ZKIZ Archives


唔怕上庭 李彩華:會講時間人物 林小明:告硬佢!

2012-11-15  NM
 
 

 

日前公開承認被前老闆林小明要求作不道德交易的李彩華,在週日(十一月十一日)二十九歲生日當天,正式受浸成為基督徒,面對林小明發信控告誹謗,阿Rain氣定神閒說:「我講嘅全部都係事實,上到庭我都會咁講,我諗天父會保佑講真話嘅人,如果上庭,我所有嘢都會講,時間、地點、人物我都照講!」踏入二十九歲,阿Rain正式搬入早前以一千六百萬買入的大坑名門新居,生活轉入直路,Rain感觸說:「嗰時拒絕咗林生要求,俾人雪,捱過最艱難時間,可能個天見我咁慘,俾咗新希望我!」

搬入豪宅

近年在內地狂賺人仔的李彩華,剛完成內地劇《和尚連》,緊接還有三套新劇等著開工。趁有十日假期回港小休,阿Rain搬離去年送給父母的跑馬地寓所,住進早前以一千六百萬買入的名門新居。事業轉入直路,兩年賺過三千萬,相比四年前被雪,阿Rain感慨良多:「兩年前係趙小姐帶我返教會,嗰時面對解約件事,我每日祈禱,希望天父引領我走向光明大道!」在剛過去的週日,阿Rain在前林太趙雪英的九龍塘一萬二千呎寓所內的泳池,正式受浸成為基督徒。對於林小明發律師信控告誹謗,阿Rain表現得氣定神閒:「我從來唔擔心,我講嘅全部都係事實,如果上庭,我會將所有嘢講曬出嚟,時間、地點、人物都會交代!」

捱 出 頭

剛滿二十九歲的李彩華,九九年以十五歲之齡加入娛樂圈,十多年來經歷過轉會、為父還債、被公司雪藏等坎坷命運,近年事業守得雲開,在內地拍劇一套接一套,終於成功「脫貧」。99年簽約黃栢高金牌經理人旗下,捧為新一代玉女接班人,被安排與古天樂拍Epson廣告、及接拍電視劇《雲海玉弓緣》及《下一站彩虹》。

03年爆出父親因生意失敗及炒燶股票欠債八十萬,因無錢還債,接受訪問時傷心痛哭。

04年向金牌提出解約,同年年底在男友蕭定一協助下,簽約寰宇林太(趙雪英)旗下八年,獲三百萬轉會費,替父還清債項。

05年林太安排她與羅嘉良拍攝中央台電視劇《昭君出塞》,在內地竄紅。

08年爆出林小明因轉移趙雪英身家,加上傳江若琳介入,二人決定離婚,自此阿Rain工作量大減,再被公司雪藏,近乎零收入。

10年3月阿Rain得趙雪英協助,賠一百萬正式與寰宇解約,在趙雪英、林小明的離婚協議書同一日簽署生效。11年阿Rain轉攻內地,先後拍攝《大丫鬟》、《寶貝計劃》、《五台山抗日傳奇之女兵排》等。

12年年初憑《回家的誘惑》在內地爆紅,劇集長拍長有,每集收入跳升到二十萬人仔。九月底,林小明與趙雪英就離婚訴訟官司,庭上爆出林小明要求李彩華作不道德交易,法官更形容阿Rain是受害人。

勸早日收手

女兒被告,Rain媽同樣氣憤:「其實我哋一路無諗過講,如果要講,四年前已經講咗!今次係林生自己講先,接受專訪話我哋講得唔清唔楚!所以我哋先講清楚件事!「真金不怕洪爐火!喺法庭我哋有曬誓章!我奉勸佢不如將告人啲錢,攞去做善事,將心思放喺公司度,搞好間公司,唔使七年嚟生意都蝕錢!有潛質嘅人都走曬!」Rain媽愈說愈激動。至於因為被林小明cut走中港牌,與前夫對簿公堂的趙雪英,同樣未曾為官司事件擔心:「我諗我擔心佢多啲,我想同佢講,回頭是岸!好自為知!最好快啲上庭,到時睇嚇邊個先係講真話!」

企硬告到底

輕鬆面對官非,剛滿二十九歲的阿Rain,一心只為慶祝生日做準備,上週六(十一月十日)在內地拍完廣告返港的她,一日之內花了二百多萬買禮物俾自己同媽咪,相當闊綽。就阿Rain表態不怕上庭作供,更會如實說出事件所有經過,有關時間、人物、地點都會公開,記者致電向林小明查詢。壹:你已經俾咗律師信阿Rain?林:唔係律師信,係告票!壹:擔唔擔心上到庭會爆更多嘢?林:無得擔心!佢鍾意講乜就講乜!我控制唔到佢要講啲乜!壹:當日趙雪英代阿Rain解約,佢哋提出解約理由係乜?林:無理由!解約就解約!壹:趙雪英有兩句說話同你講!林:總之,所有嘢交曬俾律師處理,依家我唔會回應任何嘢!佢鍾意講乜就講乜,告就告硬!

