美國市場憧憬美企季度業績理想，新領失業救濟人數下跌，IMF又調高全球經濟增 長，投資氣氛維持樂觀，VIX指數再跌4%，美股連續第三日向上。杜指上一日勁升275點後，昨日以全日最高位收市，再漲121點至10139點；標普 500指數升10點，報1070點，納指升16點，收2175點。不過大市交投淡靜，紐約證交所縮減至不足12億股。杜指期貨最新報10078點，比現貨 低水61點。
港股美國預托證券續 彈。ADR港比指數收報20292點，比香港收市高241點或1.2%。匯控收報74.1元，比香港收市高 1.4%，中移動報78.68元，比香港高0.7%。
美國6月份銷售收入出現了3個月以來的最大增長，另外，美國上周首次申請失業救濟人數減少2.1萬，總數下降至45.4萬人，低於 市場預期的46.5萬人，刺激市場人氣急增。
美元續軟，歐元兌美 元持續反彈，挑戰1.27美元水準，最新報1.2692美元，美元指數跌穿84水平，亦提振了大宗商品價格市場。 外圍方面亦幾配合，歐洲股市維持反彈勢頭，IMF又將今年全球增長預測由4.1%調高至4.6%。
正當市場因為憂慮經濟 可能出現「雙底衰退」，美股出現16個月以來最重跌勢之際，彭博社的調查卻顯示華爾街分析師預測美企業今年盈利增 長率為34％，高於3月29日民調時的 27％，向上調整幅度係六年以來最大。不過有好友亦有淡友，著名銀行業女分析師Meredith Whitney近期一直睇淡美國銀行股，佢昨日再調低高盛的的第2季盈利估計，由原來估每股盈利4.75美元，大幅調低至每股1.7美元，比市場平均估計 的2.34美元仲要低，原因是市場波動高盛可能企錯邊，英國徵銀行稅，證券市場又唔好等等。搞到高盛在升市中都要跌0.3%。
在房屋銷售、製造業 景氣及民間部門就業成長等皆不如預期下，標普五百指數自4月23日以來已重挫16％，第二季跌幅則高達12％。美 股市值共蒸發了2.48萬億美元，債券跑贏股市亦係2001年以來之最。而家有兩派意見，有好友亦有淡友，Federated投資者公司的首席證券市場分 析員Philip Orlando認為，企業獲利增加及股價下跌，可能意味住股票已便宜到足以翻揚的地步。佢話「股市心理已壞到不能再壞，企業獲利在成長，形成很顯著的價值 失衡，意謂今年稍後股市將開始再度走高，且很可能劇烈上漲。」
不過，亦有分析員持 相反睇法，全球最大債券基金PIMCO兩位投資長格羅斯和Mohamed El-Erian都表示，隨著經濟復蘇力道減弱，股票還不到撿便宜的地步。對沖基金Traxis的碧斯上周幾乎已沽清手中所有的美國科技股。我就睇走勢， 睇纒美股呢一浪反彈會去到乜水平。
昨日回應過加拿大網 友denlee的提問，他有此回應：「陸sir，好感激你俾我既建議，不過聽完你講之後,我就更加唔知點做好。你 講得好有道理，我也覺得如果我唔聽智者言，好可能會吃虧在眼前。但係如果我聽你講繼續讀，就同我人生追求創業既目標有conflict（矛盾），因為到時 我要30歲先有少少錢去創業。」
「我好希望陸sir可以講下創業既艱 難，等我可以有更加深既認識。如果用股票投資黎比喻我依兩個決定，繼續讀就等於低風險，中回報。自己做野蹾錢創業就等於中風險，高回報，and that depends how much risk one can bear.（這取決於一個人能承受多少風險），我真係要D時間好好思考下，選擇邊一條路。」
denlee的心情好易理解，大家都後生過，一時頂住條氣，就想做一個人生重大抉擇，放手一博，感覺nothing to lose（沒有甚麼可以輸）。我早前不正正說過後生仔 可以有海洋性格，可以向不知名的大海航行嗎？點解而家又唔贊成denlee唔讀完大學馬上走去創業呢？
人有時用大腦思維，有時用器官思維，前者講理 性，後者講感覺，唔好以為我地只是在談情說愛時用器官思維，我可以告訴大家，我們大部份時間都只是憑著感覺走。denlee讀大學唔覺得太有用，用鰦好多時間睇股票研究投資，考試應付過去，在大學求學未尋到樂趣，心急 搵錢未搵到，車未買到，對自己的人生進度有些不滿，有些著急。要退學打工買車，如果你真是為架車退學的話，咁就真是太低了，讀大學的價值和一架車的價值 比，那怕架車是寶馬、平治，都完全無得比，如果有個魔鬼用部車來換走的你讀大學的機會，就簡直好似一個色狼住一袋金魚叫小女孩去後巷睇，企圖以金魚換走 女孩的貞操一樣，完全搵哂笨，絕對不應為架車換走你的大學學位。
但 我想denlee並不是咁低水平，買車只是借口，他的潛意識是不滿足現在的生活、不滿足現在的成就，不滿足現在或可見未來的財產，所以以買車作借口，企圖 加快創業，馬上致富。
你以投資來比喻你的決定，話「繼續讀書就等於低風險，中回報。自己做野蹾錢創業就等於中風險，高回報」。這個分析又係錯哂， 我又舉番個例，話「繼續做工慢慢儲錢等如低風險，中回報；有工唔做全力去炒細價股係等如中風險，高回報」，你又話飱唔飱呢？無錯，炒中一隻細股可以一變一 百，但係唔係咁易中？中係高回報，但係好難中，所以全情炒細股係「極高風險，極難敲中，真係敲中時才有極高回報」。真正問題你無講到，當創業成功機會咁細 時，那個所謂「高回報」的價值就下降了。
你有100加元，我叫你去賭場賭一舖輪盤，中了馬上 有3000幾加元，你可能夠膽賭，輸咪輸，有乜咁大不了。但如果你全副身家有100萬加元，我又叫你一舖過賭輪盤，中了就有3000幾萬加元，馬上係大富 翁，你夠唔夠膽賭? 我估十個人有九個半唔賭，因為輸了代價太大。一個UBC的大學學位，在20、30年的就業生涯中，隨時可以產生100萬加元或更多的效益，你以為你咁賭無 成本，唔係呀，你係緊好多未來本來可以穩定得到的收益出來賭呀!
Denlee，你睇呢件事的缺憾，和好多散戶買股的缺憾一樣，只睇到你想做的事好的一面，睇唔到差的一面，散 戶炒股只想買中會賺幾多，好少諗輸哂會點。而你只想到創業成功有幾正，無想到創業失敗有幾慘。唔係好似你講好易搵個移民顧問做又可以風生水起，要問纒那時 人地點解要請你，而家加拿大移民十有九個係大陸人，將來請地產經紀，移民顧問，可能都係請大陸移民做好鱓，唔需要請已在加拿大生鰦根的一代人。
我地營運人生，投資也好，擇業也好，難免要冒險，但係要冒「計過的風險」(calculated risk)，主要先諗風險而不是回報，要諗回報和風險 是否成比例，要諗最壞的情況出現自己有無退路，未讀完大學就去創業，等如掘斷退路去打仗，的確是「有前無後」，問題是點解要逼自己去到咁盡呢?
(下星期一再談創業風險)