📖 ZKIZ Archives

中環在線：美聯太子女呻生意少咗

2008-08-21  AppleDaily




美 聯物業（1200）主席黃建業個千金黃靜怡（Angela），放棄咗國際會計師樓份工，今年3月正式加入美聯集團做執董後，可謂創意無限，經常搞搞新意思 為公司造勢。噚日美聯就搞咗個傳媒聯誼飯局，主席黃建業冇蒲頭，但上任幾個月嘅Angela，就百忙之中露一露面。城中熱話離唔開北京奧運，原來唔少北京 嘅商舖店主，為咗減少城內塞車同空氣污染情況，阻礙賽事進行，所以暫時停業。

Angela得知後講笑話：「唔怪之得集團近排喺北京嘅生意少咗。」識得玩自 嘲，有大將風範，連睇奧運都不忘生意，夠勤力。黃建業90年代曾經移居加拿大，聽Angela講，當年6歲喺加拿大已經跟住父母四圍睇樓巡舖。虎父無犬 女，大把機會大展拳腳。

中環在線：中原、美聯大陸齊收縮 李華華

2008-10-17  AppleDaily



自從中央舊年中加強調控，內地代理業已經陸續收縮甚至倒閉。加上最近嘅金融海嘯，更加係雪上加霜，各大代理行喺內地嘅規模都會再縮。

一 直喺中國市場做得唔錯嘅中原中國，最近進行全國性精簡人手，好似北京、上海、深圳同天津等，短期內都要cut一兩成人手同分行數目。佢哋華東區阿頭陸成 講，上海生意上半年都唔錯，但啱啱嗰3個月就要見紅，所以8月份開始準備瘦身，o依家諗住首階段到今個月底，將人手同分行減少成半，分別剩番約2700人 同160間，之後睇定啲再算。

另一個管華南區嘅阿頭賴國強話，舊年中已經開始做嘢，基本上過去一年暫時都有錢賺。因應今次海嘯，年底前深圳人手同分行會再減一成，分別剩2800人同140間；廣州就減一兩成，分別剩2000人同130間。

深圳人手分行削一成

根據資料，中原中國o依家喺內地大約800間分行、萬五個代理。佢哋舵手施永青話：「做到咪繼續做，做唔到咪壽終正寢囉。」

至於美聯集團（1200）同香港置業，都會收緊內地人手同分行，聽講短期內要削兩成。

中環在線：神秘炒家挑戰美聯老闆 李華華

2008-10-22  AppleDaily

近排樓市交投呆滯，除咗發展商頭痕，地產代理亦叫晒救命。作為唯一上市嘅本地物業代理美聯集團（1200），大老闆黃建業可謂內外受困，一方面要諗計谷生意，另一方面，更要提防大股東地位被神秘人取代。

股壇牛人持股8.5%

所 謂神秘人，係一個寶號叫梁向榮嘅人物，梁生上個禮拜三至禮拜五，斥資7427萬元，逆市狂掃2902.4萬股美聯，平均價大概每股2.56元。本來有人捧 場托起股價係好事，但佢嘅持股量由4.54%激增至8.5%，一躍成為美聯第四大股東；比起大股東兼主席黃建業嘅10.09%，只差1.59%或1108 萬股。華華問過好多代理朋友，都唔知道呢位梁生係乜水，反而叫華華起吓佢底，費事萬一改朝換代，對新老闆乜都唔知就弊傢伙。經過一番打探，原來梁向榮有香 港證券界「牛人」稱號，第一桶金亦由炒股開始，近一兩年至轉攻內地物業，去年初以7500萬銀買入廣東開平金僑城同華僑大廈，令佢聲名大噪。

炒股起家轉戰內地物業

梁 向榮50年代移居香港，70年代投身股海，之後設立咗香港向榮投資有限公司，兼出任董事長。梁氏為人低調，外界唔多清楚佢嘅實際財富，不過，梁生曾經喺一 個財經講座上晒命話：「若國家要培養我，至少要一個億」，由此可推算他縱橫港股幾十年間，所交學費相當昂貴。佢又透露最經典一役，賺到一個金僑城嘅價值， 即係幾千萬銀。今次大手增持美聯，是敵是友仲未知，不過肯定嘅係梁氏財技了得，以噚日美聯收報3.17元計，唔夠一個禮拜，佢增持嘅股份賬面已經賺咗 1770萬。李華華[email protected]

