祥嫂爆仲有個揼骨妹凸腩兆尊 坐叮叮呵正印
1 :
GS(14)@2016-10-28 06:24:16【溫柔撥髮】■鄧兆尊前日陪正印女友Carmen搭叮叮，在車上溫柔輕撥女方秀髮。
【跑馬地】慈善伶王新馬師曾（鄧永祥）的長子鄧兆尊於94年加入娛樂圈，拍過多部劇集和電影，雖然事業發展不及亡父新馬師曾，但繼承了逾億身家的他，風流性格亦與父親一樣。
■兆尊於大前年被拍得與Carmen（左）及車厘子三人行。資料圖片
陪睇醫生
祥哥生前曾有四任老婆，包括梅麗芳、梁添添、賽珍珠和洪金梅，而兆尊身邊有兩位紅顏知己，分別是拍拖十多年的圈外女友Carmen及前助手車厘子，三人行如魚得水，前日兆尊更陪Carmen到養和醫院掛號，表現體貼。前日下午約4時許，兆尊陪同居多年的Carmen現身跑馬地，已逃離娛樂圈的他街坊打扮零星味，加上已屆49歲腩凸凸，女友Carmen則戴口罩，兆尊搭着女友膊頭，邊行邊扯煙的他，行到養和醫院外時，乖乖丟掉煙頭才入內。他們去到門診部坐在一角，Carmen先去登記，兆尊都有站起身陪女友。兆尊與Carmen並肩而行去電車總站搭叮叮，上車後兆尊陪女友傾偈解悶，又幫女友除口罩及撥秀髮，表現溫柔甜蜜，難怪多年來可以三人行。本報致電給兆尊，他說：「女朋友唔舒服，有啲皮膚敏感，所以陪佢睇醫生啫。」
【肚腩凸現】■現年49歲的兆尊凸腩加一身街坊裝示人。
祥嫂 資料圖片
女友多多
御女有術的兆尊，緋聞女友多籮籮，01年拍處境劇《皆大歡喜》與陳彥行和鍾嘉欣傳緋聞，女優歐陽海璇則自爆與兆尊曾有一段情。與Carmen拍拖多年的兆尊，又跟安德尊爆出「雙尊爭子」，爭奪當時安德尊的助手車厘子，最後兆尊不但成功奪愛，自此更與Carmen和車厘子三人行。而與他反目的母親洪金梅，去年更怒爆兆尊還收埋一個揼骨妹做女友，關係七國咁亂。採訪、攝影：梁繼光、羅德光
來源:
http://hk.apple.nextmedia.com/entertainment/art/20161028/19814159
爆兆尊仲有個揼骨女友祥嫂評車厘子：傻夾戇
1 :
GS(14)@2016-10-28 06:24:17慈善伶王新馬師曾（鄧永祥）大仔鄧兆尊年近半百，有指佢坐擁逾億身家，係城中鑽石王老五，身邊有兩個女友相依10幾年，分別係正印Carmen同前助手車厘子。御女有術嘅鄧兆尊，同媽咪祥嫂嘅關係時好時壞。舊年11月，祥嫂就忽然開記招，力數四個仔女。祥嫂當日仲大爆大仔鄧兆尊，除咗有正印女友Carmen、車厘子兩個女友外，原來仲有個幫佢揼骨嘅女仔做女友。「一個叫Carmen，一個叫車厘子，呢個傻夾戇，佢嚟過同我拜年，另一個係揼骨，揼揼下就揼咗返嚟，唔使吓吓去骨場，佢又諗得到喎，唔知佢慳時間定慳腳力。」祥嫂仲話鄧兆尊曾經問過阿爺有幾多個老婆，祥嫂話：「我當時答佢話有5個，問佢想點，佢喺度笑，佢阿爺有個咁叻嘅仔幫佢養晒老婆，我問佢『你啲老婆邊個養』！」
來源:
http://hk.apple.nextmedia.com/entertainment/art/20161028/19815025
【親人反目】祥嫂一家爭產哄動
1 :
GS(14)@2016-10-29 13:20:30祥嫂
不少藝人因金錢與至親反目，最哄動是「祥嫂」洪金梅爭產風波，黃貫中亦曾發表「殺父宣言」。
祥嫂
粵劇名伶新馬師曾96年欲將永祥大廈轉到四子女名下，引爆祥嫂（左）與子女爭產風波，祥嫂力斥子女為紅衞兵。翌年祥哥病逝，祥嫂與子女打官司至2006年，祥嫂敗訴，但同年眾人離奇和好慶祝祥嫂生日，去年再度因財反目。
錢慧儀
