📖 ZKIZ Archives

有話兒：萬綺雯壞到盡

1 : GS(14)@2013-06-16 16:54:07

http://hk.apple.nextmedia.com/entertainment/art/20130616/18299031


                萬綺雯（蚊蚊），一個十分需要愛的女人，有愛可放棄一切名和利，追求自己想要的，但她並不覺得這是任性，因她深信就算有名利，亦不代表會開心，所以她會捉緊、珍惜她想得到的感覺。在無綫新劇《好心作怪》中，萬綺雯付出很多第一次，首次演反派、激咀戲、沖涼戲，她笑指老公陳十三叮囑她：「老婆，你放啲去做，唔好怕醜，唔好驚，多人望就叫佢哋行開！」
撰文：黃曉妍

萬綺雯在無綫新劇《好心作怪》飾演苗僑偉（方自力）的太太唐善行，由於開拍時《老表，你好嘢！》還未拍完，蚊蚊與經理人商量後，決定向監製張乾文辭演《好》劇，不過張乾文和編審一致認為這個角色非蚊蚊莫屬，於是電召她回公司聽故事大綱，蚊蚊聽後迷惘起來，反問「你搵我做反派」，蚊蚊說：「佢哋兩個覺得我一定做得到，呢個角色唔使奸到出面，佢係一個好有說服能力、好愛佢老公、為老公不顧一切、愛字行先嘅『唐善行』，所以監製同編審首先就諗到我，冇錯，喺現實中，我係冇愛就生存唔到嘅女人，呢點大家都公認。」

心中有愛萬事足

                有了愛，一切都不重要，難怪蚊蚊當年可以撻着7天就跟陳十三閃婚，之後停止一切工作，享受二人世界，蚊蚊說：「去到另一個階段，有必要去享受嗰個時刻，如果要做嘢咪享受唔到，同以前冇分別，結婚嚟做乜！」不覺得自己任性？蚊蚊說：「我唔覺得自己任性，我好相信自己唔需要太多物質，過平淡生活，我已經ＯＫ，所以我可以隨時話停就停，可能喺外人眼中覺得我係咁，但我好知道自己要乜，我知道人生追求啲乜，乜嘢係應該珍惜，我好清楚名同利可以畀我好多嘢，但並唔代表我開心。」

                縱使當日蚊蚊與陳十三閃婚，被人鬧個不停，但今天，不少朋友看到這對恩愛夫妻，也替蚊蚊開心和高興，她說：「我只不過走前人哋一步，我只係有先見之明，嗰樣嘢對我嚟講有幾重要，我未必一定會成功，但我會盡全力保護呢段感情。」
劇中的唐善行自小遭父親離棄，後來母親亦離世，她只好靠自己讀醫做護士，直至遇上方自力，將所有幸福建築在他身上，心臟有事的方自力自換心後，一切改變了，加上方自力與周麗淇飾演的阮小吉關係曖昧，唐善行以報復心態與袁偉豪扮演的丁俊平發生一夜情，她亦為求自保，不惜一切搵錢要權力。首次做反派的蚊蚊決定接受這挑戰，因為唐善行跟她一樣，為愛而生。

老公鼓勵唔怕醜

                                    提到蚊蚊在劇中有激咀戲、沖涼戲、上飛鵝山偷情，老公陳十三知道後有甚麼反應？蚊蚊大讚他是個最大方的老公，她笑說：「佢知道我嘅底線高過佢好多，老公淨係話『老婆，你放啲去做，唔好怕醜，唔好驚，多人望就叫佢哋行開』，成廠都係人，個個睇戲咁，哈哈！」
過檔無綫後，蚊蚊星途一直很順利，《老表，你好嘢！》叫好又叫座，成為收視福將之一，她謙虛說：「我得一套啫，仲要大家都好，唔係淨係關我事，我真係唔敢認，總之有份參與已經好開心，不過我最幸運係遇到好好嘅同事，所以我要喺一個新環境盡快令自己有個歸屬感。」
髮型：Domanic Tao of Orient4
化妝：Lu Makeup

---

萬綺雯撇無綫照開工

1 : GS(14)@2015-07-31 08:51:06

萬綺雯離開無綫小休，昨日現身鑽石山「舊書回收義賣大行動」揭幕禮，即場捐出一本書義賣。萬綺雯兒時喜歡看愛情故事，現在則喜歡看正面和勵志的人生故事，她說：「老公睇嘅唔適合我，佢寫劇本要資料蒐集，多數睇歷史書。」問到未來會否再跟無綫合作？她說：「放完暑假再算啦，睇吓到時狀態如何，雙方有共識。」但有廣告會照拍。同場的何基佑捐出太太鍾凱瑩編寫的書籍，他說：「裏面寫嘅係太太成長經歷，佢喺聾啞家庭長大，曾誤交損友同吸毒，希望可勉勵一班年輕人。」採訪、攝影：卓寶花





