| ||||||
美 國紐約以世界第一金融中心自居,世界一流金融精英聽聞集中於華爾街大投資銀行之內,平時講慣公司管治、透明度、風險管理,監管力度嚴。香港就有不少評論員 吹噓,美國監管機構比香港好,所以美國冇雷曼迷你債事件,此當然係井底蛙之言,雷曼在美國發行咗不知幾咁多結構產品,只不過美國啲投資者搵律師打官司。冇 集體上街示威,亦冇美國國會議員代佢哋拍枱鬧銀行而已。好似呢次美國突然發生馬多夫(Bernard Madoff)大騙案,就夠晒匪夷所思,美國證監會監管如此鬆懈,會計師、核數師如此粗疏,美國證券監管制度簡直嚇死人,成班美國證監會高層應該全部炒 晒。香港有人讚美國證監打內幕交易夠快夠嚴,以美國為師,鬧香港證監唔做嘢。誰知道,美國證監會係成班盲佬,只見花草,不見大樹,竟然放生咗馬多夫咁耐。 馬多夫嘅手法,人人話係龐氏騙局(Ponzi Schemes)翻版。美國證監會網頁對Ponzi Schemes有一條註釋:Charles Ponzi呃投資者可以在九十天內賺到40%回報,喺一九二一年只用咗三個鐘頭就吸入一百萬美元。龐氏聲稱以呢筆錢投資外國郵政票據,賺取息差及外滙,其 實佢只買入咗三十美元而已!美國證監會話呢個係rob-Peter-to-pay-Paul原則,用新投資者注入嘅銀紙去為早期投資者提供可觀回報。金融 海嘯話係百年一遇,馬多夫騙局亦算百年一遇(雖然咁多年來類似騙案層出不窮),奇怪之處係呢類騙局專呃無投資知識之人,馬多夫騙局就黃皮樹了哥,唔熟唔 食。受馬多夫騙錢嘅,包括法國巴黎銀行、桑坦德銀行、野村國際、慈善基金等等,涉及五百億美元。咁多大人物、大銀行、大富豪何解如此無知,懵然集體受騙? 正是一字記之曰貪,貪字變貧,一啲年老退休人士被騙一千萬美元,全部瓜清。此外,馬多夫憑個人名氣在高爾夫球會及鄉村俱樂部私下賣基金,富翁盡墮老千局, 唔好以為上流人物就係好人叻人,佢哋之中不乏豺狼與笨羊,香港Accumulator之殺到富豪片甲不留,亦可作如是觀。 |
| |||||||||||||||||
| ||||||
喺 現金為王嘅今日,坐擁46億盈餘嘅證監會,仲未肯將呢筆「巨資」退還畀市場,仲繼續按佢哋目標將筆錢用喺投資者教育度。噚日,佢哋「第二屆投資智叻闖三關 ─終極爭霸戰」搞咗個頒獎禮,冠亞季軍分別獲現金獎3萬、1萬同5000蚊, 唔單止咁,證監會由今日起仲換過首廣告歌,曲係黎小田32年前作嘅《問我》, 詞就換過晒,大家可以先睹為快:「問我基金價格幾多,問我孖展幾許風波,我如何能夠一一去搞清楚。問我點解會高興,究竟點解要苦楚,要記住投資風險必須要 問過。無論個市有百般對,或者千般錯,投資本來幻變多,面對世界轉變,逆市要如何,投資先要溫功課。明智投資,學『問』為先。」搵首阿媽年代嘅金曲去宣傳 掂唔掂,華華就唔知,但估佢都係因為歌名貼題,唔識投資就問多啲囉。首歌唔係由著名歌星唱,咁唔使得佢幾多錢,證監會傳統一向慳家,按佢哋燒銀紙速度,如 果46億銀用晒嚟做投資者教育計劃,睇怕點都夠用100年。 | ||||||
2009-03-11 AppleDaily
| ||||||
金 融海嘯令港人投資損手爛腳,怕且為免再爆迷債風波,證監會即時未雨綢繆,加強投資者教育,破天荒咁特約贊助TVB製作互動式遊戲節目《財智達人》,由出名 精打細算、但都變大閘蟹嘅嘟姐鄭裕玲主持,下星期一晚十點半首播,暫時只得十集。華華聽講證監今次贊助過百萬銀,咁計落一集都好揦脷喎。 贊助TVB搞遊戲節目 證 監發言人話節目分兩部份,先有短片嘅是非題,再到個案式探討,每集有4名藝員同50名現場觀眾參與,考吓大家對期指、窩輪同股票嘅認識,最後就由證券界專 家同學者解畫,已有李香琴、薛家燕、伍衞國、鄧梓峰同鍾嘉欣上台挑戰。獎金只得藝員有份,終極勝出可揀42隻恒指成份股嘅其中一隻,然後以當日股價再乘股 數,換取相關價值嘅禮品,唔會派股票,形式都算幾新穎噃。 |
| ||||||
證 監會一直被認為是香港金融中心的守護者,就最近雷曼迷債、8號仔種票風波、一業兩管等問題,顯示一群薪高糧準的「半官方」打工仔,行徑與政府高官無異。筆 者有朋友想在港成立基金公司,他說可能由於雷曼等事件,證監對牌照審批極審慎,由一般8至15星期,搞到差不多半年,朋友心急如焚但又無可奈何。另一位上 海的基金經理,一心考取香港相關牌照,準備在港成立基金公司,去年8月收到證監通知,因屬國內公民需中證監的同意書。周旋半年終取得相關文件,但金融市場 半年時間恍如隔世,到現在fund raising有困難,就如唐唐之言「吊吊fing」。奇怪的是,香港的業務跟中證監有何關係? 對中資畏首畏尾 證 監對香港上市公司十分大細超,一些中小企申請上市,受盡百般刁難,國內公司就相對寬鬆,上海首富借殼上市、黃光裕的國美,貪污舞弊牽連甚廣,就連浙江省委 書記都涉案,證監在其上市時做過怎樣的due diligence(盡職審查)?又對其保薦人、核數師等有甚麼的跟進行動?當然,我們不期望證監會是金田一,只希望他們可保障小股東權益,採取同一尺 度,對待「阿爺」背景的公司,在內部交易又或中信事件反應迅速一點。97後,香港官員往往未能對國內官員「硬起來」,據理力爭,反而畏首畏尾,不停要「着 數」,人必自侮,然後人侮之。Uncle [email protected] |