超熟女不老秘方 永不結婚
1 :
GS(14)@2015-06-17 08:40:00英國一名女子容光煥發，頭髮濃密柔亮，雖然見到肌膚不再年輕，但相信沒有人猜到她其實已經年逾80歲！她堅稱沒有整容、沒有注射肉毒桿菌（Botox），年輕的原因是︰從未結婚。斯內林（Nina Snelling）已屆耄耋之年，但外表看來猶如50至60歲，她說沒長過一根白頭髮，沒有變得稀疏；臉部也驚人地平滑。斯內林強調從無接受整形手術，也沒有打肉毒桿菌去皺，亦沒有補牙或進行牙齒美白，她認為外表得天獨厚，或許是因為體內存在「青春基因」。但最重要的，斯內林認為可能她從未結婚，才是得保青春的關鍵。「避過跟男人生活帶來的緊張、或嫁錯郎的愁苦，可能就是我外表看來年輕的原因」。她說見到很多朋友因為另一半而受到困擾，「老是要報到、事事要求得准許，我從不須做這些事。喜歡的我就吃，甚麼時候起床自己控制，買我喜歡而需要的東西」，「我拒絕做日常生活的奴隸」，自由自在的生活令她很感恩。雖然斯內林從沒結婚，不過她育有一名女兒。英國《每日郵報》
來源:
http://hk.apple.nextmedia.com/international/art/20150617/19187585
【add】紅人主場：神級熟女劉嘉玲
1 :
GS(14)@2015-09-10 07:48:52Gucci花卉圖案入膊裙閃石手鐲
香港熟齡美魔女特別多，隨手數來，林青霞、關之琳、鍾楚紅等，個個有品味有信念。年底50歲的劉嘉玲，絕對是當中最入世、最美麗堅持的一位，入行30年，至今仍頂住壓力年年搵角色挑戰、演舞台劇練真本事、發掘各種生意，不怕老、不怕忙，韌性特強，「我而家50歲，越嚟越唔怕年紀大，畀我再返去後生時，我都唔想。」套用馬圈的術語，從容自在的劉嘉玲，現在才是大熟大勇。撰文：林妙萍造型：顏英儀攝影：周樂恒化妝：+0髮型：Ken Hui@ ii Hair& Nail有學者說，一萬小時磨練是成就一個專家的黃金定律。如是說，劉嘉玲由1984年演電視劇《新紮師兄》，到今天持續不斷演了30年，應該早就磨成專業，不過，她似乎嫌仍未磨夠。
Elie Saab黑色喱士長裙Louis Vuitton頸鏈、金屬手鐲
Dior珠片條紋冷衫
演：下個花木蘭
二戰題材電影《開羅宣言》，找嘉玲飾演「民國第一夫人」宋美齡，導演視為不二之選，嘉玲也不計片酬、主動度期拍攝，皆因角色期待已久，「好想挑戰自己，所以好認真咁對待，想做好啲，所以又辛苦啲，壓力又大啲。」對這位精明斡旋幾國政要之間的女外交家，嘉玲開拍之前先惡補歷史、看紀錄片及學英語，「宋美齡係個好有獨特魅力嘅女人，最重要係模仿佢嘅氣場，同埋佢英文好好，我英文就非常麻麻哋，所以拍攝時我請咗個專門嘅老師教我英文，希望模仿到佢神髓多少少。」鄔君梅、蔣勤勤等多位女星也演過宋美齡，歷史人物特別難演，嘉玲說：「做咗武則天，之後宋美齡，我讀書唔多，希望知道多少少人生道理，佢哋面對人生困難時，會點樣處理，以及點樣做一啲成績、成就出嚟，令生命中能夠發光發亮呢？我演完自己都好受益。」透過角色去認識歷史、思考人生道理，如果再演一個歷史人物，會是誰？「花木蘭！後生時，我覺得自己幾似，而家應該唔似，同埋打片嘅話，要打好辛苦，未必做到。」
■嘉玲以外，《開羅宣言》的好戲之人還有陳冲（右）及于紫菲。劇照
心：要心慈貌美