錢慧儀嫁給富商馬清揚後，其父於1998年在女兒家門外跪地，要求取回買嘉兆臺的150萬首期，錢慧儀則向傳媒哭訴父母貪錢。直至2009年錢母病逝，錢慧儀始與父親冰釋前嫌。同年6月父親節前夕，錢慧儀與父有講有笑行街。
蔡少芬
蔡少芬於2000年大爆母親黃素梅因嗜賭而欠債，自己10年來耗盡積蓄及物業代母還債，甚至受大耳窿滋擾，精神面臨崩潰，一度想過自殺，表示無能力再代母還債，並宣佈與母脫離關係。直至2008年蔡少芬結婚時，母女關係和好。
黃貫中
2013年黃貫中忽然在微博控訴父親家暴，指父親曾用刀砍媽媽，現在還出手打他太太朱茵，因此忍無可忍的黃貫中警告父親說：「若你想再打我老母、我老婆，我怕自己會變自己的殺父仇人！」
來源:
http://hk.apple.nextmedia.com/entertainment/art/20161029/19815608
【豪門爭產】祥嫂同仔女反目
1 :
GS(14)@2017-02-18 00:51:22新馬師曾
趙世光離世引發三奶爭產，豪門家族的奪產風波時有聽聞。
新馬師曾
粵劇名伶新馬師曾鄧永祥97年病逝後發生爭產風波，更要對簿公堂，06年，祥嫂61歲壽宴，本與子女和好，惟到前年又再反目。
蒙民偉
已故「電飯煲大王」蒙民偉10年離世，前妻楊雪姬連同蒙倩兒等5名子女，向蒙遺孀王蓓芬興訟，入稟高院要求兩名受託人交出信興股權。
陳廷驊
已故南豐集團創辦人陳廷驊前妻楊福和於10年入禀，指女兒陳慧慧在分配陳廷驊的資產時未有計算升值。最後楊勝訴，法庭下令陳要賠償給母親，金額高達80億。
何鴻燊
賭王何鴻燊11年因產業分配，引發爭奪糾紛。經調停後，二房繼續掌管信德及新濠，三房保有原先獲分的澳娛股權，至於四太則取得澳博話事權。
來源:
http://hk.apple.nextmedia.com/entertainment/art/20170217/19930687
靈堂講家事揭一拖三有苦衷祥嫂爆喊：唔好挖苦兆尊
1 :
GS(14)@2017-02-26 13:24:04■祥嫂（右）拎着枴杖，由黃夏蕙陪同下現身靈堂。
鄧兆尊早前接受本報專訪，承認與三女友Carmen、車厘子（Cherry）及Claire戀事，享齊人之福，其母「祥嫂」洪金梅一直未有表態，昨日她撐着枴杖現身紅磡世界殯儀館，由黃夏蕙陪同到資深藝人魯芬喪禮，更大鬧靈堂講家事。
■祥嫂講到兆尊高調公開三女友有苦衷時，激動爆喊。
■兆尊早前50歲生日，三名紅顏同慶祝。資料圖片
■魯芬BB的家人昨日在世界殯儀館為她設靈，喪禮以佛教儀式舉行。
「個仔人見人愛」
祥嫂接受傳媒訪問時，起初平靜講與魯芬相處的軼事。當記者問到兆尊的感情事，祥嫂即顯得激動緊張，更叫記者憐惜她：「我個仔3個紅顏知己係好事，我個仔人見人愛，亦都係新馬仔個仔，其次手上又有……4個、6個都仲應該，仲後生，你哋唔好挖苦佢，要求你哋畀一分鐘友誼畀祥哥，好掛住佢哋，唔好纏擾我仔，令我個仔煩惱，佢唔習慣煩惱，煩我唔緊要。」
「唔好污辱伶王」
之後，祥嫂越講越激動，爆喊流涕講反話：「佢有苦衷，一拖一、一拖三，佢想入返嚟娛樂圈，兆尊，男仔睇到覺得你晒命，同澳門華哥比，天同地比，呢個係身體健康象徵，你有本事唔好俾女人囉囉嗦嗦，幾多個媽咪都支持你，最緊要應付得，唔好俾兄弟姊妹笑你。」祥嫂自言72歲不復當年，依然滔滔不絕，更反指自己錯，仔女唔曳，冇爭過家產：「生命好脆弱，唔好為我難過，我有勇氣講出嚟，唔敢講19年，由祥哥爭產唔敢講，我要顧全大局，終歸新馬仔家人，祥哥教我人過留名，唔好污辱伶王美譽。」祥嫂說畢喊住入靈堂，逗留了1小時後平復離開，而本報曾聯絡兆尊，於截稿時未有回覆。採訪：張俊銘攝影：仇志德
來源:
http://hk.apple.nextmedia.com/entertainment/art/20170226/19940306
