新手兩招 巴黎的價值投資
來源: http://parisvalueinvesting.blogspot.hk/2015/05/blog-post_20.html
巴黎：
昨天看到有文章以貨源歸邊去說近期會暴煲股的特性，但這只表達某一種方法，而非全部。固此筆者希望以價值投資法去讓朋友可以望到更大的圖畫，綜觀全部，而非像報章說的一鱗半爪。
投資和做人一樣，行得正企得正，人行人路，鬼行鬼路，是唔需要理會D鬼，也無需要怕他們。
投資正道是把＂價值＂放在心中，凡是價格大幅高於價值的股票，就是鬼，千萬不要主動招它，要直行直過，望也不望，想也不想，無必要浪費時間分辨它點解成為鬼與及是那種鬼，避之則萬事皆吉。
筆者咁樣講好像自己是一個頑固老人，因為我可能會誤會別人，但想深一層，現在是他想要我的錢，而我的錢不是從天而降而是辛苦經營來的，所以要証明佢不是鬼唔係我概責任。
去持有價值的股票，尤其大幅高於股價的股票，是王道之人，其介如石，係唔怕貨源歸邊。
就舉川河為例，呢隻野的父母是大陸張江微電子和香港的湯臣，共佔6成，兩家合作多年沒有爭議過，於是投資人便可聚焦佢既價值，單單佢現金就有十四億，如果市值跌幾成到10億，就會大把人撲入，三嵗細路仔都明白點解既道理我唔重複，所以貨源歸邊係阻唔到呢類價值股應大升的趨勢，要記著即使價值股的價格暴跌9成9，他們放在銀行的現金和那些收租收息的應有價值的資產仍然絲毫無損，唔會小咁個角。
我時常説，不要去分析垃圾股，因為垃圾有九千幾百種，且還會繼續而來，朋友要望更大的圖畫。現在報章教人以三點辦別垃圾，事實又點止三點呢？初哥次次交完學費、聽完說好好好，但卻學一世都學唔完，咁點解要浪費時間學完之後也只是求個扒小D街，而唔去學D實賺錢、又簡單的東西？
價值投資法就唔同，可以很肯定說，百份之99．9999騙術，都沒有辦法能逃過以下2條的測試，朋友只要熟練呢兩招，就能行走江湖，而重要是呢兩招既搵錢，又避險，亦受過無數風浪考驗，三歳細路都明白。
學了之後，騙徒吹你唔漲，高手也怕和你過招，股神都讚你叻仔。咁著數，聰明的閣下自會選擇。
笨蛋二式：
1．呢支股的價值是否大幅度高於價格；
2．他的每年現金流是否支持第一點的真實性。