中環在線：港交所代言人天津港于總 李華華
2010-05-20 AD
|
|
喺內地上市嘅公 司市盈率可以好高，咁內地企業點解仲要嚟香港上市呢？答案係唔使到處請人食飯咁煩！
天津港集團喺香港同內地都有上市公司，董事長于汝民對於 兩地上市嘅差異體會最深。噚日佢喺「中國企業領袖年會香港論壇」上，對住成班內地企業家唱好香港。
佢話07年天津港嚟香港上市時， 佢唔需要認識任何港交所職員同證監會嘅人；香港嘅優點就係監管嚴格，辦事規範，唔使請任何人食飯。
仲有每年只要獲股東會授權董事局有20% 配股權，就隨時起動；但內地就要左等右等，等到後，最好嘅時機都走了。講到咁，港交所應該快啲搵于總做代言人，返內地宣傳，生意肯定滾滾而來。
李 華華
|
Next Page