美聯神秘大股東起底

2008-10-30  NextMagazine


在地產業不景，股市狂瀉的亂世，一位名叫梁向榮的神秘男子，自本月中密密掃入美聯股份至一成二股權，超過主席黃建業手持約一成的股份，進身為美聯大股東。

這名神秘男子梁向榮，原名梁松輝，五十年代由開平到香港，七十年代靠炒股發跡，在證券行有「窩輪王」之稱，連他的前妻也驚嘆這位坐在家中全職炒股的奇人，能豪花一億四奪取上市公司美聯的控股權，令主席黃建業也被玩起。

對於突然爆出個神秘大股東，不少美聯高層都顯得莫名其妙，紛紛上網在搜尋器查閱資料。「我哋都係睇到港交所公布，先第一次聽聞梁向榮呢個人，其實佢係咩人呢？」一美聯管理層反過來向記者打探。

經 過多番追查，本刊終於揭開這名大股東的神秘面紗。祖籍開平，原名梁松輝的梁向榮，原來並非什麼大老闆，五十年代由大陸移民香港的他，只是一名全職炒股的六 十三歲阿伯。去年在一個於開平舉辦的投資理財講座上，曾夫子自道如何靠炒股賺取第一桶金。七十年代初，他將全副身家八千元，買入一隻名為宇宙船務（即現時 的蒙古能源）的股票，這隻經營船舶維修及運輸的公司只有一艘船，七二年八月以每股一元上市，梁向榮在八毫子時買入一萬股，股價同日上升到五元，令他短短一 日內大賺四萬多元。

據梁向榮的朋友表示，梁向榮只專注炒港股，開市時間多留在家中「睇實」股票機。以短炒為主的他，投資態度甚為進取：「佢 喺證券行中有窩輪王之稱，最愛高風險高槓桿投資，去年股市咁旺，相信佢都賺唔少。佢仲鍾意炒倫敦金，以前成日同人講佢睇好金市。」金價年初時曾突破一千美 元一盎司，現雖回落至七百多美元，但如果他早幾年已開始買金，高位時放售，相信已進賬不少。

衣錦還鄉豪捐千萬

對家鄉感情深厚的他，去年初便豪花七千五百萬人民幣，買入開平金僑城和華僑大廈兩幢物業收租。

梁 向榮在八兄弟姐妹中排行第三，小時候與家人居於廣東開平市馬崗鎮內的南北村，祖父梁紹頤原本是村內地主，四九年中國解放後，梁家所有的田地被政府沒收，全 家只能靠務農為生。現年七十七歲的開平人梁沃桓，曾是梁向榮的鄰居。他說：「佢八歲時偷過我嘅番薯！不過當時佢哋生活咁慘都無可厚非嘅。所以我有時都會俾 啲白米、番薯根接濟佢哋。」

由於梁伯對梁氏一家有「番薯之恩」，故梁向榮發達後，每次回鄉見到他都會給予數十至數千元飲茶錢。他多年來還捐了近千萬回鄉興建牌坊和辦學，單是今年春節，已豪花二百多萬向家鄉六十歲以上長者，派發三千到五千元大利是。

五十年代，梁向榮舉家由開平遷到廣州，其時梁父亦只靠賣小食及收賣爛銅爛鐵為生，只有中學二年級學歷的梁向榮，後來便與家人移居到香港。

現時梁向榮手上持有的物業，是市值約二千六百萬的天后柏景臺向海單位，物業在九一年以 四百多萬買入，現時並無按揭。記者上門找他，瞥見室內無甚裝修，空蕩蕩的大廳內只得兩張沙發櫈，表面看並不似大富之家。菲傭向屋內通傳後，隨即把大門關 上，狀甚神秘。記者於是留下字條表明想查詢他買入美聯股票事宜，一名女子隨後代梁向榮致電記者大罵：「唔該你哋下次有規有矩，唔好擅自走上嚟，呢方面我哋 無嘢講！」

