中環在線：汽車股高層上網識女仔 李華華
2008-03-12 AppleDaily
徵 友網頁嘅出現，除咗可以幫各位網友搵番個傾訴對象，仲間接撮合咗唔少單身男女。可能你覺得，呢樣嘢只係年輕人嘅玩意，但聽聞，某個已經離婚嘅汽車股高層， 都有喺內地一個好受歡迎嘅網站度徵友！呢位高層喺徵友網頁度，好誠實咁講明已經離婚，從事金融業。冇錯！佢的確自稱從事金融業，咁上巿公司董事應該都持有 自己公司股票，又或者炒賣吓，所以都算係金融業，佢仲喺自我簡介度寫咗首情詩。來自金融界，又識得吟吓詩，可謂有文采又有錢財，但佢嘅要求又唔係好高咋 噃，佢話想結識「單身、三十至四十歲、身形嬌小」嘅女士。愛單身嬌小中女香港人工作忙碌，連休息時間都冇，喺忙碌過後，都好 希望返到屋企可以搵個人傾訴。呢位高層日理萬機，放咗工之後，都係個普通人，都會寂寞，都會凍。上網搵個人傾吓偈，亦都係一個解悶方法。華華希望呢位高層 唔單止可以搵到傾訴對象，仲可以搵到共度下半生嘅另一半啦！不過，就千祈咪學前排《壹週刊》個封面古仔主角。好記性嘅都應該有印象，某上市公司總裁鍾意上 網識女仔，本來虛擬世界談談情、說說愛，無傷大雅，但嗰位總裁趁去上海開會，順道去轉北京，同網上識到嘅「虛擬女友」嚟趟「實際溫馨」，咁都唔緊要，最衰 係呢位總裁工作太忙，溫馨完就音訊全無，搞到「虛擬女友」將件事對外宣揚。電郵：mailto:
[email protected]
中環在線：六福高層人工冠絕同行 李華華
2008-07-31 AppleDaily
美 元貶值，刺激金價狂升，今年3月每盎斯金價曾一度升穿1000蚊美金，最受惠當然係金行啦，公司生意好，高層嘅人工、花紅同佣金都和味啲。以港姐楊寶玲 sell客嘅六福（590）噚日出年報，08年度大賺3億幾銀，比前一年多59%，董事局總薪酬亦有兩成三升幅，達3081萬銀，佔盈利近一成（見表）， 當中單係CEO黃偉常就有2276萬薪酬，人工上升23%，其佔董事局總薪酬約七成，佢嘅薪酬仲係其餘4隻金行股中，得最多人工嘅高層o忝，認真犀利。 不過華華睇番5隻金行股中，論董事局薪酬總開支佔盈利比重最高嘅唔係六福，而係謝瑞麟（417），08年度佢嘅盈利有9924萬銀，較上個年度增長八成， 雖然謝瑞麟董事局薪酬總支出較上年減少約5%，但董事局開支仍佔盈利比重高達18%。喺謝瑞麟中得最高人工嘅唔係CEO黃岳永，而係被判咗罪嘅謝瑞麟囝 囝謝達峰，咗700幾萬銀，佔咗董事總薪酬四成。
周生生董事薪酬支出低
講到最賺錢嘅金行股係周生生（116），盈利有5億 幾銀，增長七成多，雖然公司賺咁多，董事總薪酬佔盈利嘅比重唔夠2%，班董事加埋只係攞977萬銀，較上年增加18%，而攞得最高人工嘅係集團總經理周永 成，咗299萬銀。至於就嚟改名做金至尊嘅恒豐金（870），就賺咗3億幾銀，比前一個年度多咗兩倍六，收最高人工嘅就梗係主席林世榮，佢攞咗829萬 銀，而董事總薪酬佔盈利比重5.4%。
金行股董事局薪酬佔盈利比重
謝瑞麟（417）董事總薪酬(萬港銀)：1743.7佔公 司盈利：17.6%六福（590）董事總薪酬(萬港銀)：3081.2佔公司盈利：9.8%恒豐金（870）董事總薪酬(萬港銀)：1637.1佔公司盈 利：5.4%景福（280）董事總薪酬(萬港銀)：345.3佔公司盈利：2.3%周生生（116）董事總薪酬(萬港銀)：976.7佔公司盈 利：1.9%註：以07至08年度年報計算資料來源：各上市公司年報