來源: http://hk.apple.nextmedia.com/entertainment/art/20150731/19237823

---

馬浚偉俾萬綺雯電親

1 : GS(14)@2016-08-07 02:13:49

馬浚偉身兼監製、編劇、導演及演員四職的舞台劇《偶然．徐志摩》，將於11月在灣仔演藝學院公演，門票本月11日公開發售。日前馬仔與萬綺雯（蚊蚊）和羅敏莊等拍攝劇照和海報，馬仔笑指一見穿戲服的蚊蚊即時O嘴，他日前說：「自己睇咗好多video同相，覺得蚊蚊同陸小曼真係好似樣，所以一諗就諗起佢。嗰日見到蚊蚊着住戲服擺晒甫士，我都O晒嘴嚇咗一跳，真係好似。係男人都會俾佢電暈，索到爆。」馬仔又謂：「有日蚊蚊老公陳十三嚟接佢，我都忍唔住同十三講『你老婆太正啦！』嚟緊我同蚊蚊及羅敏莊會有親熱戲綵排，我都好歡迎佢哋嘅老公監場㗎！」採訪：魯吉





來源: http://hk.apple.nextmedia.com/entertainment/art/20160806/19724589

---

萬綺雯不停嗌嚇親工人

1 : GS(14)@2016-08-13 14:59:47

萬綺雯（蚊蚊）、馬浚偉和陳伊玟昨日宣傳11月在演藝上演舞台劇《偶然．徐志摩》，馬仔指自編自導自演感到很大壓力，又特別為蚊蚊準備錄音帶開聲，蚊蚊說：「我喺屋企跟住錄音嗌，老公唔喺屋企，工人聽到兩把男女聲不停嗌即刻衝過嚟睇，以為我發生乜嘢事。」陳伊玟指馬仔排練完都會送她或蚊蚊回家，問不怕傳緋聞？馬仔說：「唔驚，我又唔係李思捷！」




來源: http://hk.apple.nextmedia.com/entertainment/art/20160813/19734167

---

四十路靚女逐個捉逆齡萬綺雯長腿殺晒

1 : GS(14)@2016-09-11 05:50:27

江美儀之前拍劇着住迷人嘅黑絲情挑劉松仁，風騷入骨，風韻猶存，估唔到原來佢原來都快45歲喇，要數圈中同佢年紀相近，同一樣咁有吸引力嘅女星都唔少架！張文慈　44歲月底就45歲嘅張文慈，副body依然煞食，拍埋妹妹仔度唔輸蝕。佢啱啱加盟TVB，睇嚟好快會騷吓本錢益街坊。萬綺雯　45歲萬綺雯一年先拍一齣劇，無憂無慮嘅佢，凍齡不得止，仲有逆齡跡象，真係唔到你唔服。宣萱　46歲唔識老嘅又點少得宣萱，無綫即將開拍新劇《使徒行者2》，宣萱一樣係女主角。康華　44歲話晒係當年TVB嘅「御用情婦」，44歲依然keep到一份少婦嘅貴氣，最能演繹「風韻猶存」呢四個字嘅，就係康華。黎姿　44歲黎姿雖已為三女之母，但未見走樣之餘，身材依然fit爆，完全羨煞旁人。




來源: http://hk.apple.nextmedia.com/entertainment/art/20160911/19767385

---

【馮仁昭四圍超】馬浚偉萬綺雯跳華爾滋

1 : GS(14)@2016-09-27 07:14:51

馬浚偉、萬綺雯同羅敏莊等噚日於西九龍中心，為11月公演嘅舞台劇《偶然．徐志摩》舉行發佈會，今次係馬仔自編自導自演作品，佢大讚萬綺雯為演出而學昆曲、造手同華爾滋，兩人即場示範跳一段華爾滋，而萬綺雯努力學唱昆曲，亦被羅敏莊力讚。現實婚姻美滿嘅羅敏莊透露劇中因婚姻失敗而晚晚與淚抱擁，而馬仔因太投入角色，導致近日不時口花花，不論任何年齡女士都撩。撰文：馮仁昭




