| ||||||
| 失 業率未知幾時見頂，但香港會計師公會今年1月，出咗份被指「倒米」嘅核數師加強監管諮詢文件，建議容許本地合資格核數師擴大至內地同胞。咁咪好易搶晒港人 飯碗？呢項諮詢今個月底到期，公會前會長、立法會會計界議員陳茂波早前率先發難，話今次諮詢建議好唔妥。公會行政總裁Winnie張智媛噚日開記者會，話 至今收到50份回應，對於重新界定執業人士「通常居住地」擴大至祖國的建議，有11份贊成、8份反對。 佢話公會徵詢過法律意見，律師回覆，係要成為香港居 民要達到「一年6個月在香港」嘅標準。咁計法，公會好可能維持原有做法不變──即係繼續保住香港業界利益，但Winnie就點都唔認係因香港業界反對而 「縮沙」。佢又派定心丸，話雖然06年起已容許內地會計師投考香港執業試，但暫時都唔夠10個人成功，證明香港入行門檻極高。至於陳茂波批評修訂以公司而 非個人名義簽署審計報告，無助加強監控水平，Winnie就企硬話一定得。公司註冊費問題，佢話公會正就全面檢討各項收費標準，唔使擔心。 | ||||||
| ||||||
| 中 午宴會，遇上賓架C，講起馬會遴選會員洪承禧，到了古稀之年，因收取金錢而推薦別人入馬會，罪成入獄兩年，不勝欷歔。賓架C識得洪先生，大家曾經談過生 意，發夢都諗唔到呢位前九倉高層竟會如此下場。賓架C話：「大家留番個錢先至步入人生冬季，咁就會好啲！」留幾多錢先至夠？賓架C話：「好難講嘅，打工仔 無論幾高級都好，最緊要理智清醒，知道自己唔係富豪，無論薪水幾優厚，在職時用慣公司錢旅行、宴客，退休後就要知慳識儉，降低一格嘞，唔通公司畀你十三萬 元坐頭等飛機來回紐約，你覺得好舒服，退休後竟然一樣坐頭等機去紐約咩？去多幾次你已經浪費成年嘅生活費！」 最怕係由儉入奢易，由奢入儉難，左丁山自己要 有兩年調整期，先至適應到離開私募基金後，出外冇商務機位坐。某年去北京，坐頭等艙，感覺非常良好，公司找數，更加過癮。o依家見吓機票價錢就已經下定决 心在經濟艙擠逼一番。賓架C講得好啱，高級打工仔若非因擁有股票認購權而得到幾千萬以至幾億元，好似霍大班咁，當然驚都未驚過，否則千萬要收歛收歛。問賓 架C：「你成日上大陸，話得吓事，有冇人願意畀你退休金，做吓富豪呀？」賓架C話：「唔怕坐監嘅話，幾乎日日都有人話送我一大筆退休金！最近有人自稱係某 市高層，知道我哋在某市向企業追債，佢叫我將筆債以二折價錢賣畀佢，由佢去收，但我行（銀行）要預支一筆活動費畀佢，銀行答應嘅話，收債成功後，佢與我私 人對分。 嘩，計吓數，筆債有二千萬，我哋早已撥備，以二折出售，收番四百萬，可列入盈利，本來有得傾嘅，但呢位仁兄要我講掂銀行預支畀佢一百萬做活動費， 實則係呃錢鬆人啫，你估我哋打開道門派錢嘅咩，睬佢都多餘！」左丁山故意問：「你有冇計過自己可以分到幾多呀？」賓架C話：「當然有，如果佢真係收番二千 萬，實賺千六萬，分一半即係八百萬元畀我，夠晒肥，但會好快在內地或本港坐監，英名盡喪，如果我要做呢啲事，使乜等到二十一世紀先至郁手？內地人搵你做呢 類事，千祈咪制，日日都有人打電話嚟銀行話有辦法搞掂乜，搞掂物o架，信一成再打五折都嫌多！」 | ||||||
| ||||||
| 因為有補習天王官司新聞，先知道補習天王可以月入一百萬元，追得上一啲專科醫生，但醫生多數係會考尖子，補習天王只係D級學生加大學三級榮譽，能夠賺咁多錢，實在係收入與讀書成績不相稱。當然，商場富豪級人馬使乜大學畢業吖，但補習算係教師之另類，教師唔係要靠讀書嘅咩？ 點 解收入咁高？原來天王可與補習學校六四分賬，補習月費四百元，扣除10%行政費，餘下三百六十元之六成即係二百一十六元，有五千名學生，便可以月入一百零 八萬元。點解有咁多學生，拜科技所賜啦，靠影音上課吖嘛！諗諗吓，諗到呢啲賺錢辦法嘅，實在係一流頭腦企業家，睇準本地教育提供之商機，抵佢哋發達。 