中環在線：萬科高層獎勵縮水
2008-08-25 AppleDaily
大 企業為激勵士氣，最實際莫過於畀獎金送股票，06年中，內地上市嘅內房股萬科，喺股東大會上通過股權激勵計劃。據《中國證券報》報道，萬科高層將收到06 年嘅獎勵股票，但價錢縮水超過七成，原因係萬科近半年股價急瀉，同舊年高位比，跌咗72%。據上個禮拜六萬科嘅公告，董事長王石同總裁郁亮分別有約522 萬股及366萬股萬科，以上個禮拜收報6.87蚊人仔計，分別價值3586萬同2514萬人仔。
同舊年24.69蚊高位比，大嗱嗱蒸發9302萬同 6522萬人仔，肉都赤埋。不過，06年股權獎勵有着落都算好，07年睇怕凍過水，因為呢個計劃要每年純利增長超過15%，公司平均股價更要高過舊年，家 陣市況咁，要萬科今年股價跑贏舊年，睇怕機會唔大。
中環在線：宜家高層唔肯去印度 李華華
2008-09-16 AppleDaily
中國同印度都係亞洲最主要新興大國，好多歐美企業嚟亞洲區搵供應商同採購基地，自然會比較吓兩個國家嘅優劣。
實地考察搞到call白車
中 國最出名嘅優勢係產業鏈完善，即使係豆膶咁細嘅地區，裏面都有齊製造商所需逾百種零部件，效率異常之高。不過北歐宜家傢俬嘅亞太區高層，就唔係為咗呢個原 因選擇中國做供應商。宜家喺中國嘅主要供應商之一捷豐家居（776），總經理鮑向前同華華講，當年宜家亞太區高層到印度實地考察，結果搞到要由救護車送入 醫院，因為食咗啲唔乾淨食物搞到肚瀉。宜家高層因此誓言5年內都唔會喺印度做採購，否則寧願辭職唔do。至於另一個新興市場越南，佢話今年爆發金融危機， 當地通脹率飛升，o依家仲高企喺28%，越南工資同內地工資都唔差得幾遠，所以始終都係中國生產好。
今日恢復掛牌瑞信抖出內情 蒙牛高層8月已知奶出事
2008-09-22 AppleDaily
【本報訊】蒙牛乳業飽受毒奶事件影響，上周五管理層會見傳媒及分析員後，仍未能釋除大眾疑慮。最令人震驚的是，瑞信昨日發表的研究報告指出，管理層上周五承認早在8月份已察覺異樣，由於缺乏三聚氰胺的詳盡資料，僅向地方政府報以進行測試，變相將責任推諉至政府身上。
記者：李培瑛梁德倫
蒙牛昨晚發表公告，計劃今日復牌。集團為毒奶事件以及對公眾造成不便致歉。集團又指，有關受污染的問題產品只屬少數，相信問題產品是個別不負責任的奶站及奶販的非法行為。現時蒙牛已對每批原料奶及出廠前的產品檢測，以確保產品不含三聚氰胺。
稱對五年內疾患負責
蒙牛已經安排回收問題產品，並會對五年內查出由此造成的疾患負責到底，並將按中國法規標準雙倍賠償。所有問題產品均只曾在中國分銷和出售，並已迅速回收，截至昨日，除問題產品外，並無回收任何其他產品。截至本周日，香港食物安全中心對在港有售的蒙牛液體奶的41項樣本進行檢測，結果表明全部不受污染。不過，本報上周委託化驗所的化驗結果顯示，一個在本港市場售賣的蒙牛高鈣低脂奶類飲品樣本，含有3ppm三聚氰胺。有分析員指出，蒙牛復牌後，股價隨即急挫50%亦不足為奇，小股東隨時蝕到入肉。