 

PermaLink: https://articles.zkiz.com/?id=39798

李彩華提男友幸福甜笑

1 : GS(14)@2015-07-17 08:37:42

李彩華(Rain)昨日到新城接受訪問,近年對做生意興趣越來越濃厚的Rain,目前除了內衣生意外,也有意染指美容界,有人曾邀請她在中港兩地開美容院,但她表示仍會在幕前工作,手頭上現正有幾套武打片洽談中。阿Rain透露跟緋聞男友何遠恒仍能夾到時間見面,她說:「我兩年前受洗後都冇拍拖,一直禱告想遇到完美伴侶,雖然未完全100%,但感覺好好。」傾談間Rain流露幸福表情,追問是否好事近?她甜笑說:「希望啦。」她坦言初時低調處理感情,不過現在覺得大方公開更有助形象變好幫到事業。此外,Rain前日單拖現身中環置地濕平,最初她發現有記者時,大方影相,但轉頭買了戰利品後,即低調走人。採訪、攝影:馬建華、梁繼光





來源: http://hk.apple.nextmedia.com/entertainment/art/20150717/19222033
PermaLink: https://articles.zkiz.com/?id=291399

過來人李彩華屎尿免問

1 : GS(14)@2016-01-15 17:33:00

李彩華(Rain)大前年參加江蘇衛視話題節目《星跳水立方》時,要在三米高跳板躍下玩花式跳水慘變撻生魚,Rain昨日接受《蘋果》電話訪問,對謝天華參加東方衛視真人騷《跟着貝爾去冒險》要飲尿半信半疑:「我覺得未必係,不過玩遊戲最緊要好玩同開心,玩體力可以接受。」重提她在三米高踏板跳水,她表示:「當初冇諗過要跳花式,知道咗都有掙扎,但都想盡量試吓自己做唔做到。」談到網民批評港星為到內地掘金已沒有底線,Rain說:「自己嚟講唔會因為酬勞,要開心、舒服同好玩,同埋會問自己係咪玩到,如真係太過癲,要飲尿或者食糞便,咁就一定接受唔到。」採訪:小米





來源: http://hk.apple.nextmedia.com/entertainment/art/20160115/19452522
PermaLink: https://articles.zkiz.com/?id=294239

【馮仁昭四圍超】李彩華同花姨撞樣

1 : GS(14)@2016-07-06 07:59:01

李彩華(Rain)近年主力搵人仔,都好少喺香港蒲頭,不過佢會keep住喺微博分享近況,等大家知道仲存在緊,不過佢噚日post自拍照就出事喇!


宮雪花


Rain個樣變到唔同晒,睇落有啲似陳浩民夫婦嘅合體樣,兼且同用咗美圖app嘅宮雪花有啲似樣㖭喎!真係陰功豬。不過張相po咗幾個鐘之後就刪咗,唔知係咪連佢自己都越睇越唔滿意呢?撰文:馮仁昭





來源: http://hk.apple.nextmedia.com/entertainment/art/20160705/19681344
PermaLink: https://articles.zkiz.com/?id=302576

李彩華自爆情緣差

1 : GS(14)@2016-07-15 05:16:40

李彩華(右)昨日在金鐘接受黎燕珊的節目訪問談情史,曾跟林峯傳緋聞,聽到林生兩字即轉話題:「當初林生(林小明)話告誹謗,但聽趙小姐(趙雪英)話已不了了之。以往冇乜幾段情係好,有男友趁我返內地帶女仔返屋企。另一個追我時仲有兩個未斷。」她現時跟何遠恒感情順利。李彩華被指變樣如「美圖」後的宮雪花,她笑說:「花姨嗰張over啲,我嗰張冇,要整都等再大啲眼下垂先啦!」採訪、攝影:王連連





來源: http://hk.apple.nextmedia.com/entertainment/art/20160715/19695196
PermaLink: https://articles.zkiz.com/?id=303851

