中環在線：萬科高層獎勵縮水
2008-08-25 AppleDaily
大 企業為激勵士氣，最實際莫過於畀獎金送股票，06年中，內地上市嘅內房股萬科，喺股東大會上通過股權激勵計劃。據《中國證券報》報道，萬科高層將收到06 年嘅獎勵股票，但價錢縮水超過七成，原因係萬科近半年股價急瀉，同舊年高位比，跌咗72%。據上個禮拜六萬科嘅公告，董事長王石同總裁郁亮分別有約522 萬股及366萬股萬科，以上個禮拜收報6.87蚊人仔計，分別價值3586萬同2514萬人仔。
同舊年24.69蚊高位比，大嗱嗱蒸發9302萬同 6522萬人仔，肉都赤埋。不過，06年股權獎勵有着落都算好，07年睇怕凍過水，因為呢個計劃要每年純利增長超過15%，公司平均股價更要高過舊年，家 陣市況咁，要萬科今年股價跑贏舊年，睇怕機會唔大。