| ||||||
NEXT：TVB深夜重播神劇《大時代》，廿三年後再掀熱潮。有立法會議員乘機話，大時代入面，總有一啲自以為是嘅丁蟹。咁邊個係香港丁蟹？ 李梓敬（自由黨青年團主席）每逢遇到大牛市，總係有啲「評論員」會同市場唱反調，又話個市走勢好似上幾次爆煲之前，又取笑入市嘅股民係「盲毛」，唔識股市淨係識跟住買。彷彿，呢啲「評論員」係社會上唯一嘅「清醒者」，眾人皆醉我獨醒。其實好多呢啲「評論員」，自己本身好似都唔係好掂o架咋喎。丁蟹都話落場玩，同個市對賭吖，佢哋淨係喺度指指點點，如果股民聽你講，無買賺少咗，你係咪負責先？其實，股市除咗一啲基本因素之外，不嬲都有好強嘅情感因素，你寧願做一個賺到錢嘅「盲毛」，定一個睇住人哋賺錢嘅wise guy呢？ NEXT： 但係跟丁蟹買住先，又係咪真係有錢袋住先o架？我要真銀紙！ 楊岳橋（公民黨執委）股市狂潮，丁蟹強勢回歸。公仔箱廿多年前的橋段，你以為誇張兼過時？荒唐的是現實中不難找到類似人物身影。丁蟹是個不折不扣的狂人，認為世人誤解他，常人眼中的是非對錯在丁蟹世界都可反轉再反轉。金句「人善人欺天不欺，人惡人怕天不怕」掛在口邊，自我中心性格成就「我殺了人但沒有做錯」的精神狀態，堪稱香港九十年代語言偽術祖師爺級人馬，身兼自私自大夠狠於一身，如此人辦，就算空前卻不會絕後。神級編劇幻想世界產物，廿一世紀還有接班人，而且成就更高。丁蟹不過是股市玩家玩股市，愛與股民對着幹；徒孫則為香港玩家玩香港，熱衷與港人對着幹！徒孫是誰？你懂的！ NEXT：講呢啲！明明講緊蟹，你又講狼。 周浩鼎（民建聯副主席）近日電視台翻播《大時代》，有些網民借啲意惡作劇想話中央政府就係現實版丁蟹。我真係想講番句公道話，我明白香港市民未必對中央政府很滿意，但整體而言中央其實對香港仲係盡量滿足同照顧。中央調整一週一行安排，都係順應香港要求，搞衰香港，根本對中央無任何好處。從前李光耀經常話香港最大優勢就係有中國做後盾。港澳同胞一旦在海外遇上任何天災人禍，中央一定第一時間用特別渠道照顧港澳同胞，甚至先於內地同胞。所以公道啲講，真係唔好成日都妖魔化中國。不斷挑動中央和香港之間矛盾，對大家都無好處。 Friends 社交網絡殺入《壹週刊》，每期由壹仔出post，政黨、社運團體男神、女神、BB輪流comment，探討社會至hit話題。 | ||||||