李彩華變幻球派糖

1 : GS(14)@2016-08-09 07:33:02

■李彩華昨在微博晒三點式泳照,上圍離奇升cup。


夏日大解放!人妻林夏薇、何嘉莉及最近封盤的李彩華昨日輪流在網上派糖,她們不約而同出海曬身材,在社交網貼三點式泳裝照。論睇頭,身材偏瘦的李彩華心口突然多了幾両肉,認真神奇!採訪:非非





來源: http://hk.apple.nextmedia.com/entertainment/art/20160809/19728234
PermaLink: https://articles.zkiz.com/?id=305120

【爆相爆片】Cory擒李彩華舊愛李思捷:冇感覺

1 : GS(14)@2016-08-14 14:29:20

【哄到勁埋】■李思捷新女Cory日前在紅磡一私竇黐實李彩華舊愛Thomas兼摸大髀。讀者提供圖片



李思捷被指是「媾女王」,身邊一直女伴不絕,上月他便被拍得與34D歌手彭湘淇(Cory)於尖沙嘴撐枱腳,二人當街拉扯後再齊齊坐的士返李思捷何文田寓所。不過事隔一個月,Cory卻被指背李思捷與異性親熱。讀者黃先生前日透過本報「爆相爆片」報料,指日前在紅磡一私竇碰見Cory向一名男士狂送秋波攬攬抱抱,表現親暱,又指該男士是曾跟李彩華傳緋聞的Thomas Lee。在黃先生提供的短片中,見Cory表現熱情頻向Thomas獻吻兼抱抱,對方表現欲拒還迎。其後Cory跟Thomas咬耳仔後,Thomas指一指Cory說:「成日都除㗎啦,好彩冇事。」記者向黃先生查問Cory是到私竇耍樂還是上班,黃先生表示不清楚:「肯定唔係朋友落去玩。再豪放啲都見過。」黃先生表示該私竇為娛樂公司老闆張林雄所有,記者翻查資料,曾有報道指該私竇專門招待金融界和娛樂圈中人,並有女藝人坐枱,收費不菲,唱K連酒水起碼要9,000元,不過事後遭張林雄否認,揚言該處只招呼朋友。



【箍頸狼擒】■Cory向Thomas攬抱大送秋波。讀者提供圖片

■Thomas是汽車美容及銷售店高層,曾跟李彩華傳緋聞。資料圖片

■李思捷上月被拍到帶Cory返寓所。微博圖片


「寧願同思捷一齊」

記者昨致電Cory了解,她說:「Thomas係我朋友,識咗好耐,嗰晚係幫我慶祝生日,嗰陣我係整蠱話好鍾意佢,搞到佢好驚咪猛避我。」是否向Thomas求愛?Cory說:「我梗係唔會鍾意佢,佢都唔係鍾意我嗰類型,我寧願同李思捷一齊,不過有冇機會發展真係唔知,了解吓先。」至於李思捷昨到香港仔為劇集宣傳,對於Cory指在Thomas與他之間寧願揀跟他在一起,他回應說︰「我同佢係認識咗六、七年嘅朋友,佢係好女仔,我視佢為妹妹,冇感覺就係冇感覺。」採訪:嵐山




來源: http://hk.apple.nextmedia.com/entertainment/art/20160814/19735289
PermaLink: https://articles.zkiz.com/?id=305786

李彩華扮老鼠拍拖

1 : GS(14)@2016-08-19 06:55:50

■戴米奇老鼠帽的李彩華,日前到中環接男友何遠恒。



現年32歲的李彩華(Rain)16歲入行,在娛樂圈打滾16年,近年轉戰內地,賺到盤滿缽滿,與過氣「新五虎」何遠恒拍拖3年,感情穩定。日前本報便發現頭戴米奇老鼠帽、一身少女打扮的Rain做廿四孝女友,由銅鑼灣駕車到中環接男友。
Rain回應記者訪問時笑說:「我不嬲打扮都好young,我啲friend都叫我『百變小公主』,不過工作嘅時候梗係要有style啲,其實我都好young㗎!」據知,何遠恒目前主力做有關高智能科技的建築行業,問Rain是否真的未有結婚打算?她說:「而家大家都忙,等天主安排啦!」採訪、攝影:潘冠恩、吳耀輝




來源: http://hk.apple.nextmedia.com/entertainment/art/20160819/19741659
PermaLink: https://articles.zkiz.com/?id=306517