【兩代風波】祥嫂鬥紅衞兵
1 :
GS(14)@2017-03-25 10:34:23幸福不是必然，父母子女之間的相處，多少亦要點緣份，因財失義、性格不合的兩代爭拗，在圈中屢見不鮮。
97年新馬司曾遺孀祥嫂洪金梅跟鄧兆尊為首的四名子女爭產，祥嫂以紅衞兵形容子女，到近年祥嫂跟子女的關係稍見緩和。
錢慧儀父下跪
前港姐錢慧儀跟父親錢志強為錢反目，98年老父在女兒寓所樓下下跪要求歸還150萬首期。雙方關係在多年後修好，可惜錢母稍後因病厭世。
劉家輝陷財困
11年劉家輝意外跌倒中風至半身癱瘓，第二任妻子跟子女被指甚少到醫院探望，又借機逼家輝轉讓物業，最後得樊亦敏相助解困及籌措生活費。
謝金燕別舞台
台灣電音天后謝金燕少女時代，母女二人被台灣藝人父親豬哥亮拋棄，長大成名後，豬哥亮多次以「要求父女相見」為炒作，至去年演唱會後，謝金燕不惜暫別舞台。
來源:
http://hk.apple.nextmedia.com/entertainment/art/20170325/19969034
祥嫂歡迎子女參與建館
1 :
GS(14)@2017-04-04 08:59:24■祥嫂（左）昨日以師母身份，與黃夏蕙出席祥哥徒弟的聯歡晚宴。
祥嫂洪金梅與黃夏蕙昨日傍晚6點又出動，今次兩人到尖沙嘴出席新馬師曾（祥哥）徒弟黎駿聲國際戲迷會聯歡晚宴。被問到有關祥哥藝術紀念館進展？她說：「正在進行中，建館都係第一次，認識好薄弱，要多方面朋友去協助。」問祥嫂落成後會否請子女來參觀？她說：「我哋冇嘢呀！歡迎佢哋參與建館嘅事。我啲仔女好有孝道㗎，以前嘅事已經過去喇。」問她和子女有否保持聯絡？她說：「你哋咁樣我又暈又腳軟㗎喇！終歸我讀書少，唔識回應。」夏蕙姨宣佈其慈善基金原定在本月15日有活動，但因請柬未印好，要延至7月8日舉行。採訪：黃曉妍攝影：沈健程
來源:
http://hk.apple.nextmedia.com/entertainment/art/20170403/19978142
會幫祥嫂籌建伶王紀念館兆尊論3紅顏：嗰啲係我老闆
1 :
GS(14)@2017-04-10 23:36:01■兆尊相隔八年再拍戲。
鄧兆尊、梁烈唯（唯唯）、曾淑雅（Jumbo）、董嘉儀（大埔Lulu）及陳健朗等日前於大角嘴拍攝網絡電影《失業皇帝2017》，劇情講述面對大集團逼遷，眾人穿上「血衫」抵抗。老闆向展邦亦特地到場探班，他表示一直很尊敬叔父向華勝，應將他的電影延續，展邦說：「睇新聞見到住籠屋嘅人好辛苦，我就諗起叔叔呢部《失業皇帝》，好貼合我哋想拍嘅題目。」
「跟官咁耐知性格」
兆尊相隔八年再拍戲，他說：「?家啲後生仔sharp醒，拍得特別快。」問到他的3位紅顏知己會否到場探班？兆尊笑說：「嗰啲係我老闆嚟㗎！佢哋好少嚟探班，唔知呀！可能夜啲啦！」到時會否請媽咪祥嫂睇首映？他表示這部戲只會在網上收看，自己亦不會教祥嫂上網睇：「後輩唔可以教前輩嘢㗎，要平輩教。」至於祥嫂要建「伶王新馬師曾藝術紀念館」，到時可會去參觀？兆尊謂：「嘩！你話參觀呀，梗係幫手啦，呢啲嘢要等祥嫂安排，你唔可以衝出去㗎！唔可以太過主動，跟官咁耐知官性格。」
唯唯獲提點戒囂張
在戲中飾演大集團二世祖的唯唯，因過於好勝而得罪人，及後因事故淪落住板間房，情節跟他被封為「負皮王」的打擊相似。唯唯直言不明白觀眾為何不喜歡他：「嗰時好唔開心，不過如果我冇經歷過，就唔會成長得咁快，可能當時唔係有心，但有時不自覺嘅態度、講嘢嘅語氣，令人覺得我好囂張。老婆成日都提我要低調、謙虛。」他坦言那次教訓非常深刻，感激在失意時有林盛斌及家人支持，他說：「經歷咗咁多，事業返番正軌，更加要努力。」此外，Jumbo表示戲中飾演社工，和唯唯有感情戲。採訪：黃曉妍攝影：仇志德