大至房地產、酒吧、服裝，小到賣衫、設計錶，嘉玲近年成為商界女強人，一盤美容面膜生意，也可以賺上過億元。今年繼續以自己名字出商品，「Carina Lau」葡萄酒、「+0 IN MOTION」手錶，二、三千的手錶、幾百元的酒，親力親為試酒、設計，定位親民，「生意係咁啱有機會到我面前，唔係我特別去搵。」建立品牌做生招牌不是輕鬆事，「大家好重視我呢個品牌：劉嘉玲，所以我要好好管理，多啲進修、做完美啲。」生招牌要靚，養生重要，養「心」更重要，心慈貌美是她堅信的一套，「心態好嘅話，外表自然會靚。我覺得，一個女人最緊要係有一個好心地，慈祥啲、寬容啲，因為每個人生活都唔容易，多啲喺人哋角度諗吓，帶多啲溫暖、帶多啲陽光畀身邊嘅人。」
老：好舒服從容
訪問離不開假設性問題，如果可以重新揀選性別、職業，會改變些甚麼？「我想試吓做男人，同埋唔做呢行，想試吓其他工作。」假如可以跟少女劉嘉玲對話，「我會叫佢：你放開懷抱，跟隨夢想努力就得，千祈唔好驚失敗、挫折，呢啲係老生常談。」女人總想凍齡回春，嘉玲卻寧願不坐時光機，停留在現在今天，「我而家50歲，越嚟越唔怕年紀大，而家好舒服、好自在，個人好從容。其實，每個人都會老，呢個係人生定律，當你接受呢件事，老，都可以老得好開心；老，都可以老得好健康，快快樂樂。」
重返舞台助開竅
「第一次《花心大丈夫》時完全唔知發生乜嘢事，第二次《煙雨紅船》我亦未開竅，今次（《杜老誌》）第三次上舞台，對我係個好大挑戰，後來拎到舞台劇最佳女演員，唔敢話自己有真本事，但對得住所有血汗、眼淚。」近兩年，多了許多大卡士男女星走回舞台，劉嘉玲的《杜老誌》三度上演，未來可能演到去歐美，「我最欣賞嘅海倫亨特（Helen Hunt）、湯漢斯（Tom Hanks）、姬蒂白蘭芝（Cate Blanchett），全部都係隔一段時間就上舞台，舞台係幫助你深入去搵到一個角色嘅靈魂出嚟，你會覺得一路做，一路搵到更多、發掘同爆發出更多。」
■演《煙雨紅船》和《杜老誌》（右圖）都與老拍檔兼老友梁家輝合作。劇照
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20150910/19288796
17歲何家千金放暑假超欣扮熟女睇童裝
1 :
GS(14)@2016-07-09 06:47:33■現年17歲的超欣（右）前晚着閃石高踭鞋現身銅鑼灣利園。
【銅鑼灣】賭王何鴻燊四房孻女何超欣，上個月剛踏入17歲，當時其胞兄猷君更飛去倫敦與她慶祝及切生日蛋糕，原來近日超欣已回港度暑假。前晚她與兩位女友人現身銅鑼灣利園商場，超欣身穿白色上衣、微透黑bra，配淺灰色長褲及Valentino閃石高踭鞋，更梳了流行的丸子髮型，身形高䠷的她散發熟女味，雖然超欣素顏上陣，依然看到五官輪廓細緻，果然有着何家淑女的優良遺傳，難怪賭王在她小時候已讚她「靚到不得了」。
■微透黑bra的超欣，在Dior店睇童裝手袋。DV圖片
■最終超欣（右）在童裝店買不到心頭好。
■超欣上月生日，哥哥猷君人肉速遞飛倫敦陪她慶祝。資料圖片
揹上膊埋鏡睇
超欣與同行兩名成熟打扮的女友人去了Dior睇童裝，惟全程只得超欣左揀右揀，有兩名店員貼身侍候，當中她主攻睇細size、售價14,500元的Lady Dior小童版手袋，其間她試了粉紅、粉藍及橙三款顏色手袋，又拎又揹上膊，向友人問完意見，又再埋鏡照。雖然超欣十分雀躍，但似乎都不合她的心水，其間聽到售貨員回覆她所要的顏色，要從巴黎特別訂才有，最終超欣未有收穫。
問四太借手袋
其實超欣已亭亭玉立，與四太梁安琪出席社交活動時，都會借媽媽及家姐超盈的名牌手袋裝身，所以未知超欣今次主攻小童版手袋，是否童心未泯買來「潮着」自用，或買給友人做禮物。雖然她最後未有買下該款手袋，不過仍用手機拍下手袋，相信她應該再徵詢友人意見。超欣與友人離開時相當眼利，見到有傳媒影相，即時好避忌急步離開。採訪、攝影：梁繼光
來源:
http://hk.apple.nextmedia.com/entertainment/art/20160708/19685734