每 個月交補習費四百元，學生一學年支出三千六百至四千元，家長願意畀，好似冇人去過消委會投訴過補習費太貴噃，而且四百元只係補一科英文啫喎，補齊中英數理 化嘅話，條數咪好襟計？可以係千幾二千蚊一個月嘅噃！足證香港家長但求子女會考成績好，升上大學，用錢一於冇計。但矛盾嘅係，做乜每年消委會都出個報告， 話教科書太貴？買齊一學年嘅書，由二千幾到三千幾，平均三百蚊一個月好未？與補習費相比，算係乜錢，啲家長點會投訴呀！或說有人畀唔起噃？哈，書簿津貼費 正係為咗幫助基層家長嘅。有錢送子女去畀補習天王們補習兩三科嘅，千祈唔好申請書簿津貼。此外，家長送子女學鋼琴、學小提琴、學長笛、學芭蕾、學劍擊、學 跆拳道、學網球，每個月又要幾多錢？最好有個調查機構做一次研究，睇吓一位學生之每月總支出係幾多，百分比分配如何？ 做齊 課餘之補習與學習，有錢仔女咪好着數？讀書成績一定好過清貧兒童啦。表面睇，的確如此，是故教育界時興講甚麼divide，例如digital divide（數碼鴻溝），但我哋睇吓每年之會考高考尖子訪問，發覺基層子弟不在少數，事實係：事在人為，如果教科書質素好，淨係勤力去讀教科書都可以考 試得到幾科A嘅，有錢學生唔會有壓倒性優勢！ | ||||||
| ||||||
| 繼 本周初申洲國際（2313）忽然彈出之後，昨日輪到福田實業（420）發威，股價單日急升15%，收報0.98元，過去5個交易日已經累積升了42%。紡 織股翻身，似乎不是單一公司有資金追捧，而是整個行業的基本因素發生變化。福田過去多年盈利穩定，可是08年度（8月年結）忽然勁蝕3.96億元，逾半來 自縮減廠房規模帶來的支出，而截至09年2月底止半年，仍虧損1.66億元，期內剛好是海嘯後惡劣時期，產量縮減兼需求下降。為應對海外定單減少，集團已 轉向內需市場，上半年度內銷營業額增59%，至3.6億元，惟只佔銷售總額14.5%，仍有發展空間。福田最大問題還是負債過高，2月底福田淨借貸 16.62億元，淨借貸比率73%，幸好最近已籌組4.5億元的4.25年期貸款，有助解決周轉問題。 成交異動值得留意 棉 花 價格下跌，毛利上升，可能是成衣及紡織生產商受追捧的真正原因。搵仍未大升的相關股份，可吼聯泰控股（311），股價仍在近兩年低位徘徊，由於近日成交激 增，或有資金部署炒落後。聯泰管理層月前表示，集團截至今年5月底的業務表現與去年同期相比保持平穩，並指最近兩至三個月的廠房使用率為80%至90%， 「返單」持續，廠房使用率有望進一步提升。聯泰去年營業額升3.9%至8.32億美元，溢利跌5.5%至1183萬美元，每股盈利1.2美仙，末期息 0.145美仙，昨日收市價0.57元，往績PE僅6倍，息率5厘，兼且賬面值低至0.32倍，還有地皮升值因素未計，有心發掘有潛質大升的工業股，要趁 未炒前儲定貨。 歐陽風 | ||||||
http://hk.myblog.yahoo.com/lynch200705/article?mid=2548 《明報》 2008/11/26 年 薪動輒可以千萬元計的投資銀行家，近年成為不少年輕人的奮鬥目標，不過經歷金融海嘯後，投行神話破滅，更被視為信貸危機的始作俑者之一，投資銀行幾乎成為 貪婪的同義詞。恒隆集團(00010)主席陳啓宗，昨日也「落井下石」，公開說：「我其實最看不起投行的人，我們公司從不請從投行來的。我還讓兒子千萬別 入投行，如果有女兒的話，我都會叫她千萬別嫁給投行的人。」 香港理工大學昨日舉辦的中國經濟發展論壇上，中港兩地學者及公司管理層競相嘲諷投行人士。其中，又以陳啟宗言論最激烈，他將四處流竄的金融資本比作瘋狗，讓與會者出招，看該如何控制。 內 地銀河證券首席經濟學家左小蕾則指投行運作模式脆弱，「賺錢第一，不計後果」，人家是「君子愛財，取之有道」，投行則是「土匪愛財，打家劫舍」。她認為， 金融資本湧入商品市場，令其價格脫離供求關係基礎，永遠無法達至平衡，而那些「助紂為虐的分析報告」，更是在背後「推波助瀾」。