同袁偉豪兄弟情15載周柏豪：喜歡這朋友
1 :
GS(14)@2017-03-23 06:51:17袁偉豪自從同岑杏賢分手，一直公開講想復合，不過岑杏賢堅決分開，將佢降呢為朋友，現時回復單身嘅袁偉豪，多數約埋crazy runner同胡說八道成員相聚，早前佢同周柏豪拍大台新劇《使徒行者2》，原來佢哋兩個一直老友鬼鬼，識咗15年㗎喇!袁偉豪先喺Ig貼合照，留言：「2010，2017長大了，加油!」周柏豪其後亦貼相，寫道：「認識阿ben我估計有15年時間，上一次的合作是《我不要被你記住》舞台劇，想不到七年後能再次合作。感謝『使徒行者』團隊，這五個月經歷很多，學到很多，而我也太喜歡這一位朋友了袁偉豪。」隔咗7年嘅相，有網民慨嘆歲月不饒人，覺得袁偉豪多咗魚尾紋，另有網民笑「你哋髮型同步咗」，見佢哋由相似嘅髮型，仲換上「比比鳥」嘅all back頭，佢哋都一樣襯得到。昨早佢哋仲約埋一齊跑步，袁偉豪貼出一條片，預祝柏豪演唱會演出成功，又話柏豪因為要keep fit，見有涼涼哋，就一齊跑跑步!
來源:
http://hk.apple.nextmedia.com/entertainment/art/20170323/19967396