證券界相信，毒奶事件對蒙牛影響深遠，市場信心盡失，估計今年至2010年盈利大幅倒退甚至見紅，大削其目標價51%至79%不等，評級亦急降至「沽售」、「減持」、「跑輸大市」等，其中摩根大通狠削其目標價79%至3.8元，較停牌前報20元，下跌空間高達81%。瑞信表示，毒奶事件將令蒙牛奶類產品銷量急跌至兩年前水平，估計蒙牛需要一次過撥備9.2億元人民幣，包括對受害者的賠償以及產品撇賬；又預期蒙牛今年業績見紅，估計蝕17.4億元人民幣。摩根士丹利估計，蒙牛第四季奶類產品需求大跌逾80%，最快至2012年才能回復07年水平。
8月時大股東曾配股
值得留意的是，蒙牛管理層在8月察覺異樣，巧合地由總裁牛根生擁有控股權的銀牛及金牛公司，選擇在公佈中期業績前約一個月，即8月1日，透過大摩進行配售舊股，每股淨配售價22.02元，套現淨額12.6億元，銀牛及金牛的持股量合共降至16.42%。
中環在線：微軟高層近億獎金 李華華
2008-09-29 AppleDaily
金 融海嘯蹂躪下，花旗華爾街瀰漫一片愁雲慘霧，唔少打工仔都擔心裁員、cut花紅，但愁雲背後，微軟高層仍然享受緊加州陽光，穩袋可觀薪酬，預計明年可得 近億美金獎金。據美國《西雅圖時報》報道，微軟上個禮拜四提交新修訂嘅高層獎金激勵計劃，一眾高層包括CEO巴爾默最多可以獲分相當於公司09年度營運收 入嘅0.35%作為獎金。根據微軟最新預測，公司09年度嘅營運收入將介乎263億至269億美金，按此計算，微軟高層最多可以攞到9415萬美金獎金。
不過，呢個激勵計劃設有獎金上限，每名高層每年最多只可以分到2000萬銀，而微軟嘅薪酬委員會亦會根據公司業績表現，決定係咪減少甚至取消獎金。所以微 軟高層唔係話蹺埋雙手白獎金，公司業績差隨時一個仙都冇。
中環在線：貝爾斯登華人高層劈炮 李華華
2008-10-03 AppleDaily
華 爾街金融機構經歷海嘯之後，一班專才雞飛狗走，高層大執位，轉工轉行嘅都有，貝爾斯登嘅華人前副董事長唐偉（Donald Tang），隨貝爾斯登被摩根大通接手，亦過檔摩通做董事總經理。不過，《華爾街日報》噚日得到摩通喺香港嘅發言人證實，唐偉已辭職，佢將離開投資銀行 界，自立門戶搞私募基金。一個華人喺華爾街闖出名堂，做到美國前第五大投資銀行貝爾斯登副董事長，當然猛料。唐偉仲得到貝爾斯登主席凱恩（James Cayne）提拔上位，上年10月，中信證券同貝爾斯登簽咗互換10億美元股權嘅協議，打算喺香港成立合營公司，若然成事，將會係內地首間踏足華爾街嘅證 券企業，呢單嘢就係由唐偉牽頭傾嘅。之不過，交易未成事已經刮海嘯，單嘢就不了了之。《華爾街日報》報道，唐偉近幾個月向身邊朋友提過，想自己搞間私募基 金，兼且會做埋顧問同銷售投資產品，至於有邊啲人做股東？報道只係話嚟自各國企業，開張日期都未定。
中環在線：蒙牛、伊利、光明高層上電視表演飲奶 李華華
2008-10-13 AppleDaily