袁偉豪約熟女撐枱腳
1 :
GS(14)@2016-09-28 05:04:25■袁偉豪日前與熟女到沙田新城市廣場食飯。
現年35歲的袁偉豪07年當選香港先生冠軍入行，多年來一直發展平平，直至早前憑劇集《城寨英雄》的牙佬角色，終於彈出，吐氣揚眉。
■人氣急升的袁偉豪表現親民零架子。
儘管袁偉豪人氣急升，但他也如平常人般，出街未有戴黑超或戴帽遮遮掩掩。日前，記者於沙田新城市廣場發現袁偉豪與熟女開餐，當晚他着住恤衫長褲，坐在餐廳開揚位置，但就未見其女友岑杏賢影蹤。當晚8時許，袁偉豪與熟女邊食邊講個不停，二人飽肚後於9時許離開，又往服務台換泊車優惠，見袁偉豪和服務台職員笑笑口有傾有講，表現親切，他往停車場取車後，熟女則自行離開。採訪、攝影：黃曉程、梁繼光
來源:
http://hk.apple.nextmedia.com/entertainment/art/20160928/19783701
熟女糖妹想賺多啲
1 :
GS(14)@2016-09-30 08:09:08糖妹黃山怡前晚在九展舉行音樂會，獲林奕匡、曾國祥、王敏奕、陳瀅、蔡思貝、賴慧玲和糖兄捧場。糖妹一身全黑長裙熟女打扮出場，在台上一脫由長裙變短裙又唱又跳，一班姊妹在台下落力打氣。糖妹感謝家人對她無微不至：「屋企人對我零埋怨，其實人越大越發現父母重要，想賺多啲錢等佢哋生活無憂。」任表演嘉賓的張繼聰表示跟糖妹有緣，曾經同一家唱片公司，又一齊出騷和拍劇。糖妹完騷後接受訪問，指自己換了三套歌衫，而為今次演唱會排舞，她相信自己可以搖身一變成跳唱歌手，將來可唱更多快歌和跳舞。採訪：王連連攝影：陳俊強
來源:
http://hk.apple.nextmedia.com/entertainment/art/20160930/19785839
白滑楊丞琳着Self-Portrait露肩裙做輕熟女
1 :
GS(14)@2017-01-17 01:55:23台灣女星楊丞琳日前於台北出席代言的護膚品牌發佈會，在台上分享保養肌膚的心得，原來是天天勤做mask，才可以keep得白滑童顏。當日她身穿Self-Portrait藍色喱絲露肩長裙，優雅大方，一洗舊有可愛教主形象，展示輕熟女的一面。近年被女星熱捧的時裝品牌Self-Portrait，設計fancy，手工好加上價錢由二三千起有交易，性價比高，就連賭王千金何超蓮、千億新抱徐子淇都愛，而名模熊黛林早前就穿上此品牌的白裙簽紙結婚。
來源:
http://hk.apple.nextmedia.com/entertainment/art/20170116/19898259
【add時尚】周秀娜 半熟女宣言
1 :
GS(14)@2017-04-06 07:41:41Blumarine刺繡紗裙Giuseppe Zanotti粉紅高踭鞋
年齡是女人的秘密，尤其去到三字頭關卡，女人更特別敏感。周秀娜（Chrissie）於去年踏入三十接拍了電影《29+1》，戲裏戲外體會這個年紀的微妙轉變，形容自己算有少少經歷，正值半熟狀態，向來於工作上捱得又拚命的她卻不禁撒起嬌，「我唔明白點解大家覺得30歲就唔需要人錫呀。」所以話無論女人幾多歲，也是樂於被寵的，你懂的。造型、撰文：趙潔恆攝影：郭賢興化妝：Circle Cheung of ndnco.co髮型：Amber Tse of Queens Private i由經典舞台劇改編拍成電影《29+1》，周秀娜飾演主角林若君是個能幹獨立的白領，堅強個性與Chrissie自己幾分相像，但當中有很多釋放情緒的戲份，卻令她面臨崩潰，「有好多發洩位，但我份人係內斂啲，導演要我再畀多啲力出盡力，好似有場要我喊，一roll機我對住離遠棵樹不斷大嗌同喊，連攝影師都話再唔嗌cut佢對手都會斷。」Chrissie拍攝此片亦發現自己一大弱點，「導演捉我嘅咬字，原來我有好多懶音，每次喺片場，我每講三句對白起碼NG二十幾次，係basic。因為第一次涉及咁多獨白，又要對住觀眾講，所以會執好多情緒、表情，不斷NG真係令我好多挫敗。」
