📖 ZKIZ Archives

真是又食又拿... 假治不育淫人妻

1 : GS(14)@2011-10-20 22:09:33

http://hk.apple.nextmedia.com/te ... 104&art_id=15722256



自稱中醫師的吳玉華連基本的望聞問切也沒做，沒替記者把脈便急急叫記者趴上門旁一張簡陋的「按摩床」接受推拿治療。他劈頭便說：「你做過按摩推拿未？」記者答做過，他便聲稱擔心按摩太大力會擦傷，要求記者解去胸圍扣，但遭記者拒絕。他其後不斷嘗試觸碰記者敏感位置，但記者早有防範，一再以手阻擋，他重覆說：「唔使驚，我唔係摸你！」按摩時大門一直打開，只拉上鐵閘，到記者離開前，吳說：「好多女性周期有問題，乳房有硬塊，下次可以幫你檢查埋，乳頭下面個位最緊要，我一摸就知。」他又說，只要給他揉胸，癌組織就會被推散。
記者日前再找吳診症，假稱驗出子宮內有多顆水瘤，吳即說：「呢啲唔使把脈，我一望一摸就知！」他還指記者全身經絡不通，勸記者不要做手術，稱只要給他「通一通」，甚麼病也能治好：「你啲瘤喺子宮頸，用手咁樣入去，拉番子宮頸出嚟，咩事都冇！」他邊說邊舉起手指示範，還說自己每隔兩天便剪指甲，絕不會割損病人陰道。
2 : tom2288(5941)@2011-10-21 19:37:09

咁都得，係咪有人信嫁？？
3 : GS(14)@2011-10-22 14:09:03

即刻無野講
4 : GS(14)@2011-10-22 15:16:47

http://hk.apple.nextmedia.com/te ... 104&art_id=15725408
淫醫新聞昨日曝光後，大窩口邨街坊議論紛紛，報檔老闆賴小姐表示，她曾經幫襯吳玉華做推拿，還介紹了多名親戚好友給他。
賴小姐看報道得知吳的淫行後大感愕然，痛斥無恥：「佢幫我推油咋，冇話呢啲嘢，不過睇完報道都唔敢再幫襯。」
記者昨早到大窩口邨吳某與太太同住的單位，以及同層另一間闢作「診療室」的單位了解，發現兩單位均重門深鎖、無人應門。至昨午 2時許，原本預約吳玉華接受治療的女病人亦無現身，記者在單位外等候，不見有任何病人求診。吳某銷聲匿迹，似是「潛水」暫避風頭。
記者又到淫醫經常打躉的大窩口邨附近一間酒店巡視，女侍應表示昨日未見吳醫師蹤影：「佢今日冇嚟。」另一名女侍應拿着《蘋果》的報道看後，嚇得目瞪口呆︰「睇唔出，佢平時都好正經㗎！」
自稱以祖傳秘技行醫 40年的吳玉華，以無稽藉口專呃已婚人妻，被《蘋果》記者放蛇踢爆淫行後，卻拿出家傳假陽具，辯稱沒有與女病人「打真軍」。
5 : 龍生(798)@2011-10-22 15:35:40

蘋果衰還衰....但在以前, 真的沒有看見過這類新聞....
6 : GS(14)@2011-10-22 15:39:04

無野好寫
7 : 龍生(798)@2011-10-22 15:47:30

某個角度看, 單一事件計, 都叫做為民除害丫....
PermaLink: https://articles.zkiz.com/?id=276341

【拜年送乜好】籐織懷舊福籃　有得食又有得玩

1 : GS(14)@2017-01-22 02:18:03

新年到，總唔可以兩手空空去拜年，點都要買啲禮物見人。想得體有心思，但又唔想年年買曲奇、朱古力咁悶？今年你有新選擇！



長沙灣美樂士多重現7、80年代士多模樣，加上各式懷舊小食同玩具，喺網上開始多人留意。老闆趁新年推出賀年福籃，有得食又有得玩，要大家過個充滿童年回憶嘅肥年。福籃用籐編織，外面貼上用牛皮紙印製嘅士多宣傳招紙，籃蓋上更有一張「福到」揮春，外形真係有啲似細個阿媽個買餸籃啊！記者一打開福籃，在場同事見到裏面嘅糖果都表現非常興奮。糖果共九款：史密夫蜜瓜味軟糖、史密夫鳥結糖、白兔糖、蜜蜂糖、瑞士糖、甄誠記椰子糖、本地手工水果糖、金幣朱古力，以及紅瓜子。其中蜜瓜味軟糖最令記者驚喜：「竟然食得返，仍然係清甜好咬口！」如果大家怕麻煩，可以考慮買個福籃就填滿一個全盒。不過假如你唔鍾意甜食，呢個福籃只得一包紅瓜子，可能未必夠過口癮喇。福籃附送老闆設計嘅「美樂賀年棋」，大家拜年之餘仲可以玩餐飽。賀年棋嘅棋子同骰仔都係木製，摸上手幾有質感，真係有小時候康樂棋嘅味道。話明係為新年而設，棋盤設計就以粉紅色配粉紫色為主，裏內不乏賀年圖畫，例如煙花、炮竹、小朋友舞獅同家人團圓嘅畫面，而且畫風一樣充滿懷舊味道。玩過康樂棋都知道，行到某幾格就會有懲罰，呢副棋都一樣有！不過新年最緊要開心，懲罰最多都係「為親友表演一次」或「打電話向朋友拜年」，無傷大雅以和為貴，一家大細都玩得。要注意嘅係，棋子同骰仔都太細粒，家中有小朋友就要小心，避免小朋友不慎吞落肚。老闆Patrick講笑話，「希望大家拜年時，有個新嘅小玩意，但又不失傳統風味。」新年送禮定自用，抑或想同家人、朋友歡聚，今年就多一個既傳統又新穎嘅選擇。福籃$98一套（附送「美樂賀年棋」），詳情可到美樂士多facebook查詢。記者：黃凱婷攝影：黃子偉2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily


士多重現7、80年代士多模樣，仲有各式懷舊小食同玩具。

福籃用籐編織，外面貼上用牛皮紙印製嘅宣傳招紙，真係有啲似細個阿媽個買餸籃啊！

各款賀年食品，記者最驚喜嘅，係竟然食得返史密夫蜜瓜味軟糖，仍然係清甜好咬口！


「美樂賀年棋」，新年最緊要開心，懲罰最多都係「為親友表演一次」或「打電話向朋友拜年」，無傷大雅以和為貴，一家大細都玩得。要注意嘅係，棋子同骰仔都太細粒，家中有小朋友就要小心，避免小朋友不慎吞落肚。



來源: http://hk.apple.nextmedia.com/su ... t/20170121/19903826
PermaLink: https://articles.zkiz.com/?id=323593

【蘋果360°】深圳荔枝園直擊　又食又拎

1 : GS(14)@2017-06-23 01:44:26

5、6月初夏是荔枝當造季節，深圳因乾旱及暖冬關係，造成本地種植的荔枝失收，其市價飆升之餘，不少果園更停辦荔枝團。《蘋果》記者近日直擊深圳荔枝園慘況，妃子笑、桂味、糯米糍等歉收情況明顯，甚至有機會影響供港荔枝的價錢，不過，荔枝團團友一於少理果園歉收，繼續品嚐荔枝。《蘋果》VR睇片網址：http://applevr.appledaily.com.hk/section/NEWS/3370836/#lb3370836種荔枝超過30年的輝哥，在深圳光明新區擁有10多畝地、種植了100多棵荔枝樹，規模不算大。正因今年深圳荔枝收成普遍不理想，不少果園停辦荔枝團，輝哥是少有依然願意接團的園主。記者在其果園所見，園中種植妃子笑、糯米糍及桂味，理應果實纍纍的果樹，只有零星果實掛在樹上，在樹葉遮掩下果實若隱若現。輝哥表示，適合荔枝樹開花的溫度在攝氏17°C左右，但因去年冬天氣溫暖和，氣候過於乾旱，加上無回南風，令荔枝沒有預期般開花結果，導致今年收成欠佳，其中遲熟的糯米糍、桂味的產量與去年相比，他形容簡直是「天與地」，預計今年收成只有去年1/10，其中桂味去年有5,000、6,000斤，料今年只有500斤，他說：「深圳天氣越來越暖，溫度一年比一年增加，收成都係一年比一年差，絕對不會一年比一年好。」輝哥當日接待了一個30人荔枝團，收費每人53元人民幣(下同、約60港元)，可在園中任食荔枝，荔枝可買走每斤17元，全部團友來自一家深圳電子商務公司，他們在果園任摘任食當造的妃子笑，心情絲毫未因受果園歉收影響。有的團友一邊品嚐荔枝，一邊將荔枝放入膠袋準備買走。現場所見，有團友為摘荔枝使出渾身解數，甚至爬上幾米高的樹上，考團友膽量，驚險得讓人捏一把汗，連輝哥都要頻頻出聲提醒小心安全。電商職員張小姐表示，公司不少是外省員工，沒看過荔枝樹，所以過來看一看，又指雖然果實不多，但依然吃得盡興，對行程感到滿意。《蘋果》記者廖智廣伍嘉亮電腦用戶可選用Google Chrome瀏覽器，以滑鼠或方向鍵上下左右移動，360°欣賞片段。手機讀者，可率先下載全新《蘋果VR》程式，立即體驗壹傳媒集團旗下製作之所有360°影片及VR互動資訊：
iOS：https://itunes.apple.com/hk/app/ping-guovr/id1194504717?mt=8
Android：https://play.google.com/store/ap ... ledaily.apple360.hk




來源: http://hk.apple.nextmedia.com/international/art/20170619/20061210
PermaLink: https://articles.zkiz.com/?id=336441
Next Page
ZKIZ Archives @ 2019