來源: http://hk.apple.nextmedia.com/entertainment/art/20160926/19781710

---

【馮仁昭四圍超】萬綺雯笑馬仔一滴淚萬幾蚊

1 : GS(14)@2016-11-08 05:45:58

馬浚偉自編自導自演嘅舞台劇《偶然．徐志摩》，前晚喺演藝學院上演尾場。騷後馬仔同萬綺雯（蚊蚊）仲有羅敏莊等演員謝幕，馬仔一出場即刻爆喊，而佢多謝蚊蚊時，蚊蚊又忍唔住狂喊。馬仔好感慨咁話：「希望大家多啲支持舞台劇，原來舞台劇難生存，唔好講話賺錢，連食飯都唔夠。」



■馬仔話雖然場場爆滿，但因成本高，連一餐飯錢都冇得賺。

4場超時罰錢

馬仔之後受訪，問佢做乜嘢咁感動，佢話：「回想番當日籌備呢套舞台劇時點搵投資者，經歷好多考驗，真係企喺街度唔知喊咗幾多次，有時心諗搞嚟做乜。」雖然賺唔到錢，但馬仔會繼續搞音樂劇同傾《偶》劇做巡迴。佢話6場舞台劇都爆滿，但就搵唔到食：「因為我哋成本好高，今次係打成平手，如果再做會控制得budget更好，起碼都要有一餐半餐飯食。」場館規定過咗夜晚11點要罰錢，馬仔話足足罰咗4場，每場罰萬幾二萬蚊，蚊蚊聽到之後就取笑馬仔話：「本來都可以走到㗎，但你晚晚企喺個台度喊，點樣唔罰吖？一滴眼淚成萬幾蚊，你話幾貴吖。」另外，前晚趙碩之同呂晶晶襯晒色孖住去睇騷，早前趙碩之暗示同拍拖兩年男友林家亮分手，但問佢係咪分手時，佢又話唔係，仲話好期待同身在加拿大嘅男友見面㖭。撰文：馮仁昭




來源: http://hk.apple.nextmedia.com/entertainment/art/20161108/19826035

---

【馮仁昭四圍超】萬綺雯受壓當笑話

1 : GS(14)@2016-11-10 08:02:45

萬綺雯同林建明（大姐明）噚日喺黃大仙出席心晴行動慈善跑記者會，萬綺雯指遇到壓力時，會搵朋友、丈夫傾訴，事過境遷後會當笑話講畀屋企人知，佢話：「有乜事仲可以去大姐明屋企玩。」早前關淑怡疑情緒不穩墮海，林建明指藝人較敏感，若主動幫忙可能未必會接受，不過有需要可求助，佢話：「最重要靠自己，外人再推動下幫一把。」更透露有啲個案要機構主動聯絡幫助。撰文：馮仁昭




來源: http://hk.apple.nextmedia.com/entertainment/art/20161110/19828255

---

萬綺雯疑似綁架主謀

1 : GS(14)@2016-11-26 13:51:14

無綫劇集《致命復活》播出一個星期，有網民開始估誰是幕後黑手，為甚麼要策劃綁架郭晉安令他流落荒野食蟲，以及是誰跟越南黑警勾結，令安仔十年來下落不明。故事鋪排劇中第一個犧牲者陳庭欣愛上人夫安仔，陳庭欣迷姦安仔拍下淫照傳給其妻萬綺雯，之後陳庭欣被「一秒輪姦」致死，大家開始抽絲剝繭找尋真兇，有人開始懷疑萬綺雯和黃德斌是幕後黑手。




來源: http://hk.apple.nextmedia.com/entertainment/art/20161126/19845775

---

《致命復活》譚凱琪集集騷長腿半裸撼萬綺雯

1 : GS(14)@2016-12-03 05:12:31

大台劇《致命復活》已經播咗好多集，到底大家對套劇有咩嘢印象呢？郭晉安？萬綺雯？王浩信？……定係譚凱琪（Zoie）對腳呢？已經35歲嘅Zoie喺劇中真係好落力，幾乎集集都短裙上陣，點都有條腿睇吓！加埋啲tube dress同背心造型，真係「肉光四射」。而最少布嗰一場，係背部全裸，有近鏡，亦有遠鏡，同時，亦有講到佢俾何雁詩整蠱，解開咗bikini top，唔知情嘅Zoie一起身嗰一吓，連前面都……。其實講腳，有「長腿姐姐」之稱嘅萬綺雯，都有盡一份力，但唔知係角色設定定點，今次呢個騷腳重任，就落咗喺Zoie身上。




來源: http://hk.apple.nextmedia.com/entertainment/art/20161202/19852748

---