Pierre Balmain條紋外套牛仔褲（Rue Madame）
Alice McCall白色背心La Boutique流蘇長褲
■周秀娜在新片《29+1》中演繹大量獨白與情感起伏的戲份，是很具挑戰性的一次演出。
感情學黎明
女人面對30歲，可能有很多外在與內在的愁緒，Chrissie說她的感覺來得遲，慢慢才逐點發現轉變，「有句對白係『其實30歲有乜好驚？』但個語氣係驚同唔驚之間，自己都唔肯定。最大感受係生活上，有朋友已經生咗BB，有啲話題你真係join唔到。」她身邊的同事也越來越年輕，更意識到自己真的升呢了，「突然間身邊的同事有20歲、19歲，佢哋做錯嘢都會原諒，因為佢哋年輕。但係我唔明呀，如果20去到29歲都可以俾人錫，我唔明白點解30歲就唔可以，可能因為大家都覺得你成熟喇。」去到某個年紀，另一個最怕被親友問到的當然是：「你拍拖、結婚未？」Chrissie坦言媽咪都有追問過，「但係學黎明話齋：『感情嘅嘢，同見鬼一樣，都係要講緣份嘅！』我以前都會諗27歲要結婚跟住生BB，咁我40歲就係好後生嘅媽咪。?家發現冇得計劃，未有一個人令我想改變現狀。」單身一人有時都會感到孤獨，「有時難頂都會想喊，想隨時有人分享開心唔開心。但可能一個人又習慣咗，有乜事一個人解決。」女人最需要的安全感，Chrissie也不假外求，「我覺得安全感係可以自給自足，可以控制喺自己手。我諗拍拖同結婚，如果兩個人生活，但我唔工作，我就會依賴嗰個人，我驚我嘅世界就只有佢，可能我嘅生活，我想要嘅嘢，我想去邊度旅行、想買乜嘢、想食乜嘢，都要因為有呢個人我先可以擁有，咁樣畀唔到我安全感。我覺得事業同工作帶畀我嘅除咗快樂、成就感之外，亦令我有安全感。」
買樓靠緣份
最近被拍到睇將軍澳新樓盤，做業主可能最有安全感？Chrissie說：「只係去睇吓樓盤，仲未落實買，其實早年都同家人合資買咗個單位畀父母安居。」香港人視上車為目標，Chrissie對置業都有一套見解，「有時買樓都睇緣份，又冇話有乜嘢心得，睇樓都係我興趣，睇多啲唔同樓盤了解多啲，都係合眼緣量力而為啦。無論買樓唔買樓，衣食住行係基本所需。而買樓就係『齊家』嘅想法，我較看重係一家人開開心心，除咗工作上嘅目標，同屋企人開開心心都係我人生目標之一，呢件事又唔係單單買樓就能夠達成。」
■（右起）周秀娜首次接演古裝劇，與胡定欣和劉心悠鬥演技。資料圖片
難倒古美人
周秀娜過往主力拍電影，今年首次接拍無綫重頭宮廷劇《深宮計》，原來Chrissie是古裝劇迷，煲過不少大熱劇集，「我都睇好多喎，《金枝慾孽》、《武媚娘傳奇》，仲有《甄嬛傳》，要追成七十幾集，我好鍾意孫儷，睇埋佢另外嗰套《羋月傳》。」今次也是她破天荒演古裝角色，「之前有人話我冇古典味，我又拍開時尚感重嘅角色，今次應該冇人想像到會點，都想挑戰吓自己。」近日Chrissie已投入拍攝工作，「劇組對戲服造型、宮廷禮儀都有相當要求，開拍呢段時間都逐漸適應宮廷古裝；宮廷式對白對我嚟講都確實有難度，都花咗好多時間記對白，以免影響進度，呢排跟同事對答都刻意修飾用字，真係變到『敏於事，慎於言』！」更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170406/19980924
Next Page