2010-05-19 AD
| ||||||
| 振英哥篇大作， 原來暗裏批評咗好多人，唔怪得一位商家對左丁山講：「梁振英係一位社會主義分子。」講得幾客氣，俗啲就會話梁振英係左仔嘅嘞。左仔一詞，在不同時代有不同 意涵，一九六七年嘅左仔代表暴力、暴動，紅衞兵式鬥爭，係人聽見都怕，七、八十年代大學裏的左仔，代表思維前進，要搞北歐式民主社會主義，反對資本主義， 反對自由市場嘅學者、學生。後來東歐解體，柏林圍牆倒下，以美國為首嘅西方資本主義社會全面勝利，歐洲左仔人數日減，中國方面亦改革開放、走資，中國嘅傳 統左派無人理會，大家差唔多都唔記得甚麼是左仔咯。近十零年，資本主義獨大，金融經濟發達無比，導致世界性貧富懸殊，於是社會主義思想又逐漸浮上面。梁振 英睇嚟似係呢一類──憑資本主義發達，自覺性以為自己要「發財立品」，從山頂望落嚟，世間有好多不平事，需要佢哋拯救。 梁振英篇鴻文一彈工 業邨津貼廠商，令企業家賺了錢致了富，凡在元朗、大埔、將軍澳工業邨嘅企業，包括TVB與《蘋果日報》，都享受咗納稅人津貼；二彈公共事業，交通公司賣 地、換地賺大錢，此中當然包括長實和黃系買入港燈、黃埔船塢、新鴻基地產買入九巴、九倉買入電車公司、恒基買入煤氣公司等等；三彈按揭證券公司為銀行提供 按揭保險，讓銀行能夠做95%按揭貸款，讓銀行賺錢，此公司之父任志剛有何反應呀？ 彈完之後，振英哥暗地裏為八萬五政策解脫，以星加坡私人 住宅價格指數大起大跌為例，說明利息上升之殺傷力極大，星加坡即使在九七年前後沒有推出任何房屋政策，當地樓價在亞洲金融風暴後一樣應聲倒地。 呢 篇文章連消帶打，招數幾潑辣，似乎係針對「特首普選」，爭取選民投票噃，但係二○一二年之特首選舉，仍然係選委會投票，梁振英何解要提早發聲，得罪工業 家、地產商、公用事業呢？田北辰以「我同佢唔係幾熟」嘅姿態立即發表文章：〈梁振英你還在等甚麼？〉還擊，指佢「出身商界反商界，政府中人反政府」，唔， 火藥味甚濃，以後有好戲睇！ | ||||||