|
||||||
|
九肚山係新界最 著名豪宅地段，樓價零舍貴過人，貴起嚟係有理由嘅，與其他新界豪宅獨立屋相比，九肚山勝過康樂園及大埔一帶，數吓手指就有幾個優勝之處：（一）最接近市 區，尤其是尖山隧道開放啟用後，從九肚山揸車出市區就有四條隧道及大埔道可揀，唔怕獅隧塞車，由九肚山到國金四季酒店，只需二十分鐘；（二）落咗九肚山就 好快到馬會會所及馬場，方便之至；（三）位於山上，冇巴士行走，最為寧靜；（四）因位於山峯，空氣較佳，比較凉快，山邊有吐露港景色。 唔係為九肚山賣廣告，左丁山自從錯失一次極低價買入九肚山獨立屋嘅機會之後，蘇州過後冇艇搭，已不敢奢望搬上山，但特區政府嘅地政規劃確係令人喪氣，都唔知搞乜鬼，唔通啲問責局長輪流發儍，卒之輪到好打得嘅發展局長林鄭月娥？ 地 政總署宣佈八月九日賣九肚山一幅地皮（住宅乙類），有二十四萬八千幾平方呎，地積比率四點一五六倍，可建樓面面積一百○三萬一千幾平方呎，但有特別條件， 就係限建至少九百七十個單位。嘩，九肚山係低密度住宅區，以獨立屋為主，點解突然間有一幅地皮要興建高樓大廈，與整個地區環境不協調，兼且可能有「屏風樓 效應」？傳媒界朋友陸振球在佢嘅明報專欄（七月四日）講得啱：大約每個單位二千呎，可建五百個單位，必定要建九百七十個單位嘅住宅嘅話，平均面積得番 1063平方呎，大過沙田第一城嘅大單位1018呎多啲啲，仲細過駿景園啲千一呎、千二呎，如果發展商將一啲單位計劃成特大特色單位三千零呎嘅話，餘下單 位咪得八百呎？點講得上係九肚山豪宅呀？
九肚山勝在冇巴士，如有大量中產入住，交通道路不勝負荷，將導致下山環迴處交通擠 塞（依家就好暢順），連累埋駿景園，加上人多咗就影響環境，九肚山嘅樓價難保唔會下跌！發展局做乜規劃呀？無端端將一個好住豪宅區加以破壞，如內有政治理 由，不如下次將山頂地皮限建最少一千個單位啦！林鄭局長大概認為九肚山有錢人唔會、唔敢上街示威抗議，又一定唔會瞓街阻止，㩒得就㩒嘞！ |
||||||