ZKIZ Archives


向華勝北京入院一度昏迷

2014-09-18  NM
 
 

 

九十年代叱咤香港影壇、現年六十三歲的大哥向華勝,九五年因腳患開始淡出,一○年宣布復出再戰影壇,不過投資兩部電影連遭滑鐵盧!近幾年,向華勝跟細他二十二年北京太太端木櫻子中港兩邊飛,鮮有公開露面。

最近有消息指向華勝患上鼻咽癌三期,正在北京接受治療,一度昏迷的他曾入住深切治療房,胞兄向華強早前亦親飛北京,到醫院陪伴。

鼻咽癌三期

四年前一度回歸影圈,揚言計劃投資五億拍十部電影的向華勝,頭炮《唐伯虎點秋香2》和第二部由大S徐熙媛和任賢齊孭飛的《龍鳳店》,同告失利,自此便未有新搞作,逗留在香港的時間亦不多。「呢幾年勝哥都係香港、北京兩邊住,不過大多數時間都喺北京,因為向太櫻子喺北京有上巿公司,做好大生意,所以要兩邊飛。雖然喺香港時間唔多,但勝哥仲養住司機、工人同保鑣一大班人。」知情者說。據了解,數月前證實患有鼻咽癌三期的向華勝,一直留在北京接受治療,在內地人脈關係廣的櫻子,更為老公遍尋名醫。

活佛發功

「櫻子雖然忙,但一直照顧得勝哥好好!就算佢嚟香港要做嘢開會,都會幫勝哥安排好節目,好似幫佢約定啲朋友唱K食飯咁,到勝哥有病呢段時間,櫻子都喺醫院陪住佢。今年中秋節前幾日,勝哥情況唔係咁樂觀,櫻子即刻打電話俾勝哥師父(丹增朋措扎西活佛),叫佢幫老公發功,勝哥本來喺昏迷狀態,無幾耐就醒番,而家已經可以離開深切治療病房。」知情者說。過去跟向華勝合作發展電影公司的胞兄向華強,早前亦專程飛到北京探望。記者求證向華勝患癌入院,但華勝太太端木櫻子一直未有接聽電話;問到華強太大,她沉默數秒說:「都唔係鼻咽癌嘅。(佢身體出咗問題?)我唔清楚,你哋有冇搵過佢太太,不如問番佢?(向太,你有冇探佢?)」不願再回應的向太,隨即掛線。

電影奇才

被形容為電影奇才的向華勝,父親向前是國民黨少將,社團新義安創辦人,向家有十三名子女,孻仔向華勝跟排行第十的向華強均從事電影業,84年兄弟檔成立永盛娛樂(中國星前身),投資電影超過四十部,幾乎全部是大卡士、大製作,由《精裝追女仔》、《賭神》、《逃學威龍》、《國產凌凌漆》套套賣座,更成功打造周星馳為喜劇之王。與第一任妻子分開後,向華勝為外界所知的好友包括在永盛年代經常擔正女角的張敏,還有跟他拍拖六年的修身堂主席張玉珊,二人於04年分手。至於現任妻子端木櫻子,在內地經營煙草工具生意,擁過億資產,跟向華勝同是虔誠佛教徒。

華勝 北京 入院 一度 昏迷
PermaLink: https://articles.zkiz.com/?id=112588

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019