■兆尊表示3位紅顏知己甚少到片場探班。資料圖片
■曾淑雅拍網絡電影《失業皇帝》時，獲老闆向展邦到場探班。
來源:
http://hk.apple.nextmedia.com/entertainment/art/20170410/19985171
EYT擅演祥嫂 情緒病折磨離無綫馬小靈痛憶 子女掃走抑鬱病
1 :
GS(14)@2017-05-13 02:04:11■馬小靈曾兩度患抑鬱症，病情嚴重時更日日想輕生，最後因一對子女拯救她戰勝抑鬱病。攝影：沈健程
【母親節系列之走出困局】馬小靈01年在《歡樂今宵》（EYT）憑扮演祥嫂洪金梅為人認識，但之後星途未有突破，數年前已轉行。原來她兩度患抑鬱症，千禧年因矯齒失敗而鑽牛角尖，自覺毁星途，一年多前又因工作壓力令抑鬱症翻發，暴瘦至80多磅，更日日想各種自殺方法，慶幸其一對子女的一句說話令她驚醒，帶她走出低谷。
現年42歲的馬小靈曾參與無綫綜藝節目《歡樂今宵》，扮演祥嫂洪金梅等發揮搞笑本色，令人留下印象，她於10年約滿轉行，現時身兼地產、保健食品傳銷及體檢中心職員三職，與攝影師老公育有一對子女。日前，馬小靈帶同仔女接受本報的母親節主題專訪，又溫馨整cupcake，幸福媽媽有仔女萬事足，原來近十多年來，她兩度患上抑鬱症，要長期復用抗抑鬱藥，令人生陷於苦戰。
■馬小靈為仔女未雨綢繆，現時打三份工的她不怕辛苦。
■當年馬小靈在《歡樂今宵》扮祥嫂洪金梅而為人認識。資料圖片
矯齒失敗
去年馬小靈抑鬱症復發，她首次發病早於一對子女出世前。當年她在娛樂圈發展，在商台做過DJ，之後加入無綫節目《歡樂今宵》，亦被監製李添勝睇中，參與戲劇組拍劇，算有不少發展機會，但千禧年她為了上鏡更好看，接受齙牙矯形而出事：「有間矯形診所話肯贊助我，畀6千蚊就可以扭番正隻牙，最後唔掂，搞到日日似有人鑽你個頭，痛到崩潰，覺得自己嘅愚昧搞成，加上覺得做藝人呢行，唔會有人等你，黃金20幾歲就白白冇咗，搞到鑽咗牛角尖出唔番嚟！」馬小靈於06年結婚，做高齡產婦生了一對可愛子女，為保障將來生活更身兼三份工，依然咬着牙根面對，估不到去年4月，她兼識做保險公司接待員而令情緒病翻發：「返朝9晚6一腳踢，一種無形壓力令你崩潰，親子活動甩晒，份工又做唔好，做個稱識媽媽做唔到，覺得自己好冇用。同老公講，佢話個個返工都係咁，好似俾人插咗一刀，呢個負面諗法一擴散，就不可收拾。」當時她要長期食藥，生活猶如行屍走肉，黑眼圈、黃夾瘦，體重跌至80多磅，辭工匿在家不敢見人，更想盡各種自殺方法，最終父母由澳洲回來探她，家人帶她見精神科、社工及入急症室。
■入行後的馬小靈因矯齒手術失敗，自覺被愚昧毀星途。資料圖片
■母親節將至，馬小靈獲子女親手做高踭鞋cupcake做禮物。
打三份工
在人生最低潮時，救她走出情緒病低谷的是一對子女，做她的守護小天使：「我最絕望時，連家姐都覺得媽咪好似變咗另一個人，但你只能發呆睇住佢哋，有次家姐同細佬走埋我身邊話『媽咪，我好鍾意你呀，錫錫！』又不停錫我，當時你會覺得好難受，因為唔識開心。不過之後就『叮』咗一聲，個腦好似清醒咗咁。」今年年初，馬小靈不用再服食抗抑鬱藥，身體漸回正軌，積極為子女將來未雨綢繆：「小朋友對自己嚟講係一種動力，喺能力範圍內要搵多啲錢，地產經紀對我嚟講算最快搵到錢嘅行業，就算日曬雨淋企到腳痛都值得！」雖工作忙，但她亦有心願，希望將來可以推出關於情緒病及如何自救與育兒心得的書籍。採訪：王梓嫚
來源:
http://hk.apple.nextmedia.com/entertainment/art/20170511/20017266
Next Page