至於那些迷你債券的銷售行 為，她將之等同於欺詐，「那些買家已經付出代價，吃了教訓，始作俑者的銷售商更應受罰」。 陳啓宗看投行看不過眼，但如今世道差，投行減花紅，陳指恒隆執董薪酬亦「凍過水」，要減薪。至於普通員工花紅是否縮水，則要到時再看。不過，危中自有機，恒隆如今手頭現金大把，陳表示是時機展開收購計劃。當被問及本地樓市何時才會回暖時，他笑笑答，「明年尾再問我這個問題吧」。 陳啟宗：房地產商 我不尊敬 資金集中地產商 《明報》 2008/9/5 華 資地產五虎之一恒隆地產(00101)，其董事長陳啓宗昨日出席論壇時，頗有先天下之憂而憂的氣節，對香港整體經濟發展評頭品足一番。演講中，陳啓宗恨鐵 不成鋼，居然冷嘲自家所處的房地產業，陳以普通話說：「香港大部分的錢在誰手上呢？很可惜，都在地產商的手上。」最後竟語「房地產商吧，在我個人的看法裏 面，是我不太尊敬的。」 經營地產 只須時機 香港房地產資金獨大，陳啟宗自嘲，地產是最本土化的、地域性最強的生意；這麽多年來，管理一直都不是太重要。只要抓住市場脈搏，將買地賣樓這兩個時間搞對了就行，加上「供應」永遠追不上「需求」，管理也不太重要。 陳 啟宗昨天出席一個名為《奧運後兩岸三地發展契機》論壇上，分析了香港當前形勢：其一，香港缺乏有國際競爭力的公司。陳說，香港有諸如100多年的匯豐銀 行，於香港起家，但現在總部和主要管理人員都撤離香港；其餘剩下的像創科、德昌等，基本上都屬於比較小的行業。其二，陳認為，香港的優勢正慢慢消失。他不認同內地官員標榜內地市場促進香港發展的說法，他表示，不是內地市場不好，但從歷史角度而言，正因為香港有選擇，所以沒有台灣的破釜沉舟之志，打造出今日高科技地位的成就。 港如只剩金融業 優勢難持久 當前，香港的製造業，甚至專業人士都慢慢北移。陳啓宗半開玩笑地說，香港於剩下的金融業仍有優勢，但預料不能長遠維持，特別是有些是可以離開香港的，例如私募基金，可能最終都會撤出香港，轉戰內地。陳啓宗說，中國內地最大的優勢是市場龐大，並可愈做愈大的。在他看來，30萬「海歸」回國是很大的動力。不過陳告誡，由於內地監管制度和官員都未經過市場的洗禮，內地市場存有潛在風險。 2008-11-26 AppleDaily | ||||||
華 爾街嘅投資銀行家被指因為放肆貪婪，搞到全球金融市場一鑊熟，所謂人神共憤，恒隆地產（101）主席朗尼．陳啓宗亦係其中之一。佢噚日出席理工大學舉行嘅 中國經濟發展論壇，完全流露佢對呢班i-banker嘅一貫睇法──冇乜好感。佢話公司從來唔請投資銀行家，亦叫個仔唔好做投資銀行；仲話如果有女，都會 叫佢唔好嫁畀投資銀行家；而i-banker設計嘅衍生工具產品，就好似瘋狗一樣，到處亂走。 賺到盡 冇下次 問佢大市係咪到 底，佢話識答嘅人肯定呃你；陳啓宗認為掌握到大方向已經唔錯，無謂一定要撈底或者摸頂。好似已經去世嘅華懋前主席王德輝，一世人精打細算，想話摸頂將華懋 上市，點知試過3次都唔成功，因為大市3次上到頂峯就迅速滑落，結果華懋至今都未上市。講番自己公司恒隆，朗尼陳話重點係要摸清大方向，恒隆過去十幾年買 地成績都唔差，賣樓亦靠近頂點出貨。不過佢話如果吓吓摸頂出貨，唔留番啲水位畀人賺，邊個仲會幫襯你？總結金融海嘯嘅經驗，佢亦有獨到見解，話現階段爆發 金融海嘯，對中國嚟講可算係良機，祖國國運都算好，因為若喺5年前發生，中國亦冇國力喺國際上有發言權；若遲5年發生，資本賬有更大開放，所受打擊會更 大。 國運好 避海嘯 朗尼陳仲話，大家所追求嘅價值亦要好好三思，以免再搞出金融海嘯同毒奶粉事件；對於私人投資基金同對冲基 金要好好管制，「賺咗就要畀20%佣，輸咗就你啃晒！」佢又預期美元、歐元同人民幣將會係未來3大國際貨幣。講到尾，最重要係中國人自強，因為呢個時刻冇 人幫到你。李華華[email protected] | ||||||