自老狐貍在全民媒體開壇後,就中國經濟大勢寫了多篇文章,當中提及過:
- 中國工業4.0
- 一帶一路
- 新常態
老狐貍好鍾意率先介紹呢D國內獨有語言,老狐貍相信呢三個TERM大家係2015年會聽好多次。老狐貍亦估計中國很快會降息降準,也曾測美國最快只可能2015年第四季,甚至更遲才考慮加息,油價就市場睇得太淡了,早前股價已over-reacted,希望可以在現水平打底,2015年慢慢回升,以上種種就係小弟為未來一年買賣的大方向,我相信就算路途遙遠,但目標正確總可達到目的地。
有人問老狐貍,小弟的目標是什麼?
好多人都會答:「希望買樓、買車。」
老狐貍都曾反覆地問自己,老狐貍當然喜歡錢,但係咪有兩架車會比一架車開心呢?老狐貍最希望快樂,唔係話錢唔重要,但係唔係好似李生、劉生咁就會好開心呢? 可能小弟老了,我好希望每日都開開心心,唔好動氣,禁機有錢出,係財務上達致財政自由。
如何達致財務自由?
呢個係一個好深的課題,究竟幾多錢至夠呢?老狐貍今次以財務策劃師的身份帶出幾個大家值得考慮的CONCEPT:
(註:老狐貍真的有CFP呢個資格,係多年前和下屬無聊時一齊去考的,考後只每年續期,工作上完全用不上,只用來拒絶D保險經紀)
先講支出:
- 預期壽命
- 每月支出和退休後的預期開支
- 預期通漲率
再講收入:
- 每月儲蓄
- 現有資產
- 投資回報
- 預期退休年期
理論上,只要有足夠保險後,平衡到支出同收入就係達到財務自由的關鍵,但知易行難,因為你唔知你有幾長命,太長命可能唔夠錢駛,太短又有錢無命享,此外,你又唔可以肯定到未來日子你的投資回報如何,一切只靠估,所以D保險從業員和基金SALES永遠都有商機,但識投資的永遠唔會靠佢地,因為好大部份的投資回報只會化為傭金。如果真係要用財務策劃方法計算到財務自由,相信會嚇大家一跳,以老狐貍為例,如果小弟而家退休,至少要有約1,800萬係戶口至夠。(可能老狐貍太大駛了,又或者係老狐貍預期自己有90歲命)
可惜老狐貍並不稱職,因為就算有呢個身份,仍然熱衷於在股市浮沈,幸而大體上贏的多,輸的少,否則只好乖乖地做下人仔定期、買下保本基金算了。
執筆日係冬至,相信呢篇文章會係明天才上載,老狐貍都準備24號收爐放假了,2014年風高浪急,唔浸死都已經萬幸,老狐貍個倉一定贏唔到5000萬,今年大概係贏23-24%左右,算係平平穩穩的一年,但若計及風險 (好似789.HK昨日的波幅咁,回報率則不算高了。)
老狐貍謹此祝各位開開心心,過一個開心又小心的平安夜!
老狐貍專頁:
https://www.facebook.com/oldfoxfanclub