夫妻分道揚鑣

梁向榮愛炒股，而○四年與他離婚，並分得七百六十萬現金及一個栢景臺單位作贍養費的前妻，則愛炒樓，自二千年起便與朋友夾份炒樓，八年來合共炒賣過五十多個物業，大多持貨數月即摸出，當中主攻九龍灣和將軍澳區住宅，歷年約賺取過一千萬元。

記 者找到梁向榮前妻Grace，她表示自己亦是透過報紙才知道前夫成為美聯大股東。對於有傳梁向榮有內地資金背景，她說：「我哋都係普通人，我唔覺佢喺大陸 有咩咁把炮有內地資金支持。一直以來，佢都全職炒股，喺呢方面無可否認佢係幾叻嘅，唔係都唔會單靠炒股就可以支撐成頭家啦。不過雖然佢係有啲錢，但之前幾 年佢都仲要供樓o架，我都好驚訝點解佢近呢兩、三年身家暴漲咗咁多，可以買到間上市公司嘅控股權。」

地產代理老行尊兼中原地產股東王文彥認 為，梁向榮大手買入美聯股份至獲得控股權，是一箭數鵰的做法：「黃建業去年趁市旺配售咗唔少股份套現，可能梁向榮見佢持股量得番一成，於是大手吸納，炒起 隻股，一心諗住搏黃建業要捍衞控股權就一定要增持，咁佢就可以賺一筆。如果黃建業無舉動，梁向榮用億幾銀就攞到間上市公司控股權，第時可以派人入董事局， 玩下財技都好划算。」

覬覦十億現金

但有前美聯高層認為，公司現金有十億元，因而引起梁向榮垂涎，但他分析梁向榮能成功狙擊黃 建業控股權的機會不大，「黃建業與其他基金股東的關係不錯，公司不時都會與基金開會溝通，而且要喺呢個行業領軍，領導能力好重要，唔係人人做到。」例如摩 根大通十月的持股量就由8.07%增持至9.03%，另一基金Marathon Asset Management也由7.78%增持至9.41%。

他 又認為在這次攻防戰中，黃建業的防守力十分強。「九八年時，黃建業同馮銳森（另一美聯創辦人）爭奪美聯控股權，最後黃建業引入陽明山莊太子爺，即僑福建設 主席黃建華，在市場上吸納美聯股份，成為繼黃、馮之外的第三大股東，兼進入董事局，並將原任副主席的馮銳森踢走。從呢一役證明，黃建業絕對唔係個容易認輸 嘅人。」

2008-10-30  HKET  黎煥成
黃建業增持美聯 重登最大股東

近日股市大起大落，美聯物業（01200）股價同樣波動甚大，昨日收市報2.7元，上升約13.9%。美聯物業因應聯交所要求發表聲明，表明不知上升原因。但披露公司主席黃建業近日曾增持股份達至13.03%，重登第一大股東地位。

股價昨急升逾13%

據了解，一名叫梁向榮的投資者，近期斥逾2億元，大手掃入大批美聯物業股票，截至10月23日，梁向榮持有8,840.6萬股，佔12.11%。為保持大股東地位，黃建業等於本周一股市最低迷的時間，以每股2至2.99元，增持2,123.8萬股，令持股量上升至達13.03%，重登第一大股東位置。

事實上，地產代理行業生態發生巨大改變，本地兩大地產代理集團先後裁員求存，利嘉閣董事總經理廖偉強表示，該公司原計劃每月減省資源10%，直至公司有 盈利為止，但是過去一個月由於市場不斷轉差，故過去一個月內該公司加大節流行動，一個月內裁員300人，削減約40間分行，即一個月減省30%資源。按目 前市況，公司截至年底前不會進一步裁員。

利嘉閣1個月削約40分行

另外，中原地產主席施永青昨日表示，中原地產至今年底，裁員潮會接近尾聲。又謂滙豐銀行收緊豪宅按揭成數，對地產代理業務沒有太大影響，但銀行推行該策略反而加快推跌樓市，並會對大部分擁有資產的市民造成更大損害。

