中環在線：中興通訊高層齊托股價 李華華
2008-10-30 AppleDaily
內地股市大崩盤，年初至今累積插水達67%，內地A股唔少上市公司紛紛回購股票托價，不過講到高層最齊心撐股價嘅公司，就非港深同時掛牌嘅中興通訊（763）莫屬。
涉資965萬人仔
中 興通訊噚日發出通告，董事長侯為貴聯同16位公司高層，包括總裁殷一民、14位副總裁同埋董事會秘書，分別喺今個月28同29號兩日，自扲荷包掃入 57.19萬股A股。通告冇講呢班高層買入嘅每股平均價係幾多，或者合共增持幾多銀碼，不過呢兩日平均16.87人仔收市價計，涉及金額約964.8萬人 仔，約1100萬港銀。當中最落力掃貨嘅高層，當然係董事長侯為貴，其次係總裁殷一民，佢哋分別買入20萬同10萬股中興，其餘高層嘅增持股份就介乎1萬 至3.15萬股。一班高層咁齊心托價，當然有回報，中興A股股價由禮拜一16.65蚊人仔低位，一度反彈4%，噚日收報17.01蚊，賬面微賺8萬銀人 仔。