企 業出事，唔係吓吓都要拖主席同全體高層出嚟集體道歉。要知萬一再有大事發生，到時仲可以搬個大啲嘅老細級出嚟。好似內地毒奶事件咁，搞到中港澳嘅BB同細 路集體生腎石，噚日內地三大奶企蒙牛（2319）、伊利同光明乳業高層上中央電視台節目《對話》，向全國人民道歉，兼做場飲奶show，三大企業都只係派 高層，老總欠奉。據《東方早報》報道，噚日出席央視節目嘅內地三大奶企高層，蒙牛總裁兼大股東牛根生並冇現身，只派出集團營銷總裁趙遠花出面，佢形容今次 嘅教訓，令內地乳品業由零開始，重新建立質量安全同恢復市場信心。當講到蒙牛喺呢次問題奶事件受到重創時，佢仲淚灑當場。
中國乳品業八級大地震
光 明就由總經理郭本恒解畫，佢義正詞嚴話，無論問題出喺邊度，內地乳品企業都要承擔根本責任。至於伊利，就由集團副總裁靳彪出馬，佢話為咗恢復消費者信心， 所有上架嘅產品都要先得到國家認證。內地三大奶企嘅代表形容今次事件，係中國乳品業一場八級大地震，據佢哋初步統計，損失高達兩億銀人仔。公司股價更被全 線震散，當中以蒙牛跌幅最甘，事件發生以嚟股價插水六成，跌至兩年半低位，伊利同光明股價則分別蒸發35%同11%。李華華
[email protected]
中環在線：中興通訊高層齊托股價 李華華
2008-10-30 AppleDaily
內地股市大崩盤，年初至今累積插水達67%，內地A股唔少上市公司紛紛回購股票托價，不過講到高層最齊心撐股價嘅公司，就非港深同時掛牌嘅中興通訊（763）莫屬。
涉資965萬人仔
中 興通訊噚日發出通告，董事長侯為貴聯同16位公司高層，包括總裁殷一民、14位副總裁同埋董事會秘書，分別喺今個月28同29號兩日，自扲荷包掃入 57.19萬股A股。通告冇講呢班高層買入嘅每股平均價係幾多，或者合共增持幾多銀碼，不過呢兩日平均16.87人仔收市價計，涉及金額約964.8萬人 仔，約1100萬港銀。當中最落力掃貨嘅高層，當然係董事長侯為貴，其次係總裁殷一民，佢哋分別買入20萬同10萬股中興，其餘高層嘅增持股份就介乎1萬 至3.15萬股。一班高層咁齊心托價，當然有回報，中興A股股價由禮拜一16.65蚊人仔低位，一度反彈4%，噚日收報17.01蚊，賬面微賺8萬銀人 仔。
中環在線：滙豐前高層「龐約翰累死滙控」李華華
|
|
滙控（005）供股，成為全城熱話，香港人至愛銀行搞到要向股東伸手，都係因為滙融拖累。噚日華華睇NOW財經台，見佢哋訪問滙豐銀行前副總經理Edwin劉智傑，話題離唔開滙控。
Edwin一向敢言，佢開晒名直指滙控前主席龐約翰改變咗公司過去嘅文化價值，跟咗美國嗰套，只追求短線利益。仲話家陣分拆上海滙豐銀行出嚟可能係唯一嘅出路，對股東最好。
華華睇完個訪問，即刻打電話問Edwin，佢話龐約翰令滙控變成美式文化，以賺錢為先。仲爆滙控曾經對一個貸款人，一年加3次息，佢冇講詳情，只係話滙控家陣嘅管理有問題，始終以前嘅英式管理有人情味啲。
至於點解突然出嚟講滙控，Edwin話希望提醒股東，唔可以盲目以為供咗股，股價就會升番上去，股東要睇埋公司嘅管理文化。
睇淡股價沽清光
佢 又話自己唔係因為離開後唔開心至出嚟講嘢，佢建議股東唔好加碼供股，最好沽正股去供股。至於佢之前亦揸住滙控，不過2000年底離開後就一路沽，家陣已經 冇貨喺手。對於滙控「變咗」，其實唔少老臣子都有開聲，好似之前滙豐前亞太區主席艾爾敦就話，滙控錯在冇將管理文化帶入美國滙融，但佢係傳統 gentleman，冇開名批評。李華華[email protected]
|
Next Page