他認為，香港原本銀行體系較美國更謹慎，地價亦非歷史新高，因此銀行無必要於樓市估值方面抱有太明顯的取態，反而應該跟隨大市而調整。他又指，現時香港樓價已下調，相信銀行收緊豪宅按揭後，樓價會再度下滑，但對入市的投資者反而影響不大，因這些投資者實力較強。
本週一，記者問黃建業會否擔心其持股量太低而被他人奪去公司控股權，他即說：「東亞（主席李國寶）都係得百分之二點八持股量咋！」問及現時地產代理行業進入嚴冬的看法，他隨即呻道：「而家啲人（員工）好難管，辛苦經營咗廿幾年，大圍氣氛都係咁差，今日（本週一）恒指都跌 咗千幾點啦！」說罷便上車絕塵而去。

---

---

---

2008-11-27  AppleDaily

美聯（1200）前副主席張錦成喺今個月中回歸美聯集團做顧問，一時間惹嚟各方猜測，市場傳聞話佢係神秘投資者梁向榮委派入美聯，甚至仲話背後有美聯創辦人之一馮銳森嘅支持。噚日華華搵到張錦成解畫，不過佢全部否認。 會落手落腳做嘢 佢 話一向同美聯主席黃建業有聯絡，咁啱一次講開話自己檔盈富物業大幅收縮後，冇乜世藝，黃建業即刻叫佢返美聯幫手，好快就傾妥條件。張錦成透露，雖則話係顧 問，但都要落手落腳做日常事務，好在佢同集團企業事務董事總經理葉潔儀、另一顧問黃錦康之前都合作過，所以都應該駕輕就熟，而今次任務，係令集團有競爭力 地適應市場環境喎。提到馮銳森，原來張錦成都一直同馮生有聯絡，仲爆料話馮生o依家日日食雪茄、飲紅酒、打高爾夫球同賽車，認真唔得閒。

