無綫廚神李錦聯打女友被捕
1 :
GS(14)@2011-01-08 13:35:25http://hk.apple.nextmedia.com/te ... 104&art_id=14844168
【本報訊】「無綫廚神」李錦聯昨日在尖沙嘴其歌手女友邵敏婷住所內，疑因感情問題爭執，兩人扭打間同告受傷。其間邵女盛怒下以手提電腦飛擲李錦聯，李及時閃避，電腦穿窗而出從七樓直墮街上，幸無傷及途人。警方接報到場將兩人拘捕，兩人經送院敷治後無大礙，事後同獲准保釋候查。
女方擲手提電腦落街
現年 51歲的李錦聯（ Ben），是無綫電視午間婦女節目《都市閒情》的烹飪主持。其女友邵敏婷（ Rachel）現年 54歲，是酒廊歌女，也是一家娛樂公司負責人，家住尖沙嘴柯士甸路一幢大廈七樓一單位。記者昨日到訪查詢他們打架事件時，疑為邵敏婷的女子戴着太陽眼鏡應門。她否認李錦聯居住在上址，「呢度唔係佢屋企，佢同呢度冇關嘅」。女事主又要求記者留下名片，並說：「有機會見到佢至話畀佢聽啦。」記者其後致電李錦聯，手機則轉駁到留言信箱，直至深夜李錦聯一直沒有回覆。
事發在昨晨約 7時 50分，李與邵在單位內疑因感情問題發生口角，有人提出分手，越吵越烈之際，兩人大打出手扭作一團。李錦聯頸部被抓傷，邵敏婷則雙腿及手部受傷。其間邵疑怒極情緒失控，突然拿起家中的手提電腦飛擲向李錦聯，幸李及時閃開未被擲中，但電腦穿過窗門飛墮街上。電腦由七樓直墮地下，「嘭」的一聲碎片四濺，幸當時時間尚早，路上途人和汽車疏落，從天而降的電腦未有傷及人車。
警方接報到場調查，男女事主均表示受傷，經送院敷治後同被帶署調查。警方表示，暫以傷人罪拘捕二人，女事主更另涉高空擲物罪名，兩人事後獲准各以 2,000元保釋，本月底返署報到。
李錦聯畢業於皇仁書院，之後鑽研廚藝成為獨當一面的「廚神」， 90年代初加入無綫電視在婦女節目任烹飪主持，主要以西餐為主，不久便打出名堂，成為「師奶殺手」。至 95年李接拍三級色情片，其中與彭丹拍過床上戲，因而遭無綫解約，其正面形象亦大受影響。之後，李錦聯開設調味工場及推出「李錦雞」，大賣貴妃雞及乳鴿，生意不錯。直至幾年前李錦聯重返無綫繼續擔任烹飪節目主持。
邵敏婷則在酒廊唱歌多年，形象性感冶艷，曾與葉振棠等歌星北上做慈善籌款演唱。多年前與李錦聯認識後便迅速打得火熱。
不滿被指合股開「鼎李滷味」鼎爺勞氣 轟李錦聯抽水
1 :
GS(14)@2017-02-05 10:55:22■鼎爺昨日出席新春活動時，不滿李錦聯抽水事前未有通知他。
李家鼎與金剛昨日到屯門V City出席新春活動，兩人即席下廚整福袋及「撈起」。提到日前李錦聯笑指要與鼎爺開食肆「鼎李滷味」，他聞言即大爆不滿被抽水，鼎爺說：「黐線啦！佢抽我水，原本影張相冇所謂，點知佢爆呢啲嘢，我唔鍾意。兩個加埋都百幾歲，話佢又唔好意思，搞笑、搞gag冇所謂，不過我唔知呀嘛！有共識就冇問題，佢事前又冇同我講。」
■李錦聯，資料圖片
■鼎爺（右）在活動上教觀眾整賀年小食。
■金剛最近戒煙暴肥達206磅，但依然受歡迎。
開食肆嫌辛苦大壓力
原來抽水事件之後，鼎爺曾和李錦聯聯絡，他說：「過咗去啦！我有話佢有冇搞錯呀？佢自己都話係抽我水，唔講都講咗喇。」至於可有興趣開食肆？鼎爺笑謂：「何來巨款？唔會啦！好多人搵我合作，不過我冇答應，都要睇吓啱唔啱。如果自己搞，真係20％興趣都冇，好大壓力㗎！打和就辛苦，蝕就PK，真係要『鼎佢滷味』呀。」鼎爺早前曾表示不介意與楊思琦合作，昨日他再說：「如果公司安排，我冇所謂，我唔想打爛人飯碗，我唔鍾意咁樣。」
李錦聯：未問佢磅水
李錦聯昨日回覆本報笑說：「呢排鼎爺紅吖嘛，搵佢合作大家有着數，同佢係自己友，佢講乜咪由得佢囉，我?家做宣傳顧問，之前拍廣告，推出鮑魚餐『問李點鼎』，都係我欽點鼎爺一齊拍，咁我咪構思吓可唔可以同鼎爺開間『鼎李滷味』囉！話我抽水，我都未問佢磅水呀。」採訪：盧妹、王梓嫚攝影：陳俊強
來源:
http://hk.apple.nextmedia.com/entertainment/art/20170205/19918076