| ||||||
| 美國杜瓊斯指數 喺上星期四（美國時間）失驚無神跌咗三百四十七點，更曾經在香港時間凌晨二時半後急落998點，嚇到全球股市散咗。記者小G午夜睡醒，心思思開着電視望一 望CNBC，發覺杜指大瀉九百點，當堂嚇醒咗，唔敢再瞓，一路望住電視，後來CNBC報導可能係花旗交易員㩒錯電腦，導致股市大亂，先至放下心頭大石，但 花旗隨即否認有咁嘅事。紐約號稱世界金融首都，交易所點會出現咁大嘅人為錯誤o架？須知現在一旦出現人為錯誤，就會引發電腦程式盤自動買入或沽空，要由冷 靜嘅人腦去入市干預先至可以定住個市，人腦有時係有用過電腦嘅。 換轉呢啲事情在香港發生，港交所主席、總裁都會被傳媒喝令辭職，立法會議員 會召開緊急調查，辱罵曾俊華、陳家強，外國報紙又會嘲笑香港：做乜金融中心呀？不過紐約出錯噃，有冇人質疑紐約作為金融中心呀？冇。有冇美國傳媒叫紐約交 易所高層滾蛋呀？仲未見到。可見得我哋香港人幾咁要求高呢，我哋應該可以取代紐約成為金融首都！ 中午吃飯時，大經紀C食咗 件叉燒包啫，兩部手機，一部Call機就猛咁響嘞，佢為之應接不暇，初時講說話細細聲，驚我哋聽到，後來按捺不住，越講越大聲，鬧下屬點解唔去Call孖 展或者斬倉，搵佢做乜？大經紀C有好多外匯孖展客，因希臘危機與美股大跌，十幾小時之內，美元大升，歐元、澳元大跌近四百點子，觸發咗好多斬倉盤，佢嘅下 屬大概唔敢得罪一啲長期熟客，不敢作主，猛打電話向經紀C請示，阻住佢吃飯。經紀C講到煩躁之時，倒瀉茶，濺濕咗件恤衫，律師W笑言：「唉喲，件 Swank恤衫冇咗咯。千幾蚊，濕濕碎啦。」經紀C哭笑不得，連忙澄清：「我o依家啲恤衫係做嘅，六百蚊一件，算嘞算嘞。」股市匯市最近升跌莫測，美國股 市分析師話市場有三大威脅：（一）希臘以至歐豬危機，（二）恐怖活動加劇，曼赫頓時代廣場之汽車炸彈事件，觸動美國人神經，好彩冇爆到啫。（三）中國經濟 增長去到高位，可能回落（slow down）；有呢三件隱憂，連美國經濟數據理想，盈利增長勁嘅好消息都暫時無人理會，如果其他歐豬國真係出事嘅話，曾特首唔使擔心本地樓市繼續上升咯！ | ||||||