股權爭奪戰引發美聯內訌

2008-12-11  NextMagazine

美 聯集團自從十月中被神秘人士梁向榮狙擊，並超越主席黃建業進身成為美聯大股東後，美聯內部即風起雲湧。繼舊將張錦成強勢回歸後，即有傳一向在前線領軍打仗 的集團執行董事兼行政總裁陳坤興被削權。近日本刊及美聯內部，更不約而同收到一封匿名信，矛頭直指陳坤興以家人名義買入鋪位，再高價租予美聯謀利。一場股權爭奪戰，漸漸演變成內部權力鬥爭，美聯正面臨一場內憂外患的危機。 美聯主席黃建業（右四）找來舊臣張錦成（右三）回巢，集團行政總裁陳坤興（右一）即被削權。本週二記者找黃建業回應人事變動一事，他說：「金融海嘯令經濟環境差咗，公司都需要人才整理方向及定位，張錦成做顧問可以提升港置競爭力。」（《蘋果日報》圖片）   十月至今，經過六次增持之後，梁向榮現共持有逾一成四美聯股權，而主席黃建業則只得約一成三，只能屈居做阿二。據悉，雖然近半年美聯已裁減三、四百名員工，但基金股東近月仍向黃建業不斷施壓，指美聯派息低、開源節流等優化措施進行得太慢，令他近月心情十分煩躁。 令 他頭痛的事又再添一樁。皆因本刊及美聯內部，同時收到一封匿名告密信，內容主要指控美聯行政總裁陳坤興，涉嫌以家人名義買入地鋪，再以高於市值的租金租予 美聯。涉及的物業，是美聯位於北角宏安道的地鋪，業主陳坤福及陳坤耀，正是陳坤興的兩名哥哥。二人在今年一月，透過美聯以九百八十萬元買入該個三百六十三 呎的地鋪，並旋即於三月以月租六萬元租予美聯，即是呎租一百六十五元。雖然這個鋪呈三角形大單邊，位置較好，但跟美聯一鋪之隔，去年尾起租的西餐廳地鋪， 四百八十呎的面積月租卻只需兩萬五，呎租僅五十二元。 記者到長沙灣魚類批發市場，找到在該處以永生貿易為寶號，開設鹹水魚及急凍海鮮批發生 意的陳坤福。他聲稱是陳坤興的四哥，聽到記者來意，他即大呻：「佢（陳坤興）負責住宅，我買賣工商鋪，我唔覺得有乜牽連囉！你睇我成盤生意，唔通我會買唔 起間鋪？我唔會因父之名，假借個名出去，用人哋嘅錢來買鋪！」 問到租金為何比附近地鋪高出兩倍，他理直氣壯地說：「租金嘅嘢，唔同時間有唔同睇法，市旺時就覺得值，而家出現公司裁員潮，如果個鋪而家先租出去，可能四萬都租唔到添！當時有間西餐廳想租，我叫五萬蚊，佢俾唔到，人哋（美聯）出六萬，唔通我唔租咩？」 對於被捲入事件當中，他晦氣道：「美聯內部有咩權力鬥爭，唔好牽連到我啦，如果再係咁，我以後買賣物業一定唔會搵美聯，費事煩呀！」 關連交易惹非議 而 事件主角陳坤興，他持有的一個半山些利街八百三十五呎地鋪，亦由美聯以九萬八千元租用，呎租一百一十七元，與附近利嘉閣的地鋪呎租相若。對於這些關連交 易，他緊張地在電話中向記者解畫：「我都聽聞過有封咁嘅信，不過我一早已經向公司申報咗利益。公司搵鋪係經當區嘅兩名主管推薦，再由兩名營業董事同兩名執 行董事簽名先可以通過，當中黃小姐（黃建業女兒黃靜怡）都有份批核，遞交嘅文件有晒估價部、測量師對附近店鋪租金嘅評估o架，都唔知邊個咁大整蠱。」 就匿名信一事，記者向美聯主席黃建業查詢，他先猶豫數秒，然後便說對事件不予置評，但又承認公司有部門正在了解事件，他又說：「我哋咁大間上市公司，做嘢一定有晒程序，又有審計部門，呢啲有申報就無問題啦！點會唔申報？我都會申報啦！」 美聯內憂外患   舊將回朝操刀瘦身 其 實早於匿名信之前，美聯內部已經出現爭櫈仔情況。上月中，美聯舊將張錦成回巢出任集團顧問，當時市傳張錦成由梁向榮委派入主美聯。對此，張錦成澄清說： 「我唔識梁向榮，喺我離開美聯嘅三年時間，同黃主席都有保持聯絡。今年第二季開始，我自己搞嘅盈富地產代理已經執咗好多分行，老闆見我得閒咪叫我返來做顧 問囉。」他又強調九八至○三年地產低潮時，美聯都可以安然渡過，是因為當時的優化計劃有成效，「今次老闆想我、葉潔儀（集團執行董事）同黃錦康（集團高級 執行董事）原班人馬再做多一次優化計劃，配合市況瘦身減肥。」 然而自從張錦成回歸，美聯住宅部主帥陳坤興的兵權隨即被削，原本由他管轄的港置變成由張錦成「睇檔」。「顧問可以好廣泛，銷售同管理層都可以接觸到。之前住宅、工商鋪、港置等統統由陳坤興負責，而家公司想將部分業務撥歸過來俾我。」張錦成說。 曾 效力美聯十八年的張錦成，○五年辭任執行董事兼副主席一職，翌年便與新界區董事黎偉強等人自立門戶，開設盈富地產。有傳當日他離開美聯時並不愉快。「以前 美聯一直由張錦成做代言人，出席公開場合接受記者訪問，高調到人人以為佢係美聯老闆。」業內人士說。有指一次張錦成與黃建業去酒樓食飯，有餐廳侍應問張錦 成：「張老闆，今日又同邊個手下來食飯呀？」因而惹來黃建業不滿。 大玩平衡術 「張錦成當年出走，帶走美聯新界區幾百名員工過 檔盈富，人數佔咗美聯新界區一半人手，真係唔明點解會搵一名叛將返嚟。」一名美聯員工說。坊間傳言，因為一山不能藏二虎，陳坤興和張錦成一向不咬弦。「早 年新地栢麗灣開售，見到發展商派貨時，做副主席揸庄嘅肥仔張攞到件貨，出俾九龍同新界區嘅同事，都唔出俾港島區嘅陳坤興。」一名地產代理回憶說。在對手行 家眼中，陳張二人性格截然不同：「張錦成斯文啲，做事較有紋路和講道理，陳坤興做嘢癲啲，較愛高壓式管治，例如有啲樓盤輸咗俾對手，佢會半夜兩、三點叫班 伙記出來鬧。」 「自從梁向榮做咗大股東，黃建業猜疑咗好多，甚至懷疑係一班前線員工發動兵變，聯手搵梁向榮做代表爭奪股權。」消息人士指。 據悉現時黃建業欲以文官克制武將，四月時便拉攏多次進出美聯，曾任美聯副董事總經理及經絡按揭主席的黃錦康回巢做顧問，到九月再升他為高級執行董事，年薪 過千萬。精於市場推廣及宣傳的黃錦康，曾協助聯交所前理事蔡陳葆心，成立由多間經紀行合作的網上交易平台「證券互聯通」；在經絡按揭工作時，又成功開拓轉 介按揭業務，因而深得黃建業器重，三年前曾與張錦成、簡松年律師等人，合組美聯「大顧問團」。 增聘近身壓兩頭馬 被美聯員工稱 為「中央主席辦公室主任」的他，入主後即增強宣傳部及公關部勢力，今年中更投放過千萬元為美聯炮製一輯獨角白馬廣告，寓意美聯一直強調內部監管，注重誠信 及專業操守。他還以太傅身份傍住太子女黃靜怡出席發布會。有美聯員工說，黃錦康一向主張以市場推廣來帶領前線銷售人員，認為只要建立好美聯這個品牌，就由 誰來領兵都無所謂，因此與陳坤興不咬弦。 至於以兩元八毫六仙的平均價買入美聯股份的梁向榮，至今仍在蝕錢，股價仍未返回家鄉。他透過秘書回 覆記者，指買入美聯股份主要是投資用途，亦已跟美聯拓展部聯絡人溝通過。「梁生以投資角度，睇住時勢，見抵就買，買賣股票好平常啫。」她又表示梁向榮私底 下並不認識張錦成，但就不評論會否參與管理美聯業務。 由梁向榮入股美聯，到如今演變成內部的爭權風波，在內憂外患夾攻之下，且看主席黃建業如何招架。

