所謂，但積到7隻，甚至10幾隻，夾埋都係大數。其實最好的策略，可能和一般散戶的策略相反，應該是賺錢那些長獱，不賺錢的即斬。舉個例，國壽(2628) 03年上市時都好熱，好多人買過，招股價3.59元，升到5、6元好多人沽了，如果獱到今天是34.75元。新股有好股有雞股，我地賺少少沽鰦好股，然後死獱無前途的雞股，所以買新股的總體回報仍然好雞。舉另一個例，如果你都係揀好股才買，全部唔沽，到今年應該比而家個倉只剩雞股好。

    其次講大藍籌，一草一木獱匯控(005) 、和黃(013) 、A50基金(2823) 和新地(016) ，輸得最多是匯控，輸40%，其實輸匯控已經是最抵輸，以一草一木輸錢幅度推算，入貨大概131元，唔知佢計鰦低價供股未，計埋供股即使供完馬上沽都有鱓執番，無論如何，匯控的情況唔易估到，難避。呢個故事教訓我地，藍籌都唔一定穩陣，以後有兩個方法應對，第一係買藍籌都照定止蝕，輸一成照斬。若唔定止蝕，可以咁買，先買目標入貨量一半，之後唔升5%以上唔入埋其他貨，即係話入齊貨時，股價比第一批入貨價起碼高5%，跟住以第一批入貨價作一半貨止價，總之若買完最後唔升而係跌的話，只獱目標入貨量的一半，輸少一半也。若咁好彩買完一路升升唔停，只係一半貨貴5%，有得升，平均價高2.5%唔係大問題喎。原理係唔好愈跌愈買，反而係唔升唔會買齊貨，保證輸時輸少一半。

最後講炒股，一草一木獱三隻「小偷股」，電訊設備股星晨通訊(1155) 估計約6.2元買，發電設備股上海電氣(2727) 約6.2元買，航空設備股中航科工(2357) 3.27元買，昨日上海電氣和中般科工抽升鰦，輸少一鱓。中航科工差唔係太多，但星晨通訊和上海電氣都比買入價低約40%，差得比較遠，按入貨價計，可能在07年市道高峰時，或在08年大市初跌市買。

    睇一草一木的「炒股」，都算較大隻和有些基本因素的股份，已經不是那些純炒的三、四線股，否則輸90%都唔出奇。但一草一木輸得多的炒股，都在大市較熱市買，而大市轉差時唔識得走，呢個故事教訓大家，以後記住止蝕。唔定10%止蝕，定20%止 蝕都得，你叫得佢地做小偷股，就知道唔係你偷佢，就是佢偷你，唔止蝕好蝕底。對這批股份，而家都係那個建議，就以你第一次問問題星期二晚的收市價計，住下 一成止蝕，唔到就睇睇。升得太急太顛時，可以沽番一半出街先，其他可以放埋一邊獱長的，定番「入貨價」為止蝕，另一半跌番到入貨價沽埋，咁你就立於不敗之 地。當你炒三隻股，同樣注碼，兩隻輸10%走鰦，另1隻升20%先沽一半，咁已經補番其蝕兩隻輸的錢，另一半(等如總注碼六分一)，最後贏鰦一倍，你成個組合都有17%回報，夾埋有錢贏，咁先至係成功。好多人有一隻股贏少少就大大聲，輸個隻死獱輸鰦九成唔出聲，夾埋輸大錢。炒股，唔係咁易呀。

陸羽仁