李彩華搖身一變八千萬富婆G.E.M.參加《我是歌手》爆紅

1 : GS(14)@2016-10-24 06:12:21

李治廷近年轉到大陸發展,賺到盆滿砵滿,其實李治廷並唔係返大陸賺人仔嘅先鋒,過往都有好多藝人返大陸發展,賺到開巷之餘,仲開埋工作室,實行肥水不流別人田,賺到盡!
G.E.M.「宇宙巨G.E.M.」鄧紫棋,16歲就出道,成為香港新一代嘅歌后,而令佢能夠衝出宇宙嘅,係14年,佢返大陸參加電視台嘅歌唱比賽《我是歌手2》,以自己創作嘅歌曲《泡沫》而爆紅,今年年初,福布斯公布2016年全球30歲以下最具潛質音樂人名單「30 Under30」,G.E.M.爲唯一入榜嘅亞洲音樂人。李彩華32歲嘅李彩華(Rain),14歲出道由模特兒做起,之後經歷為父還債、雪藏同解約,發生喺佢身上嘅事猶如苦情戲劇本;之不過,4年前佢喺大陸拍攝劇集《回家的誘惑》先成功彈起,搖身一變就變咗坐擁八千萬身家嘅小富婆。劉愷威星二代出身嘅劉愷威,42歲,94年加入大台,並未因為老竇劉丹嘅關係而大紅大紫,反而一直只演配角,直至05年轉戰大陸,拍攝劇集《大清徽商》,之後再憑《鳳穿牡丹》和《千山暮雪》,迅速成大陸嘅當紅小生。13年更創立工作室自行製作劇集,榮升老闆。鍾漢良今年41歲嘅鍾漢良,曾拍攝大台劇集《少年五虎》,劇中扮演溫拿樂隊嘅鍾鎮濤年輕版,發展平平。之後轉到台灣當歌手,06年再轉到大陸拍《納蘭與康熙》及《鹿鼎記》,演康熙皇帝爆紅。葉璇99年參加國際中華小姐摘冠後加入大台嘅葉璇,第一部劇《廟街•媽•兄弟》已經做女主角,05年離開大台返大陸發展,11年仲喺大陸成立工作室,以製片身份簽約強視傳媒任董事,製作及主演《紫釵奇緣》及《雅典娜女神》等。




來源: http://hk.apple.nextmedia.com/entertainment/art/20161024/19810711
PermaLink: https://articles.zkiz.com/?id=313436

11年世紀相遇小背心李彩華伴奏李彩華唱歌

1 : GS(14)@2016-11-25 07:36:47

■Rain首次見跟自己同名同姓的李彩華先生,大讚他性格開朗風趣。DV圖片



活在同一天空下,兩位同名同姓,但年齡、背景、性別完全不同的人,要是有緣,一樣可以碰面。就像現年33歲的李彩華(Rain)與今年58歲、現任「香港海鮮業聯合總會」主席的李彩華先生,兩人不但世紀碰面,還一齊jam歌交流音樂心得。



■李先生擅長吹口琴,與Rain合作演繹《月亮代表我的心》。DV圖片

■李彩華先生帶李彩華小姐參觀魚市場學揀魚、睇龍蝦。DV圖片


沒想過要改名

兩位李彩華緣份始於05年,網民將「李彩華着白色小背心,正!」為題的相片放上網,大家都以為是Rain穿了白色性感小背心,按圖才發現是李彩華先生,相片瘋傳十一年,一直都有網民想召喚兩人世紀碰面,終於Rain前日在《蘋果》安排下,到香港仔魚類批發市場與李彩華先生見面。性格風趣且健談的李先生,笑說多年來經常被取笑,但他不介意,亦沒想過要改名,他說:「我做生意,成日畀行家笑乜性感小背心,我有幾個女兒,佢哋啲同學又成日笑。」Rain則笑說:「我都冇計過原來咁多年,初初都以為自己着咗邊件背心俾人話性感。」


曾睇《九龍冰室》

李先生又興奮握着Rain的手說:「十一年喇,今次終於見到真人!」又指多年前看過Rain與鄭伊健拍的電影《九龍冰室》,大讚Rain演得好,但見面才知她原來長得那麼高。李先生帶Rain走勻整個漁市場,向她介紹不同海產,包括魚、蝦、蟹及龍蝦,Rain則趁機向李先生拿永久折扣。擅長吹口琴的李先生,最後拿起口琴演奏《月亮代表我的心》送給Rain,而Rain亦即時拿着唱K神器伴唱,十分合拍。採訪:懷鈺、小米攝影:馮峰、卓振輝




來源: http://hk.apple.nextmedia.com/entertainment/art/20161125/19844521
PermaLink: https://articles.zkiz.com/?id=316977

Next Page

ZKIZ Archives @ 2019