中環在線：美聯執位胡日發起身 李華華

2009-01-16  AppleDaily

美 聯集團（1200）呢排新聞多多，傳聞主席黃建業搵番Victor張錦成返嚟，係要重整權力架構。Victor回歸冇耐，集團高層即出現人事變動，子公司 香港置業噚日突然宣佈，行政總裁胡日發因私人理由即日辭任，佢個位就由執行董事李志成補上。胡日發突然離開港置，市場議論紛紛，華華唔敢揣測佢今次離職， 係咪同公司近期管理層變動有關。不過有消息話，成個美聯咁大，胡日發好大機會會調去其中一個部門，但邊個部門就未知。對於胡日發辭去港置行政總裁，張錦成 代表公司好感激佢過去6年多嘅貢獻，話喺佢領導下，令港置品牌不斷提升，實在功不可沒，公司都好尊重佢今次決定，相信唔會影響成間公司運作咁話。

中環在線：美聯賺大錢擲千萬搞盃賽 李華華

2010-11-16  AD

樓市旺爆，物業 代理發過豬頭，使錢梗係爽啲！好似美聯（1200）下個月搞嘅「2010年美聯集團盃賽馬日」，連廣告同贊助費使咗成千萬，出手係歷來最豪。既然公司搵咁 多，明年加幾多人工畀班手足？美聯高級執行董事黃錦康就將個波推返畀無現身嘅主席黃建業，不過就笑住口話明白員工心事……今次個盃賽，黃建業個乖女黃靜怡 好有心思，設計咗套純銀白馬雕刻袖口鈕，即日至下個月18日，送畀幫襯美聯嘅客仔同代理。 講返個樓市，黃錦康話就算官府嚟緊再出招都係啱 嘅，樓價咁升都唔係辦法，加埋呢兩年都升咗唔少，以今年為例，都升咗17%，明年應該會慢番，得番11%，新界樓最有炒落後潛力，升幅跑贏大市……係咪信 者得救？走着瞧喇！