2015年4月9日 (2900億成交額) Edward Lee 發掘十倍股
來源: http://edwardten.blogspot.hk/2015/04/201549-2900.html
雞犬皆升時代,真係好難數得哂個市有幾多垃圾被炒起
何為垃圾?指盈利極低或蝕錢既公司
今日喪炒垃圾經典包括聯華,雨潤食品,
聯華過去幾年盈利同比下跌幅度係-45.3%,-84%,-42.8%
由2011年賺7.7億之後2012-14年賺4.2億,0.68億,0.39億..
今年會賺多十倍? 你話呢?
另一隻雨潤2012至14年利潤,蝕6億,賺4359萬,賺5677萬....
今日聯華升44%,雨潤升30%,可以點估到佢地會炒呢2隻野?
一隻做超市,一隻賣豬肉,兩隻都唔係主題股,
大媽經濟學又用唔著,股市大賺會去多左超市買野/食多左豬肉??
又講唔通.....
另外有隻偉誌升22%,有人有印象既話會記得我提過,本來見佢業績好似好好
入面有唔少係之前當炒既殼股,好似光啟科學,誌道國際,坪山茶葉呢D....
殼股就唔推,揀返D有實際盈利既公司....
有盈利但呢幾日跌既公司已經無乜,
澳優(01717)係少數,可仲有珂萊蒂爾 (03709)
仲有創科實業669.....仲有中國金屬利用.......
有升但升得少既公司
體育用品業有幾間
2020安踏,2200浩沙,1968匹克體育
服飾股係假數重災區,升幅比較弱~
升得少既得虎都2399,卡賓2030.....
鞋有富貴鳥1819,呢隻之前炒過,同埋九興1836
曾經係內地人至愛既PRADA1913要跌10%
汽車銷售有幾間已經大升例如正通,中升呢D,
未升既有潤東1365,和諧汽車3836.....
汽車股有北京汽車1958,長城汽車2333.......
強泰環保1395之前好似熱炒但呢排算升得少....
通達集團698真係估唔到比較弱,比巨騰國際3336升得少~
兩間做殼既都升得少過做手機或手機鏡頭或手機MON既公司~
餐飲股,味千,翠華,呷哺呷哺升超過20%
唐宮升15%,都係內地人熟悉既餐飲~
未升既有港資大家樂341,大快活52,佳景703
不過唔係內地既未必有人炒.......
以上只係揀D未升既出黎俾大家睇,唔係推介!!!!
因為部份公司體質不佳(不過聯華雨潤都唔係好)
中獎定中陷阱,各位自己計算風險回報率.......
放假果陣寫既餐飲汽車銷售又開哂車....
係呢堆未升既搵下,呢堆都升埋就無野好講喇~