ZKIZ Archives


人心A股化 佟 若喬

來源: http://hkcitizensmedia.com/2015/05/14/%E4%BA%BA%E5%BF%83a%E8%82%A1%E5%8C%96/

如果你問我港股係咪A股化,我一定會話係,因為A股化的,是人心。

這一個月以來,我身邊本身唔玩股票的人都玩股票,基本上同大媽無分別。玩開既,無返十幾個巴仙的升幅,唔會收手,即使隻股後抽黎個逃生門,都唔識走。只看牛,不看熊,基本上是所有小妹在工作上接觸過的大陸人,都有類似想法。

最重要是,個個都只是睇住個大陸市炒,上證縮,期指即縮,恒指就冧。但我想問,呢個世界係咪得大陸錢買港股?大家係咪已經唔記得左重炮手其實在外圍?環球債市被拋售真係不會影響港股?

我知,港股愈來愈跟大陸走是不爭事實;我又知,債市好深好難明,但你唔去明,你剛剛在4月鬆綁的一大堆蟹貨,將會再一次放入無眼睇名單之中。

本地media有報道環球債息急升,但media好少將環球債市爆煲relate to 港股,散戶以為恒指上唔到兩萬八就只是因為A股唔就。

今次債市爆煲尤以歐洲嚴重,例如德國十年期債息,兩個星期內急升超過14倍,都咪話唔得人驚。連帶美債,日債,以至新西蘭和澳洲等傳統用作避險的國債亦見年內高位,好明顯唔係什麼希臘或歐豬危機所發。

美國今年會加息,美債息升好正常,但歐洲QE緊,債市應受追捧,點解債券無人要?最主流解釋是債市物極必反,之前大家對債市太樂觀,買得太多,搞到國債負利率,加上通縮壓力無年初想像咁大,所以依家沽返哂出來。亦有人話係由於油價升返,避險資金流出債市。總之真正原因仍是眾說紛紜。

STOCK 2

更吊詭的是,資金流出債市,理論上可以買股票,但點解股市不升反跌?資金失蹤之謎令好多人摸不著頭腦,唔通個個都hold cash? 如果市場選擇risk off, 之前跟大陸資金湧來港股的錢一樣會走,港股一樣無運行。

不過兜底講返句,中國故事仍然有,相比歐美股市,港股和A股仍然是較吸引。但奉勸各位唔好自我A股化,唔好只是睇央媽臺戲,睇人民日報寫咩,重歸留意外圍資金如何流轉,綜觀全局,你會看到更多。

大家還未like小妹的專頁嗎?快來進來加入討論:

www.facebook.com/financetung

佟若喬

人心 股化 若喬
PermaLink: https://articles.zkiz.com/?id=145491

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019