ZKIZ Archives


遲來的2014年業績定量分析 Edward Lee 發掘十倍股

來源: http://edwardten.blogspot.hk/2015/05/2014.html


我知現在5月才做業績分析是遲了一個月,不過都有些發現, 就是發現2014年下半年收入及毛利增長大於20%的公司之中, 已經沒有幾多家PE
俾少少統計資料大家睇睇,2014年下半年收入毛利同時增加20%,毛利及淨利潤為正數(沒虧)的公司(不包括金融)156 地產被剔除後共128....現價計歷史市盈率少於16的只有43.......再揀選個人認為還有上升空間的只有5....



1.奧普,11家之前揀選公司之1,都不多介紹,網上應該可以找到相關分析,今年盈利升20%的話,PE維持12,上升空間大約30%

2.朗生醫藥,其實唔多了解風濕藥,但公司2013年無咩增長,2014年下半年回復增長25%左右,相對其他藥股估值係較低,只有12.7, 之前都講過,藥股首季平均收入/盈利增長20-30%,朗生沒有首季盈利,但估計今年繼續升20%機會頗高,而且12.7倍市盈率,比較落後, 如果公司真的可以有20%盈利增幅,合理估值至少可以提升至15,公司有間聯營公司排緊隊A股上市,佢持有21%股權,都有IPO註冊制概念 網上分析不多,但未來產品線好像會更豐富,如果2010 瑞年和朗生之中揀,我寧願揀朗生....

3.北汽又係之前講過,Q1業績非常好,市場已經多加留意,估值高左但盈利增長會好勁,上升空間應該仍然不錯

4.創興這家英文名叫CW HOLDING,格隆匯推過幾次,可以查返佢地分析,概念係工業4.0,新加坡公司,主要做東南亞國家既精密產品生產線設計 技術上我唔太熟,因為精密野同佢個名一樣,要好精先會知咩黎,中國業務佔收入不大,但未來好像會增加,如果炒佢工業4.0.我寧願信東南亞地區經濟發展 雖然呢隻係咁多家之中已升79%,但公司值得研究,只係公佈業績前果段股價走勢有點嚇人,雖然出黎下半年業績係好,但點解會由10月的3,跌到落11.7.... 呢隻野422.5起步,9號最高6,而家4蚊橫行,股價之亂都幾難玩,而且可能會悶好耐先爆一棍,都係再研究公司會較安全

5.粵運呢隻偉哥推介過N,睇佢分析吧,估值不貴,增長都不錯,可以留意

另外有兩隻奶股2014年下半年都唔差,係原生態同埋聖牧,仲有隻輝山(3月底年結未出業績) 不過農業股D數可靠信都係爭咁D,所以擺埋左一邊,都算落後值得研究既

仲有間創板業既愛達利網絡,係幫澳門賭場做系統,但我唔太了解佢係做D,同埋唔明點解下半年收入增長勁左~(無跟開澳門),我估係多左新賭場在建要鋪網絡多左生意,D比較周期性大,同埋公司利潤少,風險大,放埋一邊....

最後,奧普,已經差不多街知巷問,北汽開始冒出頭來,朗生不知何時被追落後,另外兩隻格隆,偉哥都推過幾次, 可以經定量分析選擇既投資對像經過4月洗禮之後已經很少,這些都炒埋之後,要靠其他方式揀股了...
PermaLink: https://articles.zkiz.com/?id=144171

Next Page